وجهة نظر
 

االسلام عليكم ورحمة الله وبركاته


مصافحه اولى وعربون صداقه ففي هذا المنتدى وجدت اسمآ

يجبرني اقف له احترامآ ولايهونون البقيه ولكن فواز الغسلان

شاعري المفضل واستاذي المبجل

[poem=font="Simplified Arabic,6,blue,bold,normal" bkcolor="white" bkimage="backgrounds/2.gif" border="none,4,gray" type=2 line=0 align=center use=ex num="0,black"]
وجهة نظر ياللي قريت وتسمعت=بمشاهده تاصلك والا بالاسماع
ماهمني لو قيل في نظمها ابدعت=يهمني توصيلها حد الاقناع
كيف اقتنع باقناع غيرولااقنعت=قناعة الشاعر نهايه للابداع
سجن المشاعرحدني غصب وانصعت=اسيراشعاري حسب راي الاجماع
احسب حساب المجتمع لا تسرعت=ارجع وانا مجبور مذنب ومنصاع
كم مرتآ عن راي نفسي تراجعت=هذا وانا ماارجي ورى العالم اطماع
اظنها وصلت حسب ماتوقعت=احلف لكم مابه ولاذرة امتاع
ياللي نهيتك عن قصيدي ولاطعت=مازلت اقول ابعد ترى كله اوجاع
والا انت ياللي بالقصايد تولعت=اجلس معانا وافتهم بعض الاوضاع
لاصرت متذوق علينا ترفعت=ماهي كبيره لو نشيلك عن القاع
حتى لو انك بالمطالب تدلعت=يحق لك تآمر وانا اكون مطواع
انا الشتات اللي بكفك تجمعت=وانا الحكيم اللي حسب رغبتك ضاع
مايكفي انك وسط قلبي تربعت=اكتب لك اشعاري وتقرا وتنذاع
مايكفي اني في وجودك تمتعت=معقول تنخاني ولااجيك فزاع
مايكفي انك مشتريني ولابعت=انا اشري الشاري ولاني ببياع
ياذوق انا بدروس علمك توسعت=يوم اكتشفت انك تحكم بالاطباع
مدري اساسك فرع والا تفرعت=ملكت غيرك وانت ماتملك ذراع
ياواحدآ بين الاوآدم توزعت=سبحانه اللي وزعك بين الانواع
يامعشر الشعار عنكم ترافعت=ابرفع الشكوى واطالب بالارجاع
يامجتمع يومك علينا تشجعت=حولت مبدعنا لشرواك مرياع
غيرت حكم الله علينا وشرعت=وشلون ابتبعكم وانا عندي اتباع
مااقدر اعيش اطباعكم لو تطبعت=انتم وانا بالمجتمع مثل الاصباع
ياماوياما للمشاعر تصنعت=اخشى زعلكم وآتفادآه بخداع
اضحك لو اني للمراره تجرعت=ماهو بمرضيكم سوى اعلان الاخضاع
ترخص حياتي كلها ماتخضعت=قبلي تخير موتت العز ملتاع
ياراس خلك مرتفع لو تقطعت=حتى يجي للروح موعد ونزاع[/poem]

ياهلا بعواد ومصافحته
ونعم فيك وبفواز الغسلان
رواينا المحترم

صح لسانك
شامخ جدا ..

وحضور رائع ..

نهنئ أنفسنا بتواجدك ..

صح لسانك ..

وسلم فكرك وبنانك .

يامعشـر الشعـار عنكـم ترافعـت
ابرفع الشكـوى واطالـب بالارجـاع
يامجتمـع يومـك علينـا تشجعـت
حولـت مبدعنـا لشـرواك مريـاع
غيـرت حكـم الله علينـا وشرعـت
وشلون ابتبعكم وانـا عنـدي اتبـاع
مااقدر اعيش اطباعكم لـو تطبعـت
انتم وانا بالمجتمـع مثـل الاصبـاع

للله درك

صح لسانك مدد بلا عدد
قصيدة من أجمل القصائد
فمليون مبارك لنا بترشفك
وحرفك

صح الله لسانك يا عواد العلي
مشاعر صادقة
وقصيدة من أجمل القصائد
قصيده رائعه
صح لسانك وعلا شانك
فالك الطيب يالطيب

تحياتي وتقديري لك,,,

الشاعر الرائع
عواد العلي
اسعدك الله على هالقصيده
لاتبخل عليننا بما لديك

مصافحه رائعه اخوي عواد العلي
حياك وتشرفنا فيك

ماشاء الله ماشاء الله مره حلووه الكلماات
مررره حلو ويجنن الشعر ماشاءالله
الله يوفقك انشاءالله

عواد العلي

صح كلك

ولاهنت علي هذا الابداع

بنتظارك دائما

هدوء

اشكرك جزيل الشكر

وصح بدنك

ققصيده رائعه
صح لسانك وعلا شانك

ولد القصيد

شكرآ على مرورك

وصح بدنك

الوايليه

صح بدنك ولاهنتي اختي

بيض الله ودهك عواد العلي
جزله يابعد حيي
من راس جزل

مدري اساسـك فـرع والا تفرعـت
ملكت غيـرك وانـت ماتملـك ذراع

هالبيت عن مليون قصيده
يارائع صح لسااانك يالطربه
عواد العلي
مبدع بحق

الاخ حمدان

شكرآ وصح بدنك

قطوة حايل

لاهنتي اختي وصح بدنك