شفتك بعيني ..
 

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

شفتك بعيني وش بقالي تقوليـن=بأن الذي تخفين عنـي بحياتـك

ماكنت أضنك غير أنا قد تحبيـن=أنا حسبتـك صادقـه باعبراتـك

لاوحسايف ماحسبتـك تخونيـن=أنتي كذبتي لاتحلفـي بصلاتـك

أنتي ذبحتيني غبـن ماتحسيـن=ياخادعتني كنت أحسبـي مناتـك

خساره أني بالوهم عايش سنين=لاواخسـاره ماقويتـي ثبـاتـك

خوذي صورك ورسمتك والتلاوين=خوذي وخوذي ماأبي ذكرياتـك

قلب(ن) تشتات لاتجيه وتلميـن=قلب(ن) حضنك أول ولملم شتاتك

الحين روحي أبعـدي لاترديـن=طلال مات بحسرته من سواتـك [/poem]


http://www.b3b7.com/vb/showthread.php?t=28982

شفـ . كيفـ . منكـ
 

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

تدري بحبك والغلا بقلب غاليـك=شف كيف منك له حبيبي توصلت

اليوم راحل عنك مبعـد مخليـك=ماني براجع لك والو قلت ماقلت

اخر قصيده صدقيني تجي فيـك=مابعدها تكتب حروفي ولاشلـت

ياما صرخت وماسمعتي اناديـك=يالي لك أشواقي غلا لك انا ملت

مادري وش الي بس قولي معليك=دايم تعاندني بقولـي والازلـت

ياخاينه خنتي وانا كيف انا اوفيك=يالي عشانك دمعتي دم انا سلت

يابايعتني ليه انا ليـه اناجيـك=برحل مادامك بالغلا لي تمنذلـت

بعيش بالحالي على جو ماضيك=أذكرك واذكر ضحكتك تو مازلت[/poem]



http://www.b3b7.com/vb/showthread.php?t=29114

!! حـــنـــي !!
 

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]



حني علـي وكافـي الهـم حنـي=روفي بحالـي لاتزيـدي حرايبـك

لالايهمـك لـو ابـالـغ وكـنـي=ماهمني شيءً وانا ابكـي سبايبـك

أنوح ليلي واسهـر الليـل أونـي=لالاتسيبـن مانـي بيـوم سايبـك

كـل العـذاراء ماقـون يملكنـي=يامالكتني ويـن قفـت ركايبـك

خوفي من الله كافي البعـد عنـي=ماقوى جفاك ولاقويت المصايبـك

الناس تسأل شافت النـاس منـي=يوم انتشي عطرك واحضن الحقايبك

حسي بناري منـك واكبـر تجنـي=واكبر عـذاب أمسبباتـه لاهيبـك

حني علـي وكافـي الصد حنـي=يالله عسى لي خير تمطر سحايبـك [/poem]



http://www.b3b7.com/vb/showthread.php?t=29285

لايردك حنينك
 

[poem=font=",5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

يومك تبيني ليه عنـي تصـدي=الحين روحي لايـردك حنينـك

ياما نصحتك بس صرتي تـودي=للبعد حتى صـار هـذا يقينـك

ياما رجيتك للقـى لـي تمـدي=والحين مدي للمفـارق يمينـك

الحين انا بهديك صدي وبعـدي=وني كما ونيت باسمـع ونينـك

الدمع سال بغيبتك فـوق خـدي=والحين دورك واسكبي دمع عينك

دين(ن) من أول حان وقته تسدي=سدي طلال لاتبخلي في ثمينـك

روحي بكيفـك بـس لالاتـردي=أرجوك روحي لايـردك حنينـك[/poem]

http://www.b3b7.com/vb/showthread.php?t=30284

أشواك ماتصافح ألورود
 

[poem=font=",5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]



قالت من أنت وماتبي من سنيني=أنا يتيمه عالمي حيـل مهـدود

مديت يـدي بقولتـي اعذرينـي=ردت علي اشواك ماتصافح اورود

العذر يابن الناس ماعـاد فينـي=أقبل محبه ثانيه صعـب لنجـود

انا جريحه وانـت ربـك يعينـي=دور على غيري بلا أشوفك تعود

قلت المحبه والغلا مـو بيدينـي=والحب فيني واعرفي ماله حدود

قلبك نبضلي اسألـي واسألينـي=ماعاد به دوني حراس وجنـود

قالت ملكته لعنبو صـد عينـي=ايه التفتلك صعب مافيني أصدود

بس بحـرج تقفـى لالاتجينـي=انا بجيك بليلـةٍ ناسـي ارقـود

قلت الوعد ليل الخميس التقينـي=مع السلامه دامني فيك موجـود [/poem]


