|
السلام عليكم ورحمة الله وبركاته
عوده من جديد والشاعر ضيدان بن قضعان يا صغير ياصغير لاتضيعني بنظرات البراءه وانت ماتعرف مدى تاثير نظراتك بحالي آه يالبيه يابشويش ياهدئ الاضاءه للجفون الي من اجفى له يجفني ظلالي فزبسم الله عليك من المبره للاساءه وارقد امن في عيوني واسهر امن في خيالي ياصغير والذكي مثلي اذا خانه ذكائه ماله الا يعشقك ويصير لعيونك شمالي وإن فديتك وانت حر من الف باءه لين ياءه ماعطاني الا الله اسرف واستبيح ولاتبالي سوى مايرضى غرورك وأد ماتهوى اداءه انشحى لك بيت حاتم وانت غالي عند غالي قم تمخطر بالحشى وانسى القراءه والكتابه وحل واجب شاعر ماحلته سود الليالي وعلمه وشلون تتعدى على خط استوائه وعلمه وشلون وكيف وهل يضيعون الرجالي وكيف يجني خلف سور الجامعه ذنب الكفائه ساعة اناده ابليس وقاله مالك ومالي وانت يشفع لك صغر سنك و نظرات البراءه في رحالي كل مالديت يمي بالرحالي الثانيه بعد الفقر حطت شريحة و جوال يسعد مسا جوالها و الشريحة كانت تجيني تشتكي قلة المال و تصيح لا جا طاري الفقر صيحة تقول أبويه دايم الدوم رحال و أمي كبيرة سن دايم طريحة و أنت الوحيد اللي لك القلب ميال دايم يصارحني و أنا له صريحة طفلة و أنا معشوقها بين الأطفال جريح حب و طاح له في جريحة كنا سوى نرسم على التربة آمال و أحلام تقتلها الحياة الشحيحة كم دمعة كانت على الخد تنهال و إذا نزلت ضاقت علي الفسيحة الله كم صرخة .. و همسة .. و موال الله كم جادت علينا القريحة الله كم بيت كتبناه يختال و أقول أنا ضيدان و أنتي مليحة نخيل لو ما ف السماء برق و خيال و انكذب الأيام لو هي صحيحة و تقول لا حطيت لك بشت و عقال و سخر لك الرحمن عيشه مريحة أخاف تتركني على عثرة الفال للفقر و وجيه الحياة القبيحة و حبيتها بين الخلائق و الأزوال حب يطول الوقت محدً يزيحة و سلمتها قلب تباريه الأهوال و طاح الخفوق و طيحة القلب طيحة راحت و خلتني مع القيل و القال شاعر صواديف الدهر تستبيحة و دار الزمان و غير الحال بالحال و جاها الزمان بكل ورده و شيحة فلة و خدامة و لكزس و جوال و أنا عجزت ادفع رسوم الشريحة الثالثه قصيدة الجمس راكب اللي ما تجيبه وكالة بالبيد ولا يجيبه بهبهاني ولا وضيحي قطر ادهمٍ وسم الجميح على جنبه جديد مهبل اللي يوم عرض يحسبنه شفر جمس شكمانين ملقبينه بالوليد من سرابه ما يغبط القصيبي والجبر كاتبينٍ في ضمانه حديده ما يبيد تمرةٍ قاري عليها حفيد ابو بكر كن وجهه لا نطحته تشعشع صبح عيد وان قفيته كنه السيل لا سال وحدر وان عرضلك في مزاياه من عنق الفريد وان ركبته تحسبنك على سطح القمر دقته نغمة عبادي على سلم فريد لا عزف الاول وجاوب على عاشر وتر لا شتغل قالت شكامينه اركد ياحديد والقزوز تقول للقاع روح يا فقر كن في الشكمان الايمن صدى عبد المجيد وكن في الشكمان الايسر صدى نايف صقر والبلوف تقول للكهربه هل من مزيد والسيور تقول للمروحه اين المفر تحت كبوته من الفن طيران وعبيد ما يغنون المسافه ولا طال السفر كل اغانيهم على الدرب واصل ياعنيد لين تلفي قصر شيخ على العليا شهر سايقه من صلب ربعي وله باس شديد ما يخاف البعد والليل والموت الحمر من صناديد ال عرجاء هل العلم الوكيد لابةٍ من جن تمشي على هيئة بشر |
اماسي
حياك ربي وياهلا ومرحبا نورتِ .. ليل وسوالف وتعاليل .. بأنتظار عودتك ,, و http://www.najdyah.com/vb/images/smilies/i.gif لروحك |
بس لحظه
حياك ربي وياهلا ومرحبا نورت .. ليل وسوالف وتعاليل .. بأنتظار عودتك ,, و http://www.najdyah.com/vb/images/smilies/i.gif لروحك |
عقاب النهار
هلا ومرحباً بك وبشاعرك العذب الرااقي انتقاء بديع سما بليل وسوالف وتعاليل .. لاحرمنا وجودك وسمو ذائقتك يا ألق ,, http://www.najdyah.com/vb/images/smilies/i.gif |
شل الحل بغيابك اهلاً ومرحباً بك وبشاعرك الجميل والراائع .. وانتقاء عذب لقصائد رااائعه .. وشكراً لوجودك ,, ولروحك .. http://www.najdyah.com/vb/images/smilies/i.gif |
كبرياء شمر
