|
رديه بين ( على النيه و ابن معتاد )
اطرح بين ايديكم هذه الرديه والتي حصلت بيني وبين .. اخونا الكريم .. الشاعر بن معتاد .. والبدايه من .. ابن معتاد .. راكــب الي يسابق طيــــــورالهداد.....يمشي عجل ولايرضى بالمهوني وارداليابان قطاع الحماد.........ادعج اللون ولونه مفتوني فكسارخليجي امصدر للبلاد.......يعجبك مسراه وايضا الدركسوني سايقه مرتاح مافكر بالبعاد.........متكل على الي مايخلف الظنوني ترك الدمام واتجه للأجود........الي لاجاهم العاني يفزوني ملفاه منزل عريبين الاجداد......عيال شمـــــــــــرهل الطيب ياعيوني خص النيـــــه شبيهه القاصف الرعاد........الي غلاهه وسط القلب مكنوني سلم عليها دام جو المحبه براد............واثن السلام من جرة الحــــــــــــــــــوني ,,,, من ابن معتــــــــــــــــــــاد الى على النيـــــــه,, |
وهذا ردي على بن معتاد
...... مرحبا بالشاعر الي في راسه عناد مير انا على النيه واكثر بالطعوني يا هاجوس الشعر خلي عنك العناد ودي اجاري الشاعر دام بيوته لفوني وانتبه ياهاجوس شعري لا يجيك الرقاد لين بن معتاد ينشب في الغصوني والسناعيس وارثين الكرم من عهد عاد والله ان الضيف عمره ما يهوني وانت ضيف انرحبك على روس الاشهاد خلنا اخوان ولا تخلف بالضنوني والحرار تموت ما تبحث رماد مثل حد السيف وقت الرحوني والشعر وهبه عطاه الله بعض العباد وانت فيك ميزة الشعر والي يفهموني هذا ردي جاك واقبله يابن معتاد وانتبه للمقبله لا تزيد اللحوني |
ورد بن معتاد
انا مثل الغريب في وسط البلاد راح للعرب وقال يا عرب دلوني على طريق الحب والوفا المنقــاد وعلى الناس الي لاحكيت فهموني قالوا مالك في بلادنا الا السهاد ارحل عنا قبل ما تصير مسجوني ثم اتجهت بلا يمه و ميعـــــاد للمـــكــان الي فيــه اهــلي ربـونـي ونزلت العلم واعلنت الحـــداد ثــلاثـة ايام لـيالـيها مـا تهـونــي من بعد ردك يا مزموم الأنهاد اشتعل راسي وانجنت جنوني كانك عنيد وتبي العناد ينعــاد ابــشر بعــناد مافكــه لا نخــونــي ولو جمحت اروضك ونا بن معتاد في يميني سوط املس ومجنوني ومايستخدمه سوى سيد الاسياد الي على قومه كالسيف مسنوني وانا مانيب شاعر ولانيب قصاد انا بس اكتب الي تشوفه عيوني اليوم عـيني شـافت صبي المــهـاد يــبـكي ويقــول يا هـــلي زملـــونــي |
ردي على بن معتاد انت منت غريب انت من اهل البلاد مير رح للمطوع كان بك جنوني والطريق الي تقوله ما به غير الاصفاد وانت مثل الي يقول للعرب انظروني مير ريح ركابك لا تكثر بالنشاد والله انه ما يرحم الي ما يرحموني ومن رجع لموطنه لقى كل السعاد عقب غيبه والعرب به يفرحوني مير خاف ربك قبل وقت اللحاد انتبه لا تطب البحر مثلكم يغرقوني وردي لكم حشمه واكره الانقاد جعل ربي يحفظك وجعلك ما تهوني |
ورد بن معتاد
ترى طب المطوع يالغضي مافاد.. حتى الدكاتر ماقدرو يعالجوني.. اصبح في كل صبح ولا اذوق الرقاد.. العين سهيره والجفن مشحوني.. على المزون الي في وسطه رعاد.. يرعد والحيا شحيح و مرهوني.. متى يهب الشمال واوجس بالبراد.. واعلل النفس عن الي يوذوني.. مثلك يومك تشد وترخي القياد.. ماتدري ان الجمل اصبح مغبوني.. لالا تحرك الجمر لو هو رماد.. يمكن يثور ويصيب كل العيوني.. وبحرك مثل شط الي وسط بغداد.. مهو عميق والناس يغوصوني.. من بعد صدام وسخته الاوغاد.. وصارت تلعبه تقل لعب صهيوني.. على النيه نمشي ياملا الهجاد.. وليتك { على النيه } تمشي بهوني.. واسمك غير فعلك يالجماد.. وهرجك عسل لكن به سم مسحوني.. وانا تراني مجنون وافك الضهاد.. والحكمه توخذ من عند مجنوني.. |