http://www.b3b7.com/vb/showthread.php?t=30615

يكفي ياوطن
 

[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ذلنـي ماهـي غريبـه ذلنـي=ذلني قدام عينـه لـي وطـن
صدمتي ماهي بسيطه خلنـي=صدمتي شعبي نفاني يازمـن
احسبني درع سيـف وسلنـي=للعدو واثر العدو زاد المحـن
دلني يامـوت ايـت ودلنـي=من قسى الموطن أياموتي خذن
مل شعبه كيف شعبـه ملنـي=كيف يالمسلم عروقك ماوفـن
دمع عينك كيف سهله هلنـي=ماحفظت الدمع خنت ابلا ثمن
ياوطن يكفي خلاص وجلنـي=لاتهينن زود يكفـي ياوطـن [/poem]


http://www.b3b7.com/vb/showthread.php?t=31361

ياحيف ياللي للشوارب تمسون
 

[poem=font=",5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لو كنت بنتاً كل أبوكم تردون=بملاطفة ومداعبة حد الابداع
ياحيف ياللي للشوارب تمسون=ولاشاف موضوعه يطيح الشنب قاع
مايندرا لوهي عجوزاً بلا سنون=اسمه عبير الورد والخافي اشواع
خدمة سعودي نت من راتب الشون=جتك تسلى وانت لافي بالاطماع
وإلا بنيّة طاهرة مالها لون=بنتاً شريفة ماتدور لملتاع
بنت الحمايل لاتفكر بها تخون=ماهي على هقوتك سهلاً بتنصاع
والاشنب في نك ليلاه مجنون=وانتم تردو كل ابوكم له اجماع
ياكم عيالن بالشماته يموتون=يضحك عليك ويولع بشخصك أولاع
واقع حقيقي مابها شك وظنون=شيٍ نشوفه ماسمعنا به أسماع
قلته وانا في قولتي وش تقولون=صادق بقولي او بها نقد وشفاع[/poem]


http://www.b3b7.com/vb/showthread.php?t=31455

ذقت مر وتصبرت
 

[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مادري علامك ليه بعت وتكبرت=وش غيرك ياروح روحي ومعناي
فجأه كذا ياليه جرت وتغيرت=وأصبحت تكره جيتي لك ولقياي
العذر كانك لي عليا تكاثرت=هذي مصيبه وآه ياكبر بلواي
واكبر مصيبه ايه لامن تكدرت=أضيق مانتي ياهوى الروح وياي
الليل وحدي وحدي الليل سامرت=مانتي معي ياكيف عشتي بلياي
ياما عشانك ذقت مر وتصبرت=وياما بكيتك ليه ماتحس ببكاي
اصبحت ماضي زين منك تذكرت=ولفيت تنشد كيفها اليوم دنياي[/poem]



[align=center]المقطع الصوتي[/align]



http://www.b3b7.com/vb/showthread.php?t=30930

لاتسئلوني
 

[poem=font=",5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لاتسئلوني عن جروح(ن) خفيات=خلوه فيني خافين بي خفيته
عن مدمعي ومفارقي للمسرات=جرحاً بقلبي ياهلي مابغيته
جرحاً عميق ومنه هم ومعانات=قمة اسى في داخلي صار بيته
يابوي لاتسئل وخل(ن) وبسكات=وانا بداوي جرحي الي كميته
ادري بحالي ماتفيد المداوات=ولوبه دوى للحال مبطي خذيته
حل الوجع فيني ولاهي دعايات=ماهو حكي الا حقيقه عطيته
والي جرح خدي واظهر علامات=دمعاً من عيوني لجله بكيته
الي فقد خله وعاش إنتظارات=مايلام لو يبكي فراقه لقيته
لوقلت عن خافي جروح ومصيبات=مصيبتي من يسمعه لو حكيته
خلوني اقرأ بالسطور العتيات=باكر أموت وصفحته ماقريته[/poem]


http://www.b3b7.com/vb/showthread.php?t=31269

غلاك وجنونك
 

[poem=font=",5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

الله يسامح قلبك الي قسى ليـه=وانا الوحيد اللي حلف مايخونك

لاصرت غالي حيل لاصرت تغليه=كذا تسوي في غـلاك وجنونـك

ياما صرخت وماسمعتي أناديـه=ياما بكيت ومابكت لي عيونـك

عشت الوحيد ومنتظر منك تلفيه=قلباً عشقك وعارفه به يصونـك

لاتتركينـه عـودي لاتخونيـه=مادام مازال الهوى في سجونك

يكفي حرام الي بخلـك تسويـه=الهجر ماهو لك والاهو بلونـك

كافي علي وكثرت الصد مابيـه=تعال يكفي مابقى عمـر دونـك

[/poem]


http://www.b3b7.com/vb/showthread.php?t=31872

ماقلت ظالم
 

[poem=font="Simplified Arabic,5,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black"]
ماقلت ظالم لك إنت وقلت بالسانك=ليتك لغيري كلامك إنت وجهته
أسقيتني مـر ذقته بس مـن شانك=يالي من اجلي تعال وقول وش ذقته
أنـا حفظتك بعيني شوف من صانك=أنا وفيت وقولي اني بعد خنته
أنا أدمعك من قبل لاتبدي أحزانك=وانا أعرف الي وسط قلبك والاقلته
يالي رجيتك وزدت بـذل حقرانـك=رح مـاأبي ذل يكفي ذل(ن) أشبعته
الحين عزمت هجرانك ونسيانك=ببعد خلاص وكفى مامنك حصلته
واليا طريت ولفيت ابيات قيفانك=اكتب حسافه طلال وكيف ماصنته[/poem]