حياك ربي وياهلا ومرحبا نورت .. ليل وسوالف وتعاليل .. بأنتظار عودتك ,, و http://www.najdyah.com/vb/images/smilies/i.gif لروحك |
حمدان سليمان
حياك ربي وياهلا ومرحباً بك بـ ليل وسوالف وتعاليل وبشاعرك الرااقي والراائع ,, انتقاء بديع ومميز.. لاحرمنا وجودك وسمو ذائقتك يا ألق ,, وhttp://www.najdyah.com/vb/images/smilies/i.gif لروحك ,, |
[TABLE1="width:95%;background-color:black;"] [/TABLE1] | |
[TABLE1="width:95%;background-color:black;"] | [/TABLE1]السلام عليكم ورحمة الله وبركاته صباح ومساء الفل والياسمين عوده مع شاعر آخر .. بين مدن الشعر الحالمة وتحت سماء الغربة الغائمة وفوق أرض الأحاسيس الدائمة الاخضرار ينبعث لنا ( ضوء ) تنحني له غصون الحب , وتتهجى أبجديات نوره شفاه العشب. ضوء يختصر رحلة الشمس قي صفحات النهار ويختصر مسافات الحنين في ( صالات المطار ) ضوء استطاع أن ( ينفض ) الندى عن زهور الخيال واستطاع أن ينظم عقد التغاريد في حروفٍ من ظلال. ضوء يخترق شرفات الفكر والشعر , له من التشويق بريق , ومن الحبر عطر , ومن البياض فياض. ومن الانسياب سحاب , ومن الصوت توت , ومن الحرف عزف , ومن ( الغزل ) مثَل , ومن ( الرثاء) غناء. هو شاعر ( المدينة ) الذي كانت أرصفتها لـحن لأقدامه. هو شاعر ( الغريب ) الذي كانت ملامحه وطن لأحلامه. جعل الألحان ( أعز إنسان ) تصاحبه الأبيات. وجعل العشاق ( سالفة أشواق) تنصت لها النجمات. كتب للرحيل فعشقنا السفر , كتب ( للميلاد) فعشقنا السهر , كتب للجرح فعشقنا الصبح ,كتب للمراسيل وفاح الهيل. كتب ( للتوبة ) فعشقنا الهداية , كتب ( للصمت ) فكانت أجمل حكاية وإليكم نبذة عن سيرة شاعرنا القدير والمبدع : ولد الشـاعر فهد المساعد عـام 1398هـ في مدينـة الريـاض وعـاش أربع سنـوات من طفولتـه في الريـاض ليعـود بعدهـا إلى مسقط رأسه مدينة الرمحيـة ( 120ك شمـال الريـاض ) ودرس فيهـا المرحـلة الابتدائيـة ، ثم تركهـا بعد ذلك متوجهـاً إلى ( رمـاح) لإكمـال دراستـه وفي ذلك العـام توفي والده رحمـه الله ، وأكمـل فهد 6 سنـوات في هذه القرية ليغـادرهـا بعد انتهـاء المرحـلة الثـانوية. - وبعد انتهـاء المرحـلة الثـانوية بدأ الشـاعر فهد في رحـلة البحث عن الذات – كما يسميهـا - فتنقّل بين جامعـك الملك سعود ومعهد الادارة العـامة طالبـاً وبين عدد من جهـات العمـل ليستقـر به المطـاف أخيـراً موظفـاً في شركـة الاتصـالات السعـودية. بدأ فهـد كتـابة الشعر وهو في سن الثـانية عشرة من عمره.. الشـــــــــــــــــــــــــــــا عر فهــــــــــــــــــد المســــــــــاعــــــــد http://www.almusa3ed.com/vb/uploaded/210_1202238203.jpg بعضا من قصائده تـــــــــــــــعــــــــــــــال من عز نومي صحيت وشفت في عينـي دمع تهادى علـى جفنـي وأنـا غافـي ستـرت دمعـي بـ كمـي قبـل يغرينـي وأخذت هذا الجسد مـن باقـي لحافـي وسريـت تايـه ورا خطـوات رجلينـي لا الوجه وجهي ولا أوصافي هي أوصافي أمشـي وأقـول لـ طريقـي لا توديـنـي لـ عيون ناس تبي تـدري عـن الخافـي أمانتـك.. خلهـا مـا بينـك وبيـنـي خابرك يالـدرب خـوة عمـر وسنافـي مـا ودي النـاس تـدري وش يبكينـي كرامة النفـس ورث أبـوي و أسلافـي أمشي وأحس الخناجـر فـي شرايينـي والبرد يمشي وراي وينهـش اطرافـي وحيـد واللـيـل بـردونـه يغطيـنـي تقـول كـن البلـد روح بهـا السافـي إلين ما أوحيـت لـي صـوت ينادينـي صوت أعرفه مثل ما أجهل وش خلافـي قمـت أتلفـت و انــادي لا تخليـنـي ما غيره.. الصوت هذا صوتـه الدافـي ولمحت زوله من أقصى الـدرب لافينـي مدري وش اقول لكن حـي هـا اللافـي تعال.. شف غيبتك كيـف أثـرت فينـي تعال.. شفني وأنا أغرق عقب مجدافـي تعال.. خذنـي ورحبـي مـن عناوينـي تعبت أعدي على جمـرك وأنـا حافـي تعال واقطف بصوتـك زهـرة سنينـي كـل المواعيـد عقبـك شمعهـا طافـي تعـال وازرع خصـل شعـرك بكفينـي بضمهـا ليـن أحـس بليلـك الظافـي تعال وشفيـك خايـف؟ أنـت ناسينـي؟ قطعت صوتـي عليـك وطـال ميقافـي حتى بديت أشعـر أن الحـب معمينـي وان أنت حلم عثى فينـي وأنـا غافـي لكن أمانـة تـرى اللـي فـي كافينـي إن رحت منك كذا مـا رحـت متعافـي بصـدق الحلـم وأحـذر لا تصحيـنـي في خاطـري كلمتيـن إن قلتهـا كافـي أمانة الله عليك إن غبـت عـن عينـي لا يكون قلبك مثل قلـب الزمـن جافـي مع كـل دمعـة تذكـر رعشـة يدينـي ومع كل ضحكـة تذكـر قلبـي الوافـي التوبه تطيح دمعه واسلـم للفضـا موقـي وارفع يدين الذنوب وتظلم أعماقـي اشوف قبري يمر بوحشتـه فوقـي وتصير كل الحياة أضيق من أخلاقي يانفس طالـت ليالـي غيّنـا فوقـي كم قلـت يالله وقلتـي تونـا باقـي يالمزنه اللي تحـن لغيثهـا نوقـي تعبت أخيلك وأقـول نياقـي نياقـي تعبت ياما تعبت و ضاعت حقوقـي ياما ندمت وردمت الذنب فـأوراقي ياما سكت وتركت البوح لعروقـي أخاف أسولف وأخيب هقوة الهاقـي أخاف ابوح ويخون الصمت منطوقي وأقول شي يحـث النـاس لفراقـي يالله وأنت الملاذ إن مسني عوقـي وأنا ذنوبي جهد من راسي لساقـي يالله تغفر خطـاي وترحـم وتوقـي عظمي نهار الحساب وتقبل إعتاقـي ..{ سكة الذكرى }.. مرّني طيفـك .. وطيفـك صاحبـي مـدري عـدوّي جايبٍ صوتك .. وصوتـك سكـة الذكـرى الحزينـة قال أنا جوّي تكـدّر .. قلـت : ماهـو كثـر جـوّي قال فرقانا غبينـة .. قلـت : وأكثـر مـن غبينـة قال : أنا بـ أموت من غيبتك قل لـي ويـش أسـوّي؟ قلت : أنا أبغى الموت في غيبتك .. قل لي بس وينه؟! قبل ترحل .. كنـت أقـول بيسـرح أيـام و يضـوّي مثـل ماعودنـي اليـا اشتقـت لـه جابـه حنينـه بـس هـ المـرة ثمـان شهـور وضلوعـي تــدوّي كل يوم أشتاق لك .. يلعـن أبـو الشـوق وسنينـه كـل ماعشمـت قلبـي .. قـال ياآآ ضلوعـي تقـوّي ورحـت أنـا ويـاه نرقـب رجعـة اللـي فاقدينـه نوب أقـول اليـا رجـع بكـون فـي قمـة هـدوّي ونـوب أقـول الا أبزعـل وأتلـى مابينـي وبينـه كل يوم أجلس علـى جـال البحـر وأقـول تـوّي .. .. لاسألني : مافقـدت الحلـم فـي لمسـة يدينـه ؟! مادريـت أن البحـر ماقـال لأمـواجـه تــروّي ! و مادريت أن الغـرق هـو حجّـة غيـاب السفينـة مادريت .. أو مابغيت أدري .. ولاأدري وش بسوّي لو رجعت .. وشفت طيفك فـي الممـرات الحزينـة وين ابنسى وانت طيفـك صاحبـي مـدري عـدوي مارضى يتـرك لـ غيـره شبـر واحـد فـي المدينـة! ..{التفاصيــل الصغيــره }.. ازعل عليك احيان وأزعل على نفسي قبل ماأزعل عليك وأرضى عليك احيان وأرضى على الدنيا وانا راضي عليك وأنت عمرك مازعلت .. وماعتبت ... ومارضيت أزعل علي لو كذب أعتب علي لو كذب هذي التفاصيل الصغيره اللي تخلينا نحب ماأحب انا ازعل عليك ازعل انا لأني احب *** ياأدفي من حروف الشعر ياأرق من حلم السنين إذا تركتك تنتظر حسسني إن انتا حزين مابي تقول مسامحك قل : ماأبيك وإذا رجعت اصافحك أبعد يديك أنا انجرح قبل اجرحك وأبكي عليك لكن أبي مره تحس وشلون أنا أمووت فيك هي التفاصيل الصغيره اللي تخلينا نحب ماأحب أنا أقسى عليك أقسى أنا لأني أحب *** أدري فيك تموت فيني وأنا ميت من برودك لي متى وانتا تبيني وما تحسني بوجودك ايه ... حسسني بوجودك لمّ صوتي بعثر حكاية سكوتي لاتخلي الحب يفقد همسك العذب ويمووت قل احبك .. قل احبك بأعلى صوت انا مليت السكوت *** يابعد كل المسافات الحزينه معك امانه الدروب اللي مشينا .. لاتضيع وتغترب بالتفاصيل الصغيره نقدر نعيش ونحب بـــــــــــــاب النســـــــــــــيان كـل مافـي الأرض يـنـذر بالمـفـارق والغـيـاب اللقا .. والشمس .. وحـروف الرسايـل .. والقبـور وش بقى يوم أكتشفت أن آخـر الـدرب السـراب ؟! والبحـر دمـع لسواحـل هاجـرت عنهـا الطيـور ! مالحزني صوت ؟ .. مدري هو خطـأ والا صـواب ! بس أعـرف أنـي حزيـن وصوتـي الليلـه جهـور مـن يدّثـر صوتـي الليلـه ويكسـب لـه ثـواب ؟! مالهـا يالشعـر غيـرك أنـت .. ياجبـر الكـسـور يكفـي أنـي .. لابكيـت بدونـك أشعـر بإرتـيـاب وكل ماأبكي فيك .. أشوفك لي .. عن اللي فيّ .. سور أدري بيوتـك عرايـا .. لـكـن أوزانــك ثـيـاب لبّـس جروحـي مـن أحزانـك وألبّسـك الصـدور كـان يـامـا كــان والنسـيـان للعـشّـاق بــاب عاشق ٍ لاشـدّ درفـة بـاب .. صـاح بـلا شعـور : يقـدر النسيـان ينـزع غصـن مـن فـوق التـراب بــس مايـقـدر يـقـرّب للـتـراب ولـلـجـذور كيـف أبنسـى ذكريـات الطيـش الأول .. والشبـاب ورفقـة الليـل العتيقـه .. وأول الفجـر الطـهـور والمواعيـد وشغبهـا .. والـولـه قـبـل العـتـاب وساعـة ٍ كـم كنـت أحـاول فـي عقاربهـا تـدور والمكـان اللـي وهـن سقفـه مـن الفرقـا وشـاب مـن بعـد ماكـان يحضّنـا مثـل طـفـل ٍ غـيـور والمطـر لا لـوّن الشـارع .. وقلـنـا للسـحـاب : بلـلّ أيدينـا .. تـرى العشّـاق أياديـهـم زهــور كيـف أبنسـى والريـاض لسيرتـي مثـل الكتـاب ! حافظتني بيت بيـت .. و حـي حـي .. و دوُر دوُر مـن كثـر ماكنـت أدوّر فـي شوارعهـا جـواب : هو صحيح الحب أعمى ! أو عيـون النـاس عـور ؟! كنت أشوف الحب عذب .. وهـم يشوفونـه عـذاب ! كان هـذا الحـب سـر ! .. وقلتـه وكلـي سـرور علمّونـي فـي المدينـه كـيـف لاحبـيـت أهــاب لكـن القريـه قمرهـا قـال : كُـن للـحـب نــور في بلادي كنت عاشـق .. بـس شاعـر بإغتـراب ! ليـن صـرت الشاعـر اللـي تعشقـه كـل البحـور علمّينـي يالقصايـد هـو خـطـأ والا صــواب ؟! لارفضـت أنسـى عيـون ٍ عشتهـا شعـر وشعـور هذا أنا لحالي .. هزيـل الحـال .. وأشعـر بإكتئـاب كـن قلبـي جـال بحـر ٍ هاجـرت عنـه الطـيـور أجرع الفرقا وأقـول الحـب عـذب .. وللعـذاب .. كـل قلـب ٍ لاحرمـه الوقـت مـن خلّـه .. يبـور ولين هـذا اليـوم أدوّر فـي المدينـه عـن جـواب : ليه في شرعك .. يكـون الحـب معنـى للفجـور ؟!! |
[TABLE1="width:95%;background-color:black;"] | [/TABLE1]السلام عليكم ورحمة الله وبركاته اتيت مع شاعر اخر انار سماء الشعر الشـــــــــــــــــــــــــــــا عر __ محـــــــــمــــــد جارالله الســـــــــــهلي __ http://i462.photobucket.com/albums/q...asim/sha3r.jpg نبذة تعـــــــــريف بالشاعــــــــــر محمـــــــــد السهـــــــــلي شاعرنا استطاع أن يحلق بنا إلى عالم القوافي والأوزان .. كما استطاع ان يرسم لنا من واقع الكلمات أجمل الصور وأروعها هنا حيث قصائده التي عانقت حروفها صدق الاحساس وحسن التصوير والاتقان نقف وقد هالنا شموخ الكلمات ورقة المعاني ونبحر معه وكأننا نحن من نظمنا الأبيات ... هناك حيث قصائده قد لامست شغاف قلوبنا وحررت الآمنا من قيودها وانطلقنا معه وبه الى حيث الموسيقى الهادئه وحيث آلآهات الكامنه في تلك الصدور المتعبه ... انه شاعرا قد جعل من الكلمه والقلم طوع أمره ومن القرطاس مهدآ لفكره .. انه شاعر قد سابق الافكار وصاغ المعاني لتتجسد لنا في اطار جميل يفهمه الصغير قبل الكبير ولادته ونشأته: ولد الشاعر محمد جار الله السهلي في 1982.10.7 في دولة الكويت محافظة الاحمدي تعليمه وثقافته: حاصل على الإجازه الجامعيّه ( بكالريوس ) من جامعة الكويت - كلية العلوم الإجتماعيه - قسم الجغرافيا - فبراير / 2006 هواياته: أولى هواياته القراءة والشعر وحب الاطلاع أعماله ومسؤولياته: موظف في وزراة التربيه - الكويت - يناير / 2007 إلحالة الاجتماعية: متزوج ولديه من الأبناء بداية مشوارة: - بدأ كتابة الشعر عام 2001 و النشر عام 2002 من خلال مجلة آفاق الجامعيّه ومحلق (الواحه) جريدة الأنباء وملحق ( ملتقى الشعراء ) جريدة الوطن . - في عام 2002 تنبأ بنجوميّته الشاعر الإعلامي ( عبدالله الفلاح ) من خلال عدة كتابات في واحة الانباء . - في عام 2003 قدّمه الشاعر والصحفي الكبير ( بدر الحمد ) بخط يده من خلال مجلة الساعي . - في عام 2004 بدأ النشر في مجلة المختلف بتقديم ودعم من مدير تحرير مجلة المختلف الأستاذ : نايف الرشيدي عضويات يشغلها: * عضو ديوانية شعراء النبط الكويتيه * عضو جمعية المعلمين الكويتيه أمسياته الرسميّه: - أمسية الجهراء بمناسبة تكريم مجلة المختلف للشاعر الكبير طلال السعيد - نوفبر / 2004 - أمسية مهرجان هلا فبراير - 2005 - أمسية مهرجان عنيزه - 2005 - أمسيه مهرجان بريدة - 2006 - أمسيه مهرجان الدوحه الثقافي - 2006 - أمسية ( ابو ظبي ) : تنظيم الاتحاد الوطني لطلبة الإمارات - 2006 - أمسية مهرجان أبها 2006 - أمسية مهرجان هلا فبراير - 2007 - أمسية ( باق في قلوبنا ) : تنظيم اتحاد طلبة الهيئه العامه للدراسات التطبيقيه - 2007 من قــــــــــصائــــــــــده بـــــحــــــــة الـــــشوقـــــــــ تعال اغنيلك الموال وغيابك للشوق ( بحه ) تميز نبرة اشعاري زهبت عذري وردي لاابتدى عتابك كم لي افكر شقول ان قلت شالطاري بقول مشتاق للطعنه من اهدابك ومشتاق اكثر لقولة باخذ بثاري !! وبقول مليت مدري ملني بابك من غبت دونه وقف عمري ومشواري مغير اسولف له اللي صار باسبابك وارمي عليه الشقا والهم واعذاري من غير لا ادري اجي وان قال وش جابك ؟ قمت اتساقط علي من ( غيمة افكاري) لين اتبلل (( وله )) واطير اسرابك وتروى عصافير فرقانا من انهاري وارد ميت عطش واقلب كتابك واقرى حكاية سراب عذب ازهاري شفني ذبلت وطفيت وجيت ابحيابك عمري دفعته ثمن دربي ومسياري اما تخليني احيا فيك وابقابك ولا تاكد وفاتي آخر اخباري ابك انت مره طرالي احرق اعصابك طاوعت فكري عليك وجيت لك ساري فكرت ابيعك وابعثر بالمدى اطيابك عقلي نواها وقلبي قال انا ( شاري ) ورديت احسك بصدري واحسب احسابك اني زرعتك لقا وابقطف اثماري واليوم دام المسا توه تغنابك اقررب مدامك لحن تشتاقه اوتاري ابعزفك للقصيد اللي تسمابك وشب لك داخل بحور الشعر ناري واسمعك ما كتبته لين ( ينتابك غرور ) واسمع كلام عده اجباري لاصرت انا والقلم والدفتر احبابك يحق لك لو تقول ان الشعر داري ما قلتها قصدي اني اكسب اعجابك لكني بهذي ادري ويش مقداري الصعب جذاب وانت الصعب يزهابك وانا على الكايده يا عاشقي ضاري وان جات للجد له لذه ترى غيابك شف ( بحة الشوق ) كيف تميز اشعاري ؟؟ شاعرهاااا لا يطـوّل سكوتـك ولا يطـوّل سكـاتـي تـرى الـدعـاوي بسيـطـه لا تكبّـرهـا خلـك علـى خبـري وظنـي وهقـواتـي خابرنـي الضيـق والضيقـات خابـرهـا وسّـع لـي البـال يـا سيّـد طموحـاتـي ولا تغيّـر النظـره اللـي كنـت تنظرهـا تقول : حـب البشـر طـوّق مساراتـي ؟ ابـك انـت حبـك مساراتـي يسيّرهـا !! ان غبـت عانـت عيونـي مـن معاناتـي وذكـرك يصبّرنـي وطيـفـك يصبّـرهـا لا يـا بعـد شهرتـي واعظـم نجاحاتـي وكل القصايد مـن ابسطهـا ليـا اشهرهـا ولا يـا بعـد مـن يـدوّر لانكسـاراتـي شعّار سبب وجـودي ضيـق خاطرهـا !! انت اجمـل اللـي تسجـل فـي سجلاتـي ان جيت : وين البشر ؟ وان رحت : مكثرها يـا اوّل وآخـر قصيـدي وآروّع ابيـاتـي محـدٍ يحـب القصايـد كثـر شاعرهـا !! مـا فـاق حبـي لـك الا حبـي لـذاتـي يعنـي احبـك محبّـه مــا اتصـوّرهـا يا اصدق من النشـوه اللـي فـي بداياتـي لا قلت لي كـم بيـت .. وقالـوا انشرهـا واغلى مـن الدمعـه اللـي كـل صدماتـي تطلـب يدييهـا !! واحجّرهـا ولا انثرهـا وآحـن منـي علـيّ ان شفـت زلاّتــي القـاك بررتهـا لـو صـعـب ابـررهـا واطهـر حكايـة محبّـه فـي حكايـاتـي مـن قبـل لا عيشهـا حسّيتـك اطهرهـا لا تلومنـي لا بديـت آخــاف وآحـاتـي كـل حاجـةٍ غاليـه مـا ودّي اخسـرهـا ولا تضـايـق لـيـا كـثّـرت جيّـاتـي ضيّعـت فيـك السنيـن وجيـت ادوّرهـا تـعـال رتبـنـي ورتــب حسابـاتـي او تدري شلـون ؟! رتبنـي و بعثرهـا !! مو مشكلـه لـو تصيـر اطـوّل مسافاتـي المشكلـه لابـديـت احـسّـك اقصـرهـا اكبـر عيوبـي : بديتـك مـن نهايـاتـي واكبر عيوبك : لقيـت اوّلـك بآخرهـا !! يـا مكتشـف عالمـي واقـدم حضاراتـي حـرام كسـر الخواطـر بيـد جابرهـا ؟! مـدام تقـدر علـى اللـي فـوق قدراتـي لا تذخـر الفزعـه اللـي قلـت ذاخـرهـا رجعنـي لوقتـي او رجعـلـي اوقـاتـي عاميـن تنطرنـي .. وعاميـن ناطـرهـا وتقـبـل الــود والشـكـر وتحـيـاتـي يـا ساكـن الـروح والـروح ومشاعرهـا وروّق وركّـز وحـاول تفـهـم الآتــي: فكـره تـأكـد قلـيـل الـلـي يفكـرهـا لـو ان غيـري معـاك يسـوي سـواتـي قلت : انت نعمه وهـو عاجـز يقدّرهـا !! (( شـــــــــوت )) !! الفكر ضد الموت فـي كـل الاوقـات واللـي بليّـا فكـر عايـش بتـابـوت الصـح منـه يـدوم ويخلـد أمــوات والاّ الغلـط مجـرد سنيـن ويـمـوت والشعر