يا ربعنا يا أهل الكويت وهل قطر

http://www.b3b7.com/vb/showthread.php?t=89069

[poem=font=",6,darkred,bold,italic" bkcolor="gray" bkimage="" border="inset,4,darkred" type=1 line=0 align=center use=ex num="0,black""] أكتـب شطـر ويخونّـي بـعـده شـطـر=
والوصف يزعجني ويطلـب ساحتـه
يا برق لـول .. ويـا تفاتيـف المطـر=
يا جادل(ن) خذه الهواء فـي راحتـه
يا سلهمه تذبح .. وغمّاز(ن) خطـر=
يـا ألـذ وأحلـى مـن عيونـي شافـتـه
يـا زهـرة اللوتـس ويـا نفحـة عطـر=
يـا توتـه .. اللـي مـا رحـم تفاحـتـه
يا أصعب بسيط ويا فخامة في بطـر=
يا أضمر غصن راوي ومن سقَّايتـه
يا أرباع قطر(ن) فـي تدابيـل القطـر=
يا اكبـر طمـوح ورغبتـي قـد جابتـه
يا ربعنا يا أهل الكويت وهل قطر..!=
ماشفتـوا اللـي رحـت أنـا فـوداعتـه [/poem]

يا كيف اقلط راعي الدار فالـدار ؟؟


http://www.b3b7.com/vb/showthread.php?t=89354
http://www.youtube.com/watch?v=89LtE...layer_embedded

[poem=font=",6,darkred,bold,italic" bkcolor="gray" bkimage="" border="inset,4,darkred" type=1 line=0 align=center use=ex num="0,black""] في العين لك صورة وفـالبال تذكار=
طال الزمن ولاقصـر هـو زمانـك
لا يا بعد من هوعلى الارض قد سار=
شف لا وصلت القلب هـذا مكانـك
وسط الحنايا لـك معـزه ومقـدار =
ياللي ضميتك حب ما اروى حنانـك
طب وتخّير ويـن مـاودك اختـار=
من ويـن ماتختـار بقـول عانـك
ظلع الغلا راهي وتسقيـه الامطـار=
سيله يسيل وماحصل يـوم خانـك
والدله اللي فوحت صمت واسـرار=
بصبها لك روح صامـت عشانـك
احرقتها بـالبعد ما احرقتهـا نـار=
ما ادركتها بـالوصل يوم الله عانك
لكـن احبـك وادور لـك اعــذار=
ماني بدينك فعـل شعـري وادانـك
انا حلفـت وقلـت يلحقنـي العـار =
ان كان قلبي ماوفى لـك وصانـك
ان احرقه وانفيه لو صـار ماصـار =
واقطّع عروقـه وتبشـر بـامانـك
يا كيف اقلط راعي الدار فالـدار ؟؟=
الا ترّبـع قهونـي مـن ليـاآنـك [/poem]

يا مرحبا ترحيب يامي بالأجناب.. لا شآش رآسه ثم لواها عصابه

http://www.b3b7.com/vb/showthread.php?t=89801

[poem=font=",7,darkred,bold,italic" bkcolor="gray" bkimage="" border="inset,4,darkred" type=1 line=0 align=center use=ex num="0,black""] يا دمعتي وإن كـان طحتـي مـن أسبـاب =
هــجــره وتـقـصـيـره وكــثــرة غـيـآبــه
بأرسـل لـه المشـروه وأكتـب لـه عتـاب =
وأشـكـي علـيـه الـحــال لِـحـقـه غـلابــه
ما أرخصت له غالـي ولا رحـت جـلاَّب =
قـلـب(ن) خـذانـي حُــب يـكــرم جـنـآبـه
لا بالله إلا طــآب بـــدع الـشـعـر طـــآب =
وأمـطـر عـلـي وبـلَـه وكــدَّس سـحـآبـه
يـا مرحبـا(ن) ترحيـب يآمـي بالأجنـاب=
لا شــآش رآســه ثــم لـواهــا عـصـابـه
إيه أرحبي وأهلا(ن) هلا بش على بآب=
مـن هـو غـزاه الشـيـب وأتـلـف شبـآبـه
لا خآطـر(ن) ضايـق ولا دمـع منـسـآب=
وأسـتـآنــس الـخـفَّــآق وأنــفــك بــآبـــه
تـرى المعاتـب غيـر مـا بـيـن الأحـبـاب=
مـــا هـــو بـخـآطـي دمعـتـيـن و كــآبــه
ما للزعـل طـاري يـا وش جابـه لجـاب=
والفـرق واضــح بـيـن ضـيـق ورحـآبـه
شـوف العتـب والحُـب تربطهـم أنسـاب =
أمـــــا جـمـعـهُــم غُـــــرم ولاَّ نــســآبــه [/poem]

