قـصـيـدة عـن الـتـبـرع بالإعـضـاء ،،
 

[poem=font=",6,black,bold,normal" bkcolor="transparent" bkimage="" border="double,4," type=0 line=1 align=center use=ex num="0,black""]

نداء للي عالم الغيب شافاه = يفطن لمبليً عنا الوقت ضامه
يفطن لمن زاد الألم فيه و اعياه = مايهتني مصبح ولافي منامه
معه فشل يغسل على الدايم إكلااه = او علة بالكبد زادت اسقامه
واللي يصيب العبد تكفير سياه = لطف ً من المعبود منشي غمامه
افطن لمن كبر المرض فيه و اشقاه = صار التعب في وجه مثله علامه
من قبل لاينعاك والا انت تنعاه = بادر تبرع له وخفف الامه
ترى التبرع خير والله يرضاه = من يفرج الكربات يسمو مقامه
يارب ترحم من تبرع وترعاه = برعايتك نجّه بيوم القيامه
اللى سعى بالخير فالله يجزاه = بالخير و الجنه ويغفر آثامه
بادر بفعل الخير فالخير منجاه= و اياك تبخل تزرع الابتسامه
وختامها برفع يديني إلى الله = وانتم بعد ياهل الوفا والكرامه
عسى المريض اللي تألم و قال آه = لنا يقوم من المرض بالسلامه
[/poem]

اللهم اشفي كل مرضى المسلمين

ممدوح العفري
صح لسانك كثر ما تحب ..

سلم لنا قلمك المميز الناطق بكل حرف من حروفه ..

وسلم لنا فكرك الحي ..

ونطمع بالمزيد

يــــارب تــرحــم مــــن تــبـــرع وتــرعـــاهبـرعـايــتــك نـــجّـــه بـــيـــوم الـقــيــامــه

الــلــى ســعــى بـالـخـيــر فالله يــجـــزاهبـالـخـيـر و الـجـنــه ويـغــفــر آثــامـــه

صح لسانك اخوووي
قصيده في الصميم صراحه

الانسان يقدريعيش في كليه وحده
ويقدر يتبْرع في جزء بسيط من كبده وينقذ حياه شخص
(ومن أحياها فكأنما أحيا الناس جميعا)
الله يشفي جميع مرضى المسلمين
لاهنت

لم تطلق كلمة شآعر إعتباطً ...!!!بل جآءت كتجسيد لحقيقة أن

الشاعر غالباًما يلآمس المشاعر..؟ ماأجمل ماكتبت وما أروع الموظوع...؛

تحية أعجاب لشخصك الكريم....وشفاء الله مرضانا ومرضى المسلمين...أمين

الشاعر القدير :
( ممدوح سماح الشمري )
عوداً حميداً طال عمرك
و صح لسانك ملايين ولا يكفون
قصيدة أنسانيه من شاعر راقي
اسأل الله أن يشفيهم ويشفي مرضى المسلمين
لا تحرمنا جديدك يَ الشيخ
كل الشكر لَ فخامتك ..

صح نبضك ..وفكرك ... وجمال قلمك الراقي البهي الرائع شاعرنا المتألق