ردي على بن معتاد ما باقي الا نوديك لشهار منقاد قدام كل الناس وهم يشهدوني من بعدها يمكن يجيك الاجهاد وتنام نوم ولا تفتح لك جفوني والمزن ربك ينزله دار الاجواد وانت يابن معتاد مثل الغبوني والله لاهبت تبي تقلع اوتاد ثم تطلب الله يالله انك تعوني وانت ولد عمي ولا ابيلك الهاد والحقد شين ولا يعز الركوني والجمر بان بصدرك الي به احقاد احرق يديك ولا به الي يعوني والشعر راضعته يوم اني بالامهاد ما يفسره ياكود رجلٍ ذهوني وصدام عز البيت امورث له امجاد شطي قراح وما يجيه المهوني وانا على النيه ترى ورثة امجاد من روس قومٍ يحتمون الزبوني وليّه الفخر يوم(ن) اوصّف بالاجماد والهرج ما همن عسى الله يعوني مجنون ليلى راح من ضمن الافراد مات ولا يلقى من العرب يدفنوني كنت احسبك سيفٍ احارب به اضطاد واثرك تبي العربان فيّه يضحكوني وختامها يالله يامخفين عاد تنصرني الليله عن الي رموني ...... |
ورد بن معتاد ربنا يجيبك ويبعد الاحقاد.. ماهقيتك تظن سو يامظنوني.. ولاهقيت المزح يسبب ابتعاد.. الامن كان مزحه ثقيل ومشجوني.. انا استغفر الله يابنت الاجواد.. لو كنت مخطي وربعي عاتبوني.. الفرق واضح ما بين الصاد والضاد.. مثل وضوح الشمس نهار الكوني.. ليه تدور الزله وتجمع السماد.. وتحط لنفسك مكان الضعيف الليوني.. انته غالي وغلاك بالقلب زاد.. ماني من الي يرمي غض مزيوني.. دام العز مشترك بين الاجداد.. ما ظن ركايب الزعل يلفوني.. لان صدري مادخله شوكة قتاد.. يوم غيري حرف واخلف ظنوني.. وينك يالشاعر الي ما تلهد الهاد.. ليه تكرر قوافيك لنفس اللوني.. ارحم وربي يرحم رحام العباد.. مهما اختلفنا تبقى وسط العيوني.. بانتظار ردودكم ودي |
سعدت كثيرا بما ارى من ابداع بينك وبين ابن معتاد ولا تحتاج المعانى للاشاده فانتى ابدعتى واوصلتى ما بخاطرك برديات على قصائده كفيتى ووفيتى وصح لسانه ولسانك على المجاراه وبحور المعانى بينكما وكلن رمى بما يريد والمعانى قمه والحكم تكثر فى ما رايت من ابيات سلم قلبك وسلم فكرك وصح لسانك مره اخرى ولاهنتى تقدير واحترام لشخصك الكريم |
على النيه وبن معتاد
إلتقاء جميل وردية غايه بالروعه سلمتم على هالامتاع |
وبحرك مثل شط الي وسط بغداد..
مهو عميق والناس يغوصوني.. من بعد صدام وسخته الاوغاد.. وصارت تلعبه تقل لعب صهيوني.. لم يروقن لي هذان البيتان؟ صح لسانك شاعرتنا على الابداع الذي لمسته من قوت معاني ووزن قافيه |
صح لسانك ولسان ابن معتاد ,,
الغاليه ع النيه \ كل وقت نحتاج ونشتاق لحروفك وابداعاتك الشجيه كم يعجبني نضمك واحساسك الرائع انتي مبدعه ومميزه وقلمك يريح قلوبنا دمتي بود يالغلااااااااااااا |
على النيه صح لسانك ولسان ابن معتاد
امتعتونا الله يعافيكم يارب |
اقتباس:
عقاب النهار وآنا اكثر سعآده لجمآل تواجدك ..فصح بدنك .. وشرفني حضورك بين سطوري .. .. وكم كان مرورك من هنا راقي .. فـ عطره لازال موجود بمتصفحي .. جلّ احترامي وامتنآآآني فآضلي ,, |
على النيه صح لسانك ولسان الاخ ابن معتاد
عز الله كفيتو ورديه ممتع ونمتمى نشوف مثلها عن قريب |
اقتباس:
احس احساس الاروع هو تواجدك هنآآآآ ... فشذى حضورك يعبق بالمكان .. آنرت فآضلي ..جلّ تقديري واحترامي ,, |
| الساعة الآن 09:45 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010