لوما صار (ساعـي قناعـات ) يصبح حكي .. لكن على هيئة بيـوت !! والصـدق مفتـاح الكرامـة ومنـجـاة يكسيك من لبس الثنـاء مشلـح وكـوت والكذب نقص عقول وفعـول واثبـات: بـان أغلـب الياقـوت ماهـو بياقـوت والحب (أحلى شي) .. إلاّ مـع الـذات والدار (أغلى شـي) .. إلاّ بـلا قـوت والدين .. عز .. وهيمنة .. وانتصارات لاصار فعـل وقـول وإجهـاد وقنـوت يوم المشايخ .. قبل عصـر الدويـلات تنقل كفن وسـلاح ماتنقـل بشـوت !! في وقتها ياهـل الخطـب والشعـارات سالت دموع العز من (عين جالـوت)!! وفـي وقتنـا .. ياصانعيـن القـرارات نضحّي بغزة علـى شـان بيـروت !! والفرق شاسع .. ياصراع الحضـارات والقول أكيـد .. وبالأدلـة .. ومثبـوت الماضي: أمجـاد وشمـوخ وفتوحـات والحاضر: مهايط ومقهـى وبيلـوت !! وأمـرّ وآدهـى .. ماهـو قـادم وآت لاصـار واقعنـا مبهـذل وممـقـوت يمثـل الأمـة فـي الامـة عصابـات وعلى خراب بيـوت تتعمـر بيـوت !! جلسات سريّـة علـى شـان جلسـات تفوّت اللـي مستحيـل انـه يفـوت !! واللعب واضح فـي جميـع المجـالات بتشوت ؟! صلح لي أصلح لك اتشوت !! والخيـر بيّـن فـي وجيـه البشـوات والشعب مستهلـك ومتعـب ومكبـوت حرية الراي : اختصـاص القيـادات !! وحنا تخصص ذل وانصات وسكـوت! ياصاحبي .. خل القصص والحكايـات وش ميزة التوت ؟ ان فقد لذة التوت ؟! إن مت ! من قول الحقايق .. سهـالات على الأقل تدري على ويـش بتمـوت ! والمشكله ماهيب فـي كثـر الاصـوات المشكله لاصـار مـال العقـل صـوت (( اصعب سؤال )) (( اصعب سؤال )) اللي جوابه للأسف مثله (( سؤال )) !! ما هو تفلسف !! الا موقف صار واسمع " ثاني بيت " : البارحه يومه سأل : (( وش ذكرك ذيك الليال ؟! )) كان الجواب بكل بساطه : (( من متى اصلا نسيت ؟! )) ادري بان جمع (( الصعوبه والبساطه )) شي محال !! لكنها صارت كذا !! واللي (( اهم )) اني دريت : ان الحياه فبعد احبابك اذا جف الوصال اتعيشها لو تقتنع انك خلااص اصبحت(( ميت !! )) يا صاحبي لو كل شي يمر بالخاطر يقال ما كانت العبره تــــولجني اليامنك طريت ؟! شفني قدرت احبس دموعي بس (( دمع القاف )) سال ويا كبرها ساكت ولكن داخل اوراقي بكيت !! عمر الحكي ما كان دافي لاابتدى بقولة تعال لجل اتجاهل رجفة حروفي اليامني حكيت .. الحالا شفته امشي ببتعد واثره معي مهما مشيت !! مدام يعني في بحرك لفرحتي مليون جال وش فيه موجك ما ركد ؟ قربت اموووت وما رسيت .. يرضيك ما عادت معي تفرق اذا جالك مجال لاني اقتنعت انك نهايه واني ببطي ما بديت !! صرت (( اعقد حجاجي )) اذا جابوك باطراف الجدال وانا قبل لاقالوا اسمك كني : ميت ثم حييت .. تعبت اعيش الدور وافتح للمعاذير الخيال واتخيل اني جيت في بالك وبانك استحيت .. وتردلي كلك (( ولــه)) وتقول : ( كن البعد طال ؟ ) ومن الفرح ما عاتبك واقول : ( ياخي مابغيت ! ) حتى وانا تخيل حشمتك ! لن قلبي لا يزال يكرر اسمك داخل اعماقي بنبضه لا سهيت .. قلي شسوي فيك ؟ وانت بداخلي اصدق مثال للحب واحساس القصيد ان عانق الليل وسريت .. ربي يصبرني على الفرقا مدام الحظ مال وانت بيجيلك يوم تعرف ليه في بعدك شكيت .. واذا بلاك الله وعذبك اشتياقك (( بس تعال )) واقرى القصايد في غيابك كلبوها بيـــت ... بيـــت .. بتدرى ان ( اصعب سؤال ) اللي يجي رده ( سؤال ) لا قلتلي ( وش ذكرك ؟ ) ثم قلتلك ( متى نسيت ؟ ) ل في بعدك قسم بالله ما اسميه حال انوي على الضحكه واحس كلي خطا لاني نويت ؟! اتصور انك من رحلت اشوفك لجسمي ظلال واخترت لكم http://www.youtube.com/watch?v=HiC9TIbw4GU&feature=related |
عوده لكم من جديد
