( الصوره ) ... مصافحه ..
 

مساؤكم شعرا وجمالا لا يليق إلا بارواحكم .. يسعدني ويشرفني ان اعانق ذائقتكم بحروفي المتواضعه لعلها تجد بعضا من القبول والاستحسان .. :)



.
.
.
.



تقــــول يا خــالد دعــاني خيــــالك .. أبيك تشْعر بي إذا تْمـــــوت فيني
أبيــــك ترْسم روْعتك في ارْتجالك .. حرِّك بي احساس الوله يا ظنيني

واقــول عفْوا يا معـــالي جــــلالك .. أقْصى طموحي بسّ لـوْ تفْهميني
مجبور{ يالصوره } أداعب جمالك .. واذوب مـــابين الْوَهَمْ واليقيـــني

يا ملْح كـــل الكون حــاسِب دلالك .. لا تفْتــري .. وِ تْلوم قلبي وعيني
قادَتْني دْروب الهـــوى للمهـــالك .. أشــواق روحي تَرْجِمَتْهـــا يديـني

يا طيف غيمه لوْ تعَــذَّر وِصـــالك .. بسّ افتحي باب السما واحْتريني
بجيك مثل البرْق في ليـــل حـــالك .. وارْوي بك عْروق الظّما صدّقيني

للحب في نبْضي جُيوش وْ ممالك .. لا جيت كلّي يالغـــــرام احضنيني
مابين أنفــاسك وكلمة { أنا لك } .. تضيع من عمري مــواجع سنيني

ما عــــاد يِِِطْفي لَهْفتي إبْتِهــــالك .. بعيش ليـــله وانْ طِمِعْت اذبحيني
ملّيت من { يا عزْوِتي كيف حالك } .. حالي يقوله ما ظهر من ونيني

مافيـــه مــن يمْـــلا عيوني بدالك .. عيشي محطّــــاتي فَرَح واحْتويني
فزّيت لك يــوم ٍ طرَقْني ســــؤالك .. رِِدّي عَلَيّ { مْوافِقَه } واسْمعيني

بقـول شيٍّ ما طرى لك في بــالك .. والْبس معك ثوب السّعد يا حنيني
صوت البيات اللي تغنّى فْـ خِصالك .. أسْقـــــاه ينْبوع الصِّبـا دمْعتيني

يسْكَر على نبْع الحيـــا من زلالك .. ويْصيح باعْلى الصوت لا تتْركيني
معْزوفة احــزان وْعلى رغْم ذلك .. بَرَقِّص احْساسك طرَب لو تجيني

انا معــــاني خَصَّها طيب فـــــالك .. مِـــدِّي كُفُـوف الطيب بينـك وبيني


.
.



وسلامة اعماركم

مافيـــه مــن يمْـــلا عيوني بدالك .. عيشي محطّــــاتي فَرَح واحْتويني
فزّيت لك يــوم ٍ طرَقْني ســــؤالك .. رِِدّي عَلَيّ { مْوافِقَه } واسْمعيني

منور ياخالد
صح الله لسانــــــــــــــــــك والله
اشهد بالله
رائعه بالحيل ملكيه راقيه
ننتظر منك الجديد

احترامي لك ولنزفك

لله درك الشاعر خالد
اسعدتنا المصافحه المميزه
ارق سنود يالسنافي

يا طيف غيمه لوْ تعَــذَّر وِصـــالك .. بسّ افتحي باب السما واحْتريني
بجيك مثل البرْق في ليـــل حـــالك .. وارْوي بك عْروق الظّما صدّقيني


خالد
اهلا بك معنا وحياك الله ونورت المنتدى
ومصافحه رائعه .. بل أكثر ..
ونص ينسكب عذوبه وبوح فريد
فصح نضبك وفكرك
وطبت كما شئت ..
واهلاً بك مرة أخرى ,,

خالد

ياهلا فيك منور القسم

صح لسانك يالغالي ولاهنت

والله يعطيك العافيه..

مد يمينك ياخالد.....حقاقصيده تستحق المصافحه

حقيقه......ابدعت....تحياتي لك .......اللـــــــجـــــــاوي

اقسم بالله العظيم راااااااااااااااااااااااااااااااااااااااائعه رائعه اقصى حدود الروعه اجدها هنا
ابدعت وسطرت اجمل مشاعر شاعر في منتدانا
تستحق التقييم ولو كان لي اكثر من التقييم لن اتردد
امام هاللوحه الشعريه الرااااااائعه
تقبل ردي وصادق ودي

صح السانك ملايين ابدعت لاعدمناك

صح صح كلك
فديت قلبك
على الابداع

آهلا وسهلآ وحيآك الله
على الرحب والشعر

نــص آقل ما يقال عنه رآآئـع

جزااااله ومعنى وقوهـ ومدددهشش التصوير

صح لسااااانك حتى ترضى

وجديدك منتظر طبعآ

آحترامي وتقديري

النور نورك اخوي هاني .. صحت روحك وسلم قلبك يا بعدي

يشرفني ثنائك واتمنى اكون عند حسن الظن يالغالي

شكري وتقديري ..

هلا وغلا اخوي وليد .. ما عليك زود يالغالي

اسعدني وجودك .. ما ننحرم هالاطلاله يا رائع ..

شكري وامتناني ..

هلا بك اختي الغاليه .. والمنتدى منور بكم لا عدمتكم ..

وربي كلك ذوق .. يخليك ربي ويسلمك .. والمهلي ما يولي :)

شكري وتقديري