( أخــو صلفــه ) ...
 

اهداء مني الى شيخ الاسلم ،، الشيخ / ضاري بن محمد الطواله

[poem=font=",5,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يا الله يا مرسل ثقيل الهماليل=اللي يسوق الغيث ِحمله بالأمطار
يقول ابن حِدري بالقول تفصيل =قولٍ عجز عن قولها كل بيطار
من شاعرٍ حلل معانيه تحليل=نقوة قوافيه من زين الأفكار
يا ربعي يا الأسلم هاتوا المعاميل=الي سمع من طقة النجر كل دار
طِب الصدور اللي تشيل الغرابيل= دلة من البن انحمس حاميٍ حار
و اخلط مع البن سنافٍ من الهيل=و يجوز لو انك تزيده بمسمار
ويطري علي (ضاري) كَسب التنافيل=شيخٍ تعلا من صواريم سنجار
بمدح أخو صلفة يحل الحلاحيل=مدحٍ تعدى من ورى سبع الأبحار
منهو اللي في وصفه بين الرجاجيل=لا سامعٍ مثله و ما ظنتي صار
ايديه صخية بالمراجل مساهيل= راعي الكرم للضيف حقٍ و تعبار
هو الذي يحمل جروح المعاليل=كفيلٍ يسندنا من شر الأخطار
ما بدلوا به اهل اللحيسة تباديل= مثل الذهب زايد مكاييل الأسعار
مابي جزا لو قلت فيه التماثيل=الا معزة لأخو صلفة و مقدار
يا ربي يا راسي اجبالٍ مثاقيل = أدعوك يا الباري تمده بالأعمار
و صلوا على محمد خير المراسيل= شفيعنا المرسول من والي الأقدار[/poem]

صح لسانك يالغالي

والله رائع بكل نص تكتبه

نتعطش لجديدك الرائع

يقول ابن حِـدري بالقـول تفصيـل
قولٍ عجز عن قولهـا كـل بيطـار
من شاعـرٍ حلـل معانيـه تحليـل
نقوة قوافيـه مـن زيـن الأفكـار

ونعم فيك يسلم بوحك

محمد بن حدري الاسلمي

صح لسانك وبنانك يلبسك العافيه
يالسنافي

صح بدنك اخوي تشرفت برد الكريم

ربي يا راسـي اجبـالٍ مثاقيـل
أدعوك يا البـاري تمـده بالأعمـار
و صلوا على محمد خير المراسيـل
شفيعنا المرسول من والي الأقـدار

صح لسانك اخوي محمد الاسلمي
من خلال القصيده
ان ضاري على قيد الحياه كما تقول : أدعوك يا البـاري تمـده بالأعمـار ؟

مشكورين اخواني واخواتي على المرور العطر

احترامي

صح بدنك اختي ،، فعلاً الشيخ ضاري حي والله يمده بطول العمر

وتسلمين على المرور العطر

صح بدنك

اعرف ياخوي الوافي ،، انت تقصد ضاري بن برغش ،، الله يرحمه

في حفيده ضاري بن محمد وكلهم اخوان صلفة


تقبل احترامي

الله يرحم اخو صلفه ضاري بن برغش ويبقي اخو صلفه ضاري بن محمد

رجال كتبوا أسمائهم للتاريخ بكرمهم وفروسيتهم ونبلهم

بارك الله في شعرك الراقي يالحدري

كفيت ووفيت بجزله من اروع ماقيل في المدح

ويستاهل اخو صلفه الحي والميت

صح لسانك ملايين يامميز

صح بدنك اخوي احساس تشرفت بردك الريم

وماعليك زووود ،، ونعم فيك مليون

تقبل احترامي