منتديات بعد حيي - راكــب الـلــي لابـغــى الـقـلــب مـنـهـاجــي

اقتباس:

المشاركة الأصلية كتبت بواسطة فواز الغسلان (المشاركة 264491)

[poem=font="Simplified Arabic,6,white,normal,italic" bkcolor="green" bkimage="" border="double,9,black" type=2 line=0 align=center use=ex num="0,black"]

راكـب الـلـي لابـغــى الـقــلــب مـنـهـاجـي=ماتــغـــث الـبــال كــثـــرة مــداويــجـــه
اشــهــبــن بـيـن الـمــواتـر خــذا تـاجــي=مـاتــخـاف مـن الـغـراز ومـطـــانــيــجــه
لانــهـــمــتــه بـالـخـلاء تـقـل مــيـراجـي=او هــبــوبــن يـلـفـحـك عـقـب تــهــيـــيـجـه
مـع شـجـاعــن بـالـســفــر مـثـل هــداجــي=لاطـرى الـغـالـي غــدى مـن مـراجــيــجـه
مـاشــكـى زود الـحـراره والازعـاجــي=يــشـتـغـل تـكـيـــيــف خـطــه وتـــثـــلـيــجــه
ولا يـشــوف مـن الـوعـر ضـيـم واحـراجي=مـثـل عـاصـوف الخــريـف وعــواجــيـجـه
الـدروب الـكـايــده تــقــل تـــنـــبــاجــي=وشـايــلــن بـالـجــيــب كـامــل مـحــاويــجــه
لـو تــجــي دونـه طــوابــيــر وافـواجـي=وتـهــمـــتــه تـهــريـــب حــبــه وتــرويــجــه
حــطــهــم في رفــرف الـجـــيــب مـدهــاجـي=سـايـقــن روحــه لـســـوقـه وتـحــريــجـه
تــقــل يـمــشـي مـن عـلـى خـط الابـراجـي=او مـثـل مـــهـــرن تـلـوحــه كـرابــــيــجــه
عـاقـــبــن مـمــشـى جـديــدات الادواجــي=ونـافــلـن فــعـل الـجـــمــوس ومــنــاهــيـجـه
دفــتــر الـجـمــرك وخـتــمـه بـالادراجــي=ومــشـــتــراه وكـل وصـفــة كـــتــالـيــجــه
لا لـعــب بـالـصـدر خـمــســيـن لـولاجــي=واسـعــرن حـوسـة مـزاجـي وتــسـمــيــجـه
وصـار نـوم الـلـيــل بـالـجــفــن هــمــلاجـي=لاغـــفــى يـذكــر حــلاوة مــفــالــيــجــه
كـن روحــي تـرتـفــع صـوب مــعــراجــي=تــشــتـكــي رمـحـن تـســبــب بــتــفـجــيـجـه
هـاجــســه لاطــق بـالـقــلــب مـــزلاجــي=مــن طــواري خــفــرتـن مـن عــمـاهــيــجـه
هـي هــنـى روحـي وهــي فـلــة حــجـاجـي=يـاحــلا ضـحــك الـحــبــيــبــه وتـهــريـجــه
داس لـلـمــوتـر والانــبـــيــر لـلــصــاجــي=ضـيــقـــتــن ربــي يـعــجــل بــتـــفــريــجــه
فـي طـعـوسـن رمـلـهــا مـثــل الامــواجــي=والـرعــاعـه صـعـب يـقـرب مـداهــيــجــه
لـو غــدى دربـه مـع الـرمــل مــنــعــاجــي=عـارفــن طـرق الـنــفــود ومـسـاهـــيــجــه
يـدفــعــه جــمــرن بـالاظــلاع وهــاجــي=شــبـهــا الـلــي يـسـحــرن فــي مـغــانـيــجـه
كــنــهــا ريــمـــن مـــع اريــام قــرطــاجــي=ابــيــضــن خـــده بـلــيــا مــكــايــيــجــه
نـابــهــا داخــل شـــفــايــاه لـعــاجــي=وخــطــوتــه مــثــل الـحــجــل فــي مــداريــجـه
عـــنــدلــن عــنـقــاء هــنـوفـن ومـغــنــاجـي=هــي سـبــب هــم الـضـمـايـر وتـسـهــيــجـه
والـلـه ان الـقــلــب لـلــزيـــن مـحـــتــاجــي=كـلــمــا ذاق الـمــغــــثــه وتــزعــيـــجــه
يـــوم تــزهــم تـالــي الـلــيــل وتـــنــاجــي=هــي فــرح قــلــبــي وفــوزه وتــتــويــجــه
رمــشـهــا بـلــســم حـنــايــاي وعــلاجــي=وهــي نـجــاح جـروح روحـي وتــخــريـجــه
مــثــلــهـــا مـــن كــل الاريـام مــاداجـــي=لـيــت مــن يــفــرح بــمــلــكــه وتـزويــجــه
الــعــيــون بــكـحــلــة الــزيــن دعــاجــي=بـكـرتــن تــتــلـي نـجـايــب هــجــاهـــيــجــه
غــيــرهــا مــالـلــمــعــالــيــق مـخــراجـي=دام هــجـــره ســـم روحــي وتـــبـــنــيــجــه
ويـلــنــا مــن عـاصــف الـوقــت لا هـاجــي=لاغــدت تــرهــج خــفــوقــي رواهــيــجــه[/poem]

صح لسانك مدد لاعدد

لاهنت ولاهان منطوقك

عسى يمناك مايجيها العوق

دام لنا ابداعك يابو فهد