دنـيــــا غـــريـبـــــه
 

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دنياك هذي مابها شي ينعاب=لعبه قديمه وكل شخص تمره
ياما ترز اشناب وتنزل اشناب=وأحدن تمده خير وأحدن تظره
واللي بذل في دنيته كل الأسباب=لا ماظمن انه يعيش بمسره
ولا ظمن محبته بين الأصحاب=ولا ظمن كره العدو قبل شره
عشنا ولا ندري بما خلف الأبواب=عشنا ولا ندري بحلوه ومره
وياما نسينا الوقت مع جور الأقراب=وياما لعبنا بدوران المجره
وياما بكينا وللبكا جرح ماطاب=لما انعمينا والجروح بمقره
وياما شكينا والشكاوي له اسباب=وياما كسبنا من الشكاوي مظره
والحبل خوف من لسع رجله الداب=عن الداب وشجرته بعيد ممره
دنيا غريبه كنها فتحت كتاب=واسع مداها وكل قارىء يمره
ولاحد جمع في علمها كل الأطناب=ولاحدن دري بمصيره مثقال ذره
احد دخل في الباب وأحد مع الباب=يطلع وغيره للزمان يتشره
وأحد على حظه نقل كلمة عتاب=للصاحب اللي قلت لله دره
خله على حظه يشيلنه ركاب=وانا على حظي كفا الله شره
مشغول في دنيا به الناس تغتاب=عفيف.طيب ساس للطيب جره
فقير واضح مايحسب له حساب=كريم شامخ عز. محد يمره
ساذج غني تلقاله شكثر الأحباب=هذا يحب خشمه وهذا يجره
عايش ملك بين المنافق وكذاب=ويحس حاله واصل الشمس حره
ويمكن حسب نفسه مع سباع وذياب=ويمكن يشبه حاله بطير حره
نسى الليال المقبله تكشف حجاب=ونسى السنين الوارده ماتسره
ونسى وعيدن واعده رب الأرباب=يوم الحشر والجور كره وكره
ينسى بها احباب وعيال واصحاب=ويفر كل اللي معه مثل فره
يوم الخلايق عاريه مابه ثياب=والشمس تقرب مرة عقب مره
تحرق جسد منهو عن عبادته غاب=والما بقلبه رحمه على النار جره
واللي حفظ نفسه ورضا ربه وتاب=عليه غيمه تبشره بالمسره
في يوم مايفرق به الشيب والشاب=يفرق عمل محسوب قدره بذره
وسلام للي عزه جبال وهظاب=اللي رفيقه امنه وقال سره
اللي على الموت الحمر راح ماهاب=عند الشرف.والدار والدين شره
يثور شره في الثلاثه على رقاب=رقاب المذله مارفعتها المبره
واختم كلامي في تهلي وترحاب=للي زمانه خان والجور جره
واقول شف دنياك طقت لي الباب=ولا اقدر امنعها ولاشي يظره[/poem]

طلال فهد الشمري

اهلا بك وحياااك معنا
طلال الشمري
في منتدى بعد حيي ونتشرف بك


وابيات رااائعه
فصح لسااانك ع
النص الجميل والجزل
فصح بوحك ونبضك وفكرك
ننتظر جديدك الراائع
فائق التقدير والاحترام

:
:

الشم ـري طلال
نورت الم ـنتدى بتوآجدك وحضورك لاعدم
صح لسانك واعتلا شانك
ابيات جزله من راس جزل
لاهنت لاهنت
ننتظر جديد ابداعك
http://hmalil.com/vb/images/smilies/...1195975150.gif

أهلا بحروفك و اهلا بنبضك الذي يفووق الوصف
وحاله تتهادى على همسات الشعور
احيك على هذا الإبداع
اني أرى فعلا ً في كلماتك شيئا ً يلامس الإحساس
بل ويجذبه حقا ً بما تألقت به حروفك من لمعان
فسلمت لنا دائما وسلمت مشاعرك
واحاسيسك النبيلة الصادقة
لك ارق واعذب التحايا
أختكــ هيفاء

الله عليك ياطلال صح لسانك مدد بلا عدد
قصيدة رائعة واكثر تواجدك مكسب لبعد حيي
بانتظار جديدك القادم

طلال


صح لسانك وعلا شانك


قصيده جزله من شاعر جزل


سلمت ولاهنت وصح كلك



دمت بخير تحياااتي لك

وعليكم السلام ورحمة الله وبركاته

وياما نسينا الوقت مع جور الأقراب

ويامـا لعبنـا بـدوران المـجـره

أهلا بك أخي الفاضل//

رائعه هذه المعزوفه الراقيه

الحكيمه مفعمه بكل ماهو مفيد

صح لسانك ملايين

وبيض الله وجهك وتسلم يمينك

من كل شر

ودمت بخير لاينتهي

سلمت ياراائع
ابدعت واجدت الحضووور
الف صح لسانك
ودام بوووحك الراقي

لله درك الغالى
نورت بحظور وتشرفنا بتواجدك
وسلم قلبك
وصح لسانك مدد بلا عدد
على هذه المترفه


تقديرى واحترامى

الشاعر المبدع الأنيق طلال الشمري
حللت أهلا ووطأت سهلا في سماء الابداع
نص فاخر من زمن الاصاله
وحروف تكتب بماء الذهب
واصل التألق ياراقي