مشيت.. ولا مشيت..الا سبقنـي خافـق ٍ منـزوع
وقفت ..ولا وقفت ..الا ثـراك .. بجـرح ينعانـي


وطاح القلب.. في قبرك.. يقبـل ذكـرك المرفـوع
وبل الطين ..وهل الملح ..و تغلغل داخل أشجانـي

دعيت ..ولا دعاني لك ..سوى إحساسي المفجـوع
وحب مـا يمـوت.. الا وربـي.. حـي واحيانـي

الأصيله مالهـا غيـر الأصيـل
شروى من يقرى تذرى في ذراه

لا مالت الدنيا على متنـه تميـل
وإن حداه الوقت تنعم فـي دفـاه

قالوا اجلس لا تمنـى مستحيـل
قلت ماجلس لين أحلق في سمـاه


الهاء

يصوت ويندب وايقض النيم صوت العار
يشوف المبادي بين الانقـاض مدفونـه

رجع له صدى صوته علي نغمة المزمار
تطيح النفوس برمـح الايـام مطعونـه

حفرله زمانه وانتهـت قصـة المغـوار
تظن الظنـون وباقـي العـز بظنونـه

بكتله عيون وجفـت الارض والازهـار
بكالـه ثمـر بابـل وبكـاه بغصـونـه


الهاء

هقيت انّي نسيت الشعر لكـن
قوافي الشعر أبداً ما نسنّـي

لفت لَبيات مع ملفـاك كنهـا
ترحّب بالذي جاني امتعنّـي

ألا يا مرحبا مليـون باللـي
غمرني بالمحبّه و احتضنّـي

كم تعثر في حياته وكم لقـا لـه مـن غبينـه
ينكسر في كل جرح ومالقى اللـي هـو تمنّـا

آه يا غـدر الظـروف وآه يادموعـي الدفينـه
كم تعب جفنـي يشيلـك ينتظـر يـوم يتهنّـا

والجروح اللي بجوفي عقبك بتبطـي سجينـه
ما يحررها الزمان اللـي خـذا باقـي أملنـا

الالف

حرف

اللام

ال

لك حياتي و الوفا وعد وعهود
بس دخيلك لا تهدد بالزعل

كيف اوضح لك وأحلف بالعهود
كيف قولي والسبب دامه حصل

لاتصدق قول عاذل أوحسود
ينشدك قلبي بإحساس وأمل

صاحبي يا نبض باوزان وقيود
ما يعرف الهجر قلبي ولا الملل

والصبر أوّااه من صبر الصمود
يرتخي مرة وانا اشد الحبل

خافقي ما قد وصل درب الجحود
وكله اللى قد طلبته ما حصل

شاري الإحساس عن حبه يذود
عن غرامه و الوفا نجمه أفل

العشق للي يتودد لك ودود
و نبرته صوته ودمعه لك يهل

المشاعر طوق يحويك بشرود
وبغيابك صمت كل ورده ذبل

ولك أنا صنت الوفا وصنت العهود
كالصخر قلبي وفي ٍ للجبل

و الوفا بقلبي ولي رب يجود
دام حب القلب ما اظني ارتحل

راعي الإحساس ما عقبه صدود
ولا يعرف الحقد وافطن للمثل.