خلك مع المحبوب دامه يسليك
 

[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
خلك مع المحبوب دامه يسلّيك = وما دام تربطكم مواثيق وعروق
أنا وش اللي حدّني في تلاقيك = وأيّامنا مهجورتن مابه اشروق
أدعي من اشهور أرتجي شوف عينيك = كنّي ورى اسياجن ظليمن ومعيوق
ليتك تحسّين ابحرايق تجافيك = ودموعنا ما تنحبس داخل الموق
إسمك كتبته وسط صدري يهلّيك = دعيت به كلّ الغنادير مفروق
تقول ما سمّو عرب غير مدعيك = أشفق على صوتك وطاريك ببروق
مامرّ بيتن بالورق ينكتب فيك = مثل البعيد اعن القريبين بخفوق
غنّيت لك أحلى مواويل تغليك = وأحلى عصافير البها تنشد ابذوق
عطني كما مدّي عطينا مماليك = ولا شحّت ايدينا جزيلات بالشوق
مرسالنا يشكي مظاليم يديك = وروحه عطيبه نازع الموت بشهوق
كيف الجفا أصبح سماتك وصافيك = وكيف الجروح امست مهاديك بحروق
كتمت صوتي لين وصلت مراسيك = وأهديتها صدّك تواقيع وحقوق
وأنهار جسمي به كسيرن يراعيك = مثل الورق طايح هشيمن ومفلوق
حالي غدا لو بالمظاهر تضاحيك = أكتم جروحي عن سما كلّ مخلوق
مابي قنيب الروح يفضح مساعيك = ومابي شماتت عاذلن عينه اتفوق
عطيتني واليوم تسلب معاطيك = وتاخذ خفوقن في محبّتك مرموق
سدّيت بابن بالهوى عن مراقيك = يكفي محاصيل الزمن بيت مخروق
طيب الفؤاد اصبح معابه تجاريك = والصدق غايب صوتها صار مخنوق
تكفى دخيلك مكتفي من مكاويك = لا عاد تسقيني عنا ليل معتوق
شوفي أجا دمعه غزيرن يناديك = وسلمى ملاها شوقها بالمسا زوق
وشوفي ملامح طفلتن به تحاكيك = عن سالفة حبّن لها فوق بعذوق
وشوفي بقايا قصّتي قام ينعيك = قصّة سحابه بالشقى أمطرت توق
[/poem]









وسلامتكم أخوكم // طلال الشمري
تعليقاتكم ونقدكم شرف لي ..

ياسلاام عليك اتحفتنا طلال
تسلم يالذيب
صح لسانك وسلم فكرك وبنانك

:
:


سرني إبحاري بين تلك الحروف
وسرني أكثر روعة انتقاءك لكل حرف منها
سلسلة إبداع لاينتهي
رائع مانراها هنا ايها المميز و رائع إلى حد الهذيان الراقي
أتقنت العزف على أوتار الكلمات
فـ تراقص الإبداع بين طيات حروفك
مبدع انت وأكثر ولن توفيك (قواميس اللغة)ولو جزء من حقك
لك ولــ قلمك ودي واحترامي

:)

:
:

صح لسآنك
طلال الشمري
للأبيآت الرائعه والراقيه
سلم فكرك ونبضك
وسلمت يمينك
لآهنت ,,

أخوي // ماجد البغيق
صح الله بدنك يا الغالي
وان كان به طيب فهو مرورك وتعطيرك لمتصفحي


تحياتي وودي ..

شاعر جزل الى ابعد الحدود
طلال صح لسانك على هالرآئعة
سطرت فأبدعت دآم هطولك
لك التحية ...

قصيدة رائعة وتحمل من العذوبة الشي الكثير
ماذا عساي ان اتكلم عنه ..أأتكلم عن المشاعر العذبة
ام عن الصور ام التراكيب ام عن المعاني الغزيرة التي تضمنت كل مفردة
من هذه الابيات ...
صح لسانك طلال مدد بلا عدد
في تطلع لهطولك العذب كل حين ..

ايه يابعد تسبدي هالحين اغدي دهنه

صح لسانك ياذيب كثر قوقل

صح لسانك وصح بوحك ‏..‏ ابيات أكثر من رائعه أبدعت بوصف ‏ إحساسك وشعورك ‏..‏ كلمات تلامس القلب لاهنت وبارك الله فيك ‏..