ما حـزنت إلا لـ/ فــرقـآ الطيـبـين ..~
http://www.b3b7.com/vb/showthread.php?t=92427




[poem=font=",6,darkred,bold,italic" bkcolor="gray" bkimage="" border="inset,4,darkred" type=1 line=0 align=center use=ex num="0,black""] ما حزنـت (إلا) لفرقـآ الطيبيـن=
وما شكيت إلا وأنا مونـس بـلآ
كل ما أعدل من أوضاعك تشيـن=
لين بحت .. السـد قـدام المـلآ
ثم لفاك اللوم وإحساسـي يديـن=
بالوصل صوبي و وصلـي يفتـلآ
يا حبيبي والحزن ما هـو يبيـن=
كون لا ضميـت طيفـك وأنجـلآ
حر جوف وسم حال ودمـع عيـن=
بين ترديـد المواجـع . . تنقـلآ
ضيق مدري جرح من جور السنين=
أو هو اللـي قيـل ويسمـآ غـلآ
ليتك اللي رفـت ولا لـي تليـن=
أو حضنت الشوق وبقولـة هـلآ
وآآآه من فرقآك يردفهـا ونيـن=
و آخ من قلب'ن' يحبـك وأبتـلآ
والأكيد إني من أسبابـك حزيـن=
شف خفوقي من سبايبك إصطـلآ [/poem]

{{ شـيــخة مــزايــا }}

http://www.b3b7.com/vb/showthread.php?t=93296

[poem=font=",6,darkred,bold,italic" bkcolor="gray" bkimage="" border="inset,4,firebrick" type=1 line=0 align=center use=ex num="0,black""] أنـا مريـض الغـلا و صدودهـا جانـي =
وأنا تبيـع الهـوى مـن يـوم طاوعتـه
معشوقتـي روَّحـت يـوم الله أشقـانـي =
رآحت مراح الزعل والقلـب موجعتـه
لـكـن غـلاهـا مـعـي دام الله أحـيـانـي =
وإن غابت طيوفها .. فالقلب ودّعتـه
شيخـة مزايا..سليلـة قـرم وحصانـي =
و معرَّبـة خال..طـول الشّبـر ذارعتـه
الطـول هايف..رهيفـة حـس وتعانـي =
من ليلها اللي علـى المتنيـن فارعتـه
والعنق..عنق المها مدعوجة أعياني =
ورموشهـا كِثفهـا و الطـول جامعـتـه
والخشم مصقول سلة سيف شامانـي =
من هو جهلهـا يقـول الخشـم رافعتـه
والمبسـم اللـي حَمَـاره خـلـق ربَّـانـي =
إليـا تبسـم . . كــلام العـقـل ضيعـتـه
والخـد يعكـس حـلا العينيـن بالعانـي =
ويلـي عـلـى حُبـتـه و أحِــب رابعـتـه
ولا النحر خضرة'ن' والصدر بستاني =
وأحلـى ثمرهـا مـن الرمـان زارعـتـه
ما بين راوي .. وبين شوي ظميانـي =
والخصر ضامر تقـول إنهـا مِجوّعتـه
لبيه . . لين أقبلت من قبـل تنصانـي =
وإليا عطتني القفـآ فالـردف مِشبعتـه
فـي ذمتـي مالـهـا فــي جيلـهـا ثـانـي =
زوَّد حلاهـا حـلا المنطـوق وسمِعْـتـه
وإن كانهـا بالحقيقـه ينـطـق لسـانـي =
فالزيـن فيهـا و عـنـد الغـيـر مانعـتـه
واللي عن وصوفها من قبـل يلحانـي =
بـدَّل كلامـه عـلـي ثــم صَــد قارعـتـه
وأنا إن نسيت الغلا بقول مـا أمدانـي =
أمسي على طيفهـا والصبـح وادعتـه
حقـي عليهـا تواصـل و العمـر فـانـي =
توصل مريض الغلا والبـاب شرَّعتـه
ولاَّ عـلـي الـحـرام إن كــان تنسـانـي =
لا أبيـع عمـري و لا تَشـرَه ليـا بعتـه [/poem]