لغز قوقل -2012 -محلول \ الغواصه حله اللجاوي ..
 

قوقل
هذا مسمي الغازي هنا اول
هيضتنا للالغاز
ياللجاوى وزمان كنا هنا بصولات وجولات
وتوقفت الالغاز
حتى جيت
ومثلك مثل الحيا يحيي الدار اللى يطبه


خذ اللغز واللغز عام
للجميع

ياللجاوي جاك من هو في قديم الوقت هاوى
--------------------- للسوالف والتنافس ان حصل لغز بمحله

ويش بنت ٍ ماحظر جيله شليويح العطاوي
----------------- ولا حظرها من هو فارس دونها سيفه يسله

ان مشت مابان اثرها وللسما مابه حراوى
----------------- بالمتـــــاهه واي متــــــاهه دربها دايم تدله

ان بغت للبعد تنظر عينها حــــــــــر النداوي
------------------ والعدو لو هو لمحها يرعبه بس شوف ضله


اللغز سهل وربي
واتوقع تحلونه من اول رمعه


اعتذر لغيابى من الغد الى يوم الجمعه على خير
ومن له حل يطرح الحل
وباذن الله اجى القاه محلول


مع السلامه
والقاكم على خير

انا لااعرف حل الاغاز ولكن
ابي اشارك
كان ماهي
الطيارة
عوافي على جهووووووووودك

عليكم السلام ورحمة الله وبركاته
اهلا بك شآعرنا القدير \ عقاب النهار
واهلا بألغازك وحضورك ..
وصح لسآنك للغز ويعطيك الف عافيه
وننتظر شآعرنا المتألق اللجاوي بالحل ..


لي عوده بعد التفكير ..

جاري التفكير والمحاوله

صح لسانك

هلا وغلا بشاعرنا عقاب النهار


كل الشكر لتفاعلك يالغالي... وما انا سوى قطره في بحر بعد حيي

الذي يفيض بأمثلك من المبدعين وحيــاك شاعرنا

[poem=font="traditional arabic,6,black,normal,italic" bkcolor="skyblue" bkimage="" border="ridge,6,orange" type=1 line=0 align=center use=ex num="0,black""]
مرحبا دكتورنا وأنت المداوي=ياطبيب الروح كاشف كل عله
هقوتي والعلم لخلاق السماوي=طائراتٍ تقذف الموت وتهله
أورصاص الثايره طلقةبرناوي=يوم ثارة جابت الصيدأبمحله
[/poem]

فعلا شاعرنا سبقوني الأخوان بالأجابه

رمعتي الطائره الحربيه أو الطلق لآمن ثار من البندقيه....

البرناوي .....نوع من الأسلحه القديمه

عذرا للكل على الغياب
لانى بالبر
من كم يوم

الواصل
نورت الغالى ومالك لوا
اتمنى القى لك اجابه صحيحه

على النيه شاعرتنا المتألقه
نورتى المتصفح
وبانتضارك

سلطان
بانتظارك

اللجاوي
الغالى ماعليك زود
واللى منور الموقع يشهد الله وجودك
شعر وحظور والغاز ومحبوب الكل ربي يطول بعمرك

وانا اللى تلميذك انت وكل الشعراء هنا


اما عن اللغز وربي تمنيت يكون الحل الطياره لكن
للأسف ماهى الطياره

ولو
دققت بشطر البيت يقول
للسما مابه حراوي

يعنى ماهى بالسما ولا ترتفع لحد السما مثل الطيارات


وصح قلبك ومنطوقك
على عذب الابيات


تقديرى لك واحترامي

رمعه سريعه

ياعقاب اظن اللغز ماغير كوره
.... في ملعبن والحر يسجل بها اهداف

كيف الحال وهــــذي رمعه



[poem=font="simplified arabic,6,black,normal,italic" bkcolor="skyblue" bkimage="" border="none,4," type=0 line=0 align=center use=ex num="0,black""]
مرحبا ياعقاب يالحر النداوي=والله اعلم كان ماجينا بحله
قلت يمكن بالبحرمشيه هداوي=السفينه اللي تبحرالموج وتدله
ولا غواصه بقاعه له دواوي=والعذر ياخوك من نقص او زله
[/poem]


السفينه او الغواصه ... والظاهر انه من جنب القده بس احسبها رمعه يالغالي

صح لسانك اخوي عقاب النهار
وسعداء بتواجدك مجددا ونتمى ان استمراريتك
معنا كسابق عهدك فالقسم بحاجة لهذه النوعية من الالغاز
التي تحركه وتبث فيه الحياة بتعاونكم شعارنا جميعا
لاعدمناكم ...
واعتقد اذا ماحلها اللجاوي مااحد بيحلها
لكني اعتقد بانه اصاب النيشان هذه المرة
وننتظر ردك عليه..

شاعرنا عقاب ....... ياليت لو تحدد لنا وقت معين نكون معك متواجدين


صراحه ودنا يكون استقبالك لحلول مباشر للتفاعل يابعدي اذا ما كان فيه تعب عليك

الاخت ---- علي النيه
صح لسانك على الابيات ولكن ابعدتي الهدف

لاهنتى على تواجدك ومرورك

ورمعاتك

تقديرى لك واحترامي