اتيت وانا احمل معي شاعر جميل ومبدع اتمنى ان يعجبكم وينال على استحسانكم شاعري هو ناصر القحطاني نبذه عن حياته: الشاعر : ناصر بن محمد القحطاني ناصر بن محمد القحطاني شاعر يجيد التعامل مع المفرده بحرفنه الشاعر القادر على لي الاعناق الى قصائده كما له العديد من المشاركات في الصحف المحليه والخليجيه اذ اصبح محط اهتمام متلقي الشعر الشعبي في ارجاء الجزيره العربيه كما قام العديد من الامسيات الشعريه وكان وكان اهمها على الاطلاق أمسيه قصرالحمراء بأسبانيا وذلك بدعوه من جمعيه الثغره الاسلاميه هناك . وقد حققت هذه الامسيه بالذات نجاح فاق الوصف وكانت محطه هامه في حياته الشعريه . بألاضافه الى امسيه شعريه اخرى اقامها في عاصمه الضباب لندن ولا يقل نجاحها عن نجاح امسيته الأولى ليظل ناصر محمد القحطاني بقصائده شاعر الطراز الأول . تلمس في قصائده جراح امته واثبت موهبته في كتابه الشعر الجميل وله ديوان د مقروء بأسم الذاهبه ودواوين صوتيه (( ورود و بارود - شمس الغرام - همس الغمام )) الذاهبـــه الله اللي راد والعقده قضاها اللي عقدهــــــا لا على الدنيا سلام ولا لباقي العمر زينـه الفضا ما كنه إلا خميةٍ طاحت عمدهـــــــا والفرح ماكنه إلا شيخٍ أنقصت يدينـه والعمر قطعة زجاج أنكسرت ولاّ طال أمدهــــا والعرب في العيد بدموع اليتامى مستهينـه والشوارع لفها ثوب الظلام اللي هجدهــــــا والبيوت أطلال من عقب المحبه و السكينـه والشتا و الليل والبرد و سما يصرخ رعدهــــا و العيون اللي ورا الشباك مذعوره حزينـه طولوا في الكهف الأصحاب و بقت روحي وحدهـا كنّها في كوكبٍ ثاني خلا من ساكنينـه الوداع اللي بعلم لعيني أعبر من رمدهـــــــا و الوداع اللي بلا علم لقفص صدري غبينـه والوداع اللي بلا رجعه عليّ أمرّ و أدهــــــى و الله أنه غرغرة سمّ وسكاكينٍ سنينـه والعنود اللي جفيت الناس والدنيا بعدهــــــا مدت الفرقا لغاليها وهي تعطي الثمينـه وينها؟كيف أتركتني؟ ليه ما جت فـي وعدهـــا و القمر لا طل خابرها تجي بيني و بينـه رحت أنادي و أتلمس في مهب الريح يدهـــــا كني حصانٍ بلا صاحب طوى البيدا حنينـه رحت أصيح الصبح وينه؟ والعرب ما رد أحدهـا ما سمعت إلا صدى صوتي يقول الصبح وينه كنهم من يوم ذيك الشمس غابت عن بلدهــــا طلعوني في النفود وصكوا أبواب المدينـه كنهم من يوم ذيك الذاهبه ما حدٍ وجدهـــــا كل رجالٍ من الشرهه قلع في الدرب عينـه اثرها ماتت و ماتت كل فرحه في مهدهــــا و الربيع أقفت به اللي كانت التاج لجبينـه جاورت عقب الحدايق حفرةٍ ما قسى لحدهـــا حفرةٍ ماني مصدق كيف ضمت ياسمينـه للحزن فيني مثل ما للطهاره في جسدهــــا ويش أسوي لا فتشت اللي لها وسط الخزينـه زخرفت حلم وبنت له مسكن وسمت ولدهــا آه لو غرد ولدها في خميلة والدينـه عاهدتني وظفرت بيمينٍ أقوى من عهدهـــا والصبي لا خير فيه أن كان مانفذ يمينـه ما تتقى عن رثاها عرقٍ أكتظ بشهدهــــا ولا تبقى خلف قضبان الجفن عذرا سجينـه كيف عند العالم أيام العزا محصى عددهــا وإلا أنا طالت شهوره والله أعلم كم سنينـه لا الثرى فيها نبات ولا المشي خفف نكدهـا لا السما فيها طيور ولا البحر يمه سفينـه لا القمر هذا مساه ولا العصي هذا رغدهـا لا الزهر هذا شذاه ولا الذهب هذا رنينـه قالوا الشيخ الفلاني مرجع القوم و سندهـا قال يبشر بالعوض و العلم جينا ناقلينـه ساق لك بدر البدور اللي نشدها من نشدهـا جادلٍ هزت عروش خيّبت روسٍ ذهينـه قسمها في رسمها في جسمها إلا في رشدهـا و أسمها أن جا للغضب قومه على الألسن رطينـه أترك الناي وعطيّة شيخنا غنّ لسعدهـــا و انبسط ياعم و أنسى اللي ورا التربه دفينـه قلت و لصدري تناهيد تروّع من شهدهـا آه واويلاه من يجلب على قلبي ضنينـه خلّّّوا أغلى ذاهبه ترعى ربيع إللي فقدهـا و العطا راعيه محدٍ صوبه الله لا يهينـه لو ضمنت الجنه و تفاحة القلب وشهدهـا قلت من بكره عسى مجنونهـا تاقف سنينـه http://www.sheekh-3arb.net/3atter/di...s/image407.gif راسي راسي ولو شح الزمن ماحنيته ماباقي الا انتى توطين راسي رضيت بالهم وتعزبت بيته وصبري وعزة نفسي اهلى وناسي يا مرحبا بالجرح لو ماقويته الذل فى وجه عنيد وقاسي ان طاعنى الخفاق ولا عصيته ماخنت فى يوم من الايام باسي لعل قلبا مايثور لو نخيته تصبح ركونه للمواجع كراسي وان مرنى ليل الغرام وسريته لاتحسبين انى مع الوقت ناسي جرحا برا وان مابرا مانسيته لو يمتلى من مويه العذر كاسي تدرين راسي للبشر ماحنيته لاانتى ولا غيرك بيوطون راسي