أنا تل قلبي تل جيبٍ بعد تشييك.
 

[poem=font="simplified arabic,7,white,bold,normal" bkcolor="black" bkimage="" border="double,9,black" type=2 line=0 align=center use=ex num="0,black""]
أنــا تــل قـلـبـي تـــل جـيــبٍ بـعــد تشـيـيـك=تـحـَـتْ واحـــدٍ مـــا وفـّـــره وقــــت مـقـيـالـي
تحَـت مطلـق اليمنـى تمنّيـت لــو يعْـديـك=جسـورٍ علـى درب المخاطـر والاهوالـي
جـدع عمـره الغالـي بالاخـطـار والتهلـيـك=ودرب الـخـطـر خـــلاه لـلـجـيـب مـدهـالــي
اليـا بـدّلــه لثنـيـن فــي لحـظـة التحـريـك=تشوفـه علـى ثقلـه عـن الارض ينشـالـي
سوى الجيب عن كل المراكيب ما يغنيك=عـلــيــه اللهْ اكــبـــر لـلـمـهـمــات شــيــالي
يـزبّـنـك فـــي قـطــع الـفـيـافـي ولا يــوذيــك=ويصبـر علـى جـورك وفـي كـل الاحوالـي
بـرك للحـمـل ثــم اعـتـدل لــك ولا يشكـيـك=ركـــا وارتـكا للـحـمـل ما هوب مـيـالـي
سرى واتـجــه يم الطـيـاهـيـر هـذولـيــك=يـبـي يقْـطـع الـوعرات في لـيـلـه الـتـالي
تـرهَّـى وقــال لحـاجـة الـيـوم انــا شـاريــك=تـحـمـّل وغـيــر الـيــوم لـــه ألف حلالي
وكنه حلف واقسم على موتره ما اعطيك=سوى اثنين لين انك تروّس علـى عالـي
عطاه الدبل مـع صالـي النـار مـا يمديـك=تراعـي جهامـه طـار جـاه اشهـب اللالـي
رقـا وانعـطـف غـطـّاه رمـلـه نَــوَى يِغْـدِيـك=وكـنـّه تلـحّـف لــه عـــن الـعـيـن بـجْـلالـي
بجذع النفود اليـا ضـرب بالشكـل يغْريـك=تـمـثّــل بـشـكـلـه تــقل مـخـبــاط شـعـّـالـي
حرارة اقـزوزه كـــل مـــا لـقـّمـه تـشـويــك=تـجــاذب جـهـنـم بالمكـيـنـه لـهــا صــالــي
اتـشـبّــه كـنـاديـسـه الـيـاصــارت اتـْوالـيــك=كمـا جمـر الارْطـا بيْمِنـه تشعـل اشعـالـي
على اللي سبت قلبي وعقلي بلا تشكيك=عــنــودٍ عـنـيــدٍ شربـكـتـنـي برت حــالــي
لعـوبٍ بلتـنـي دون كــل الـمـلا تسبـيـك=بلتـنـي بعـمـري يـــا عـســى مـالـهـا والـــي
ألا ليت سهمٍ صابني منك ما يخطيـك=رميتـيـن فــي سـهــمٍ بـــلا شـــك قـتـالـي
ويالـيـت كــل العـشـق فــي آآآخره تمـليك=عـلـى شــان مــا يتْكـرر العـشـق لمثـالي
الـيـاصـار لـــك خـــلٍ تـعــزّه ولا يـغـلـيـك=وصبرك نفـد مـا بـك مـن الصبـر مثقالـي
تجمّـل وجنّـب مـا يـذكّـرْك فــي مــاضـيـك=وقل من نساني ما خطرْلِـي علـى البالـي
[/poem]

بقلمــي.

صح لسآآنك حتى الرضآ
قصيده رآآآئعه وأنسكآب عذب
سلمت يمنآك ونبضك ,,,

صح لسانك ابو طارق
قصيده رائعه...
يعطيك الف عافيه
ننتظر جديدك...*

صح لسانك
ابو طارق
وعلا شانك
ولاهنت
مبدع وجزل يالغالى
تقديري واحترامي

أختي على النيه
صح بدنك وســلمتي من كل مكروه ولك الشكر ع الحضور
لاعــــــــدمنا وجووودك.

أختي همس الجنوووب
صــح بدنك وأشكرك ع الحضور
دمتي بخير وعافية ولاعــــــدمنا وجووودك.

أستاذي عقاب النهار
صح بدنك ولاهنت ولك الشكر ع الحضور والإطراء
لك التحيات والتقدير لاعـــــــــدمنا وجووودك.

لآ آملك الكثير أمام هذا النقش الرائع
شكراً ب حجم جمال أحرفك
تقديري الكبير

أختي رواااء الروووح
أشكرك ع حضورك المميز وإطرائك
دمتي بســــــــعادة ولاعــــــــدمنا وجووودك.

هلابك أختي وتم بعيد ولكِ الشكر ع حضورك ودعائك
حفظكِ الله ودمتي بســــــعادة،ولاعـــــــدمنا وجووودك.

أختي أنفآس
صح بدنك ولكِ الشكر الجزيل ع حضورك
دمتي بســــــــعآدة ولاعــــــــدمنا وجووودك.

اســـتاذي برق البروووق
صح بدنك ورفع الله مقدارك ولك الشكر الجزيل على حضورك المشجّع
حفظك الله ولاعــــــدمنا وجووودك.