|
ظي الامل ..
السلام عليكم ورحمة الله وبركاته
غبت عنكم لفتره طويلة واتيت لكم بالجديد والحصري لمنتديات بعد حيي .. واتمنى ان ينال على اعجابكم ورضاكم (ظي الامل ) افترقناوارتحل ظي الامل معها (امل) ! صد خفاقي وصدت والوجع جوف الحزين افترقنا شف ملامح قسوة الدنيا تحل شف ظلال الليل سيد شف شقات الغايبين افترقنا غاب ضو الشمس لاكن في مهل وآتضح حلك الليالي والسهر في ضو بين وآنكسر في داخلي برواز ضم اللي حصل وآنتثر من حاوي الدمعة شرار المحتمين وآنخطف فرح(ن)عزيز وهد ساميه الجهل وآنهدآ لي نآي حزني وانعزف صوت الونين وآكتسآ شحب الملامح للمحيا لين عل وآشتكآ صوت المفارق ليش صرتوا قاطعين وافترقنآ راحت اللي في ملامحها خجل راحت اللي كانت بخفاق صدري كالظنين راحت اللي يوم تقبل كن .. نور البدر طل راحت اللي تحتميني شوق في سر(ن) دفين راحت اللي في عيونه نظرة المغرم تهل ساقها يمي زمان الصمت وآورثنا الحنين لا يعيد الله عشق(ن) ما بتاليه الوصل ويبعد الله عن عيوني ظيم واوجاع السنين مرت آيام الهوآ روعة ولا فيها ملل لو كثر فيهآ العذاب اشوف بالروعة يبين كمم شكيته.. منه واجتاح الجزع صدر العجل قلت ثم قلت وتكرر قولي وبآح الكنين ما قدر يرضي خفوقي بالتغلي والكسل عاجز وصالي وبآلي بأهتمام العاشقين زادت الغلطات بالتالي وانا فيني وصل ! غيظ مدري شآم قلبي عنه والنية تبين هي كذا الدنيآ عطتنا بس بالمنة تكل تاخذ الغالي بحين وثم توآرى فرحتين والقصيد اللي مخاوي بالي وفيني يحل كم عطاني لو خذيت اقصاه ما شح اليدين هو زبون الضيق فيني هو تعابيري بغل هو فهيم الخافي اللي وسط جوفي والأمين آكتبة من منبع احساسي على هيئة جمل وآبدعة عن حرف غيره والهمه سطوة شجين والحبيب اللي تنحآ عن سماي ولا سأل خان هقوة شاعره فيه وتبكاه الرزين عفرت الجوو السكوني وانتثر حكين همل وداعب البسمة عقود حجاج واودعها تشين ورحت تآيه ليتي ادري بس لأوجاعي ادل والنهاية موجعة في كل وضع وكل حين وغاب عني طيف زوله وارتحل ظي الامل وانطعن في داخلي بي جرح وآدمآ بالحزين وسلامتكم ( متعب السيف ) |
صح لسانك ودمت شاعرا متألقا
|
اهلا بعودتك يالشقاوي
نص فاخر وجزل صح الله لسانك يالغالي دمت بخير.. |
قمة الروعه الأبيات صحّ لسانك و حرف وارف جمالاً .. |
وآنكسر في داخلي برواز ضم اللي حصل
وآنتثر من حاوي الدمعة شرار المحتمين مشاعر راقيه وتصوير أرقى .. ومفرده تصل أعلى درجات العذوبه جمييييييييييييله اخوي متعب .. وانت اجمل اعجابي وتقديري |
رااائعه سلم احساسك وصح السانك
|
منظومه زاخره بمعانيك
دمت في سماء الشعر محلقاً صح قلبك ولسانك وقافك تقبل مروري |
صح لسانك قصيدة جزلة مليون تحية لابداعك ومساؤك ورد
|
الشقاوي
صح لسانك قصيدة مرهفة نظم رائع وحضورا راقي وشامخا تقبل تحياتي اختك |
وآنخطف فرح(ن)عزيز وهد ساميه الجهل وآنهدآ لي نآي حزني وانعزف صوت الونين وآكتسآ شحب الملامح للمحيا لين عل وآشتكآ صوت المفارق ليش صرتوا قاطعين وافترقنآ راحت اللي في ملامحها خجل راحت اللي كانت بخفاق صدري كالظنين راحت اللي يوم تقبل كن .. نور البدر طل راحت اللي تحتميني شوق في سر(ن) دفين هلا بالشعر وهلا صح لسانك وعلا شانك شاعرناااا الشقــــــــــــــــــــــــاوي مااروع الغوص في بحر الأبداع كله والارتواء من تدفق حلو الكلام منك أهنيك على رقة ذوقك الحـــــــــساس والتميز بألاحـــــــــــــــساس سلمت أناملكــــــ يعطيك الف عافيه لك ودي وباقة وردي http://www.2qut.com/egreetings/resou...e61b4ba18e.gif |
اقتباس:
اسوار الحديد صحح بدنك ودمت لغاليك تسلم على هالتواجد |
اقتباس:
سالم الشمري صحح بدنك يالغلا تسم على تواجدك لك ودي |
اقتباس:
غيوض تسلمين من كل شر صحح بدنك ودمتي بخير |
اقتباس:
خالد تسلم من كل شر الراقي تواجدك والعذب ردك لك ودي واحترامي |
اقتباس:
وليد الطواله يشرفني تواجدك صحح بدنك تحياتي لك |
| الساعة الآن 02:53 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010