http://www.sheekh-3arb.net/3atter/di...s/image407.gif الساعه اشغلت عينك الساعه على هونك ودنا نطلع من الوقت لو ساعه في بحر سود ابحر شوق مضنونك شفها الريح يوم تمازح شراعه زيد فى فتنتك لعيون مفتونك يتبعك ماتلفت يم تباعه كل ما لد طرفك قلت ياعونك انت شيخ الخفوق وكثر اوجاعه كن منت على بعضك وانا دونك اتلهف لوعدن عندك وداعه كن الاهداب تشكى رعشه جفونك كن كفك يتله منى ذراعه اشغلت عينك الساعه على هونك ودنا نطلع من الوقت لو ساعه لمت صمتك واثر صمتك من فنونك لا سالتك تصير الكلمه اطماعه بس لا جاوبتنى هزه متونك كيف اعاتب خجول تحكى اطباعه ادرى انك رويت العشق بمزونك وادرى ان الغلا فى عز مرباعه مابقى الا اسرق الكحله من عيونك واتجمل بعين فيك ملتاعه وان خذاك الملل حتا من طعونك جرب الحب مره نقلب اوضاعه قل مااخونك واقول ان عشت لااخونك قل مااحبك واقول السمع والطاعه اصعب الى خذيته عقل مجنونك واسهل الى عطيته دفتر ابداعه مزنه ماسبقها بارق سنونك فى زمان الشقا ماهى بفزاعه تحرسك عين من صورك وتصونك روح مادام راح الليل بساعه خلاص ابترك كل شي مكانه العشق والعبرات والحسن والتيه جفا ملل فرقاتغلي خيانه هذا قراري وسمه الى تسميه ماهمنى ذاك المكان وزمانه اغليه ولا علنى ماارجع اغليه يا سيد الماضي وذيك المكانه انا الى شوه بشرواك ماضيه الحب عرفتك على عنفوانه ولا انت ماتستاهل اصغر معانيه ماشفت طرفك فى قساه وحنانه يرقا قصيدى ويتقطرس على يديه ماشفت عودك كم وكم خيزرانه سميتهابه وانثنت مع تثنيه ماشفت شعرك كيف عليت شانه دليته الريح وغدا وقتها فيه ماشفت صبحا جاك تضحك زمانه عقبال مااصبح يوم والقاك ناسيه قل للعذر ماعاد للعذر خانه لو تبنى بدمعك بيوت المشاريه قل للطوارى لو تطيح الميانه لاهنت لى صوت ولا شتقت لبيه امانه ان كانك تعرف الامانه لاتذكر ان كان لى عشق ارجيه جاك الكلام وخل قلبك مكانه والعشق والعبرات والحسن والتيه http://www.sheekh-3arb.net/3atter/di...s/image407.gif الصوره ( الصورة ) تراها الصورة اللي جا عليها في الوداع علوم فديتك ما سواها حرك الخفاق و اوجاعه عسى يا احلى هدايا الكون ما انتب من حلال القوم عسى يمي يجيبك من تركتك عنده وداعه معاك اضيع يا عمري .. و ابي لو ساعة من اليوم تضيعها معي .. و انسى وش اليوم وكم الساعه عشيرك من يد الترك ليد الفرس ليدين الروم هذا هو يعربي لانسى حلمك و لا باعه تعال الكل ينشد عنك و طيور الخيال تحوم و انا مما بين طيف وصوره ودفتر وسماعه من اول ما اصبح استفرد بنكهة سرك المكتوم و اهيم بكل شارع و اندهك و اخرج على الطاعه اطارد شمسك اللي لآخر الدنيا بدون غيوم و الى مني ذكرت عيونك و مغناي و شراعه اجي جنب البحر واحكي له اول ما عرفت العوم وفوق الشاطي ارسم وجهك اللي سافر شعاعه و الى جا الموج يمي ضمت ايدي وجهك المرسوم وطاحت نجمتين مرت الخدين مرتاعه و اعود للحدايق ما بقى من زادي الا اللوم افتش عن عبير كم و كم نسمه من ابتاعه اداعب وردها و الفل و الريحان و اليشموم ولا هو ملمس الورد الطبيعي يا اجمل أنواعه و انشد عنك اناشيد و عصافير وشجر و كروم وكرسي باهتٍ لونه وسبع خيوط لماعه و اشوفك في فساتين وذهب معلقٍ منظوم و اخبر بك سرايا كل سوق وغالي بضاعه واشيل اوراقك ام حروف وقلوب تشيل سهوم واغني ما طرى و اطبع عليها الطاري طباعه و اعود للوساده في مسا ما له قمر و نجوم اصحي صورتك من نومها و تفز فزاعه انام بحضنها لين الصباح يقول ( صح النوم ) وافيق بوجهٍ اجمل من ( صباح الخير ) مطلاعه http://www.sheekh-3arb.net/3atter/di...s/image407.gif |
فكره رآئعه ولي عووده :) |
همس القوافي
حياك ربي وعوده جميله بشاعر مميز زانت سوالف .. ليل وتعاليل .. شكرا لكِ http://www.najdyah.com/vb/images/smilies/i.gif |
نائبة القمر
حياك ربي وياهلا ومرحبا وشكرا لكِ بأنتظار عودتك ,, و http://www.najdyah.com/vb/images/smilies/i.gif لروحك |
اقتباس:
الله يحيك ويبقيك يالغاليه العفو وماسوينا شي ودمتي بود |
| الساعة الآن 03:35 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010