عزي لعيني ----- نجمة الليل
 

[poem="font="simplified arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]عزي لعينى
الطوفاااااااااان
عزي لعين(ن)يابوضاري بهـ الليل=تذرف غزير الدمع لوا عمايا
ويامل قلب(ن) فيه هم وغرابيل=تجمعن باالجوف وسبب شقايا
على الذي له في فؤادي منازيل= دق الغلا والشوق وسط الحشايا
ماسمع به العذال لو قيل ماقيل= وماسمع به الكذاب واهل الوشايا
من دون وصله ماتزين التعاليل=الا وهي قدام عيني معايا
وان غاب عني بادلن بالمراسيل=يروي عروق(ن) من بعدهم ضمايا
هي الفرح..هي الأمل.. والمواصيل=هي المرض..هي العلل.. هي دوايا
هي الشموع المنوره والقناديل=هي النجوم الساطعه في سمايا
وبـ ليلة(ن) ظلما تقول افهم القيل=بقول شي(ن)وافهمه ياهوايا
افهم كلامي واعرفه دون تفصيل=كلمة وداع(ن) قال ترها النهايا
وأن مر يوم وجيتكم مع ضوا سهيل= ترني ضعفت وردني من البدايا
قلت اغليك انا والله باالحيل بالحيل=ولو تطلب الثنتين ترهن فدايا
قال اغليك ياالطوفان من غير تمثيل= ولو باشرح الموضوع تطول الحكايا
قفى وخلاني ثابت كما الميل=واحترت انا مابين ذيك الزوايا
قفى ودمع العين مثل الهماليل=قفى وهو بيقول لوا عنايا
ورجعت والياس معانق الويل=قدام عيني ماتفارق اخطايا
ورقيت لي مرقاب وبهرت المعاميل=اقنب قنيب الذيب واجر العوايا
وقلت انساه!!!لا والله سابع مستحيل= وشلون ابنسى والخفايا خفايا
ياالله عسى دنياه كله تساهيل= وترشده ياربي لطريق الهدايا
ومرجع انا لوكان وحده بهـ الجيل= وذي عادتي ياعقاب منظر ورايااا
[/poem]


[poem="font="simplified arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الرد عليه
نجمة الليل
عديت بالمرقاب وعفت التعاليل=يوم الخبر جانى وزود بلايا
من واحد(ن)يشكى هموم وبهاذيل=رجه خبر مرسول زين الحلايا
لحيت والله فى سؤالك وبالحيل=تبى ألأجابه وألأجابه خفايا
سألت يالطوفان عن نجمة الليل=اللى لها بالقلب عندك بقايا
اللى معاها زان وقت التعاليل=واللى على اخلاقه فلا له حلايا
النادره مثله قليل(ن)بهــ الجيل=اركت على كبدك لهيب أو كوايا
ما ألوم قلبك لو تجر المواويل=عشرة شرف فازت بكل المزايا
دنياك فيها العجب والتهاويل=واليا أحكمت صعب(ن)عليها العصايا
ناس(ن)تحجب السد ما حب للقيل=وناس(ن)تبوح السد معك أو معايا
ولك صاحب(ن)جنب عليك الغرابيل=خلا همومه وسط قلبه شظايا
عارف مهو راجع ولا فيه تأجيل=امر(ن)جرا ما هو بسرد وحكايا
حارت ودارت جارفه واهج السيل=فى ها الزمن ما لك عليها قوايا
((غابت وحّده عنك الجدى وسهيل=حتى الثريا له معاها سوايا))
وانا اعرفك من زحول الرجاجيل=مالك على المقفى رجوع وهوايا
ماشى بدربك تعرف العدل والميل=أمسح أثار الحب واخف البقايا

وسلااااااااااااااامتكم
الطوفاااااااان || و|| عقاب النهاااااااار[/poem]

حاولت أقتبس كم بيت بس ماقدرت كلها ع بعضها روووووعه
صح لسانك عقاب ولسان الطوفان
تسلم الله يعافيك
دمت في حفظ الرحمن

صح لسانه الطوفان وسلم لسانك
لاهنت عقاب النهار
شاعرنا المميز
متعودين على ابداعاتك
يسعد لي قلبك ونبضك

ونعم فيك وفيه صح لسااااانك ولسان الطوفاااان
بس وينه نبيه يجي معناااااااااااا
عشان ارد عليه انا بعد ;)
شكرياتي لك ابو ضاري

ربي يخليكم دووووووم اصحاب ونشوف منكم القصائد الجميله
مثل هذي القصيده الرائعه

... عقاب النهار ...

صح لسانك وصح لسان الطووفان ربي يعطيكم العافيه
لك مني اطيب واجمل تحيه....

صح لسانك ولسانه
يالذيب ماقصرت يلبسك العافيه على هالمشاركه

صح لســـآااان الـــطوفــآاااان

وصح لســآاااانك ع الرررد الرائع لــهِـِـِـ


يعطيك الف عافيه يا الشــآاااعر , , ,

ابدعت وابدع
سلمكم الله
وصح نبضكم مليون

[align=center]
السلام عليكم ورحمة الله وبركاته

صح عقل الشاعرين ودام ابداعهم

تحياتي



(( الثريا ))
[/align]

شاعرنا القدير : عقاب النهار


صوووت وصدى يالغلا ولا اروووع


قمة التميز والابداااااع



صح الله لسااااانك ولساااااان الطوفااااان


ملااااااااااااااااااااااااااااااين والله لايهينكم


والله لايضرك يابوضاري لاخلا ولاعدم



لك الغلا

الطوفان & عقاب النهار

شاعران رسما الجمال بأرقى الحلل

تشربنا حروفهما العذبه بلذه

كان للتميز بينكم وجهان لعمله واحده

وكان للرقي معكم قصة تحكي مضامين الكلام

تشرفت الاعين بقراءة الجمال

كلنا أمل برؤية مثل هذه التعابير بينكم من جديد أيها الجميلين

نترقب وبشغف

شباصة اجوديه
تشرفت بمرورك
وحروفك الرائعه
صح بدنك
ولاهنتى

تقديرى

هلابك الغالى
تشرفت بمرورك
وصح بدنك الغالى ولاهنت

تقديرى