[align=center][rams]http://www.alqasabup.com/data/176/189/storm_305_sound-clip.amr[/rams][/align]


http://www.b3b7.com/vb/showthread.php?t=32035

موضوع طفلة الـ 10 سنوات
 

[align=center] رد على موضوع طفلة الـ 10 سنوات وعسى إن تصل أصواتنا لسموه[/align][align=center]
لايقاف هذه المهزله التي تنتهك ضد الاطفال وللآسف كونها من الآباء[/align]

[align=center]http://www.b3b7.com/vb/imgcache/4884.imgcache.jpg
مجرد صوره تعبيريه لطفلة الـ 10 سنوات[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياسيـدي ياسعـود ياميـر حائـل=من قلب حائل ياأميـري نصينـاك
طفله وتجهل فـي علـوم الهبايـل=افزع لها ياسعـود حنـا نخينـاك
الأب ظالـم والاهــل والقبـايـل=والي رضاء لاقدامها دعس الاشواك
لو تسألـه بالعمـر ماهـو بقايـل=عوداً كبير وتستحي يـوم يالفـاك
والبنت تجهل مالهـا مـن دلايـل=محداً مجاوب له وياحـظ مـارداك
قلته وانا من غبني الهم شايل=وشلون صارت كيف بالعود يرضاك
والله لو له من جميل وجمايل=له بايعك يابنت والله ماعطاك
وحنا أعذرينا مالنا فيك حايل=حنا املنا بالولي رب الافلاك[/poem]



http://www.b3b7.com/vb/showthread.php?t=32102

شفني طفل
 

[poem=font=",5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]شفني طفل من حس في لوعة طفل=وانتي الحنان الـي يبيـه ويبيـه
لاعه زمانه تو عمره فـي جهـل=فاقـدك لكـن تعالـي واحضنيـه
دمعه يهل بس الامتى دمعه يهـل=هذا سؤالـه ايـه لكـن جاوبيـه
اشهد أني في مصيبـه قـل تعـل=واشهد اني غيرك أنتي ماحتريـه
آه من دمعـاً تهافـى قـل نـزل=واحرق أوجان الذي لجلك بكيـه
آه مـن ليـلاً بـدا منـي يمـل=كثر ماأشكي لوعة أفراقك عليـه
قالها شاعـر وقالـه لـك مثـل=لاتبيعي شاريـن لـك واشتريـه[/poem]


[align=center][RAMS]http://www.alqasabup.com/data/177/190/storm_800_sound-clip(03).amr[/RAMS][/align]

http://www.b3b7.com/vb/showthread.php?t=32192

!! عينك دفى !!
 

[poem=font=",5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
عينك دفى نظرات من هو يراعيـك=وعيون غيرك يالغـلا كلهـا بـرد
الشوق يأخذني غلا لـك واناديـك=واقول محتاجك ذوا فينـي الـورد
أمسك يدك من معصمك يا أياديـك=وأضمها بسكـات لشفاتـي الجـرد
ابوس يدك عشق عشـق لمعاليـك=واسرد شفاتي بك غلا يالغلا سـرد
يا أعظم بشر فيك البشر بك مهاليك=كل(ن) يبي وصلك ولك شايق الطرد
إنتي مـلاك وعاشقينـك مماليـك=عطراً يفوح ومنه حرد النساء حرد
ياحظ حظك من هو الـي يساويـك=عينك دفى وعيون غيرك بها بـرد[/poem]


http://www.b3b7.com/vb/showthread.php?t=32717

حلم .. عشتك جنون
 

[poem=font=",5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يابنت والله مال قلبي خسرتـي=ولابه آمل إنك طلال وخسرتـه
أدري بعد طول الغياب أنكسرتي=لكن ظروفي واعذري ماقدرتـه
مامل صبرك يالغلا لي صبرتي=وصبراً على فرقاك ياما صبرته
بالحلم جيتي صدقيني حضرتي=في حلم والله معك يانتي حضرته
فيه أنثرك ثم أجمعك لانتثرتي=في ليل مابه غيرك إنتي سهرته
حلمي خيال وفيه يإنك عبرتي=الين صدري لين صدرك عبرته
وعشتك جنون ومن جنوني شعرتي=إنك أميره حقلك ماشعرته
ويابنت والله طال وقت أنتظرتي=وقت(ن) على شوفك منع ماقدرته[/poem]