|
(عشاق الهجيني)
الى عشاق طاروق الهجيني ، من احب ان يرد من شعرائنا فاهلا وسهلا به كي نحيي طاروق الهجيني
الذي اندثر عند الكثيرين فكل شاعر يكتب ثلاث ابيات فقط من شعراء بعد حيي ياصاحبي عــــجل بــــردك عشقت انا الشعر من شانك ،، بالـــــقاف بيـــــــحلنا سدك افتحــــلنا الـــــــيوم بيبانك ،، تـــــــرى ذبحني كثر صدك ترى الغلا بالـــــحشى دانك ،، ذبحتني لـــــعنبو جـــــــدك وشعلت بالــــــقلب نيرانك اتمنى التفاعل من شعرائنا الكرام فهي ليس محاوره بل كل شاعر يضع ابيات لاتقل عن ثلاث ولا تزيد عن خمس وياليت تكون الردود مقتصره على ابيات فقط دون الردود العاديه كل التقدير للجميع |
،،
ذبحتني لـــــعنبو جـــــــدك وشعلت بالــــــقلب نيرانك صح لسانك لاعدمناك وننتظر جديدك |
دوك اكتب الشعر ودك
ولا اهيجن على شااانك خليتني وبعدت في صدك اقفيت تلها مع خلانك الى هنا وان شاء الله لي عوده يسلموووووووووووووووو اخوي لاهنت على الابيات الرائعه تقبل مروري( قوت ) |
شاعر وشده ماا شدك
يامحمد صح الله لسانك دامه ورث جدي وجدك عالي المقام اعتلا شانك لو يثقل الحمل ماهدك باسك قوي ونهجهم عانك هذا جوابي على ردك قلته وطاابت له اوزانك رد على عجاله وأكيد لي عودهـ أبو خالد ... |
اتمنى ان اعرف الشعر ولكني اتذوقه فقط
ومتابع لكم |
لحب العذاااار ماحد حدك
اتعبت باركض سيقاااانك ارحمك لا ياااابعد جدك جيت اتخطى على شاااانك وابعدتني وانا ابي ودك وكشرت يااااالذيب نيبااااانك ابعد تراني ماني بقدك ما عندي من الشعر قيفااااانك والله ياااامحمد لاالزك لاتقوم تفتل عضدااانك هههههههههههههههههه وااااو يسلمو صح الساني |
اقتباس:
الميدان ياحميدان اختي قوت بصراحه اعجبني ردك وبقوه يــازين ينـــاعمن خــدك هو لــيه كشرت نيــبانك ،،، لاتحسبن مــاحدن قــدك لايخدعك زين قــــيفانك ،،، يازين ترني على عهدك ولي خلق عالـين شانك ،،، بالقاف ملزوم انا احدك مجنون ومـوت بجنانك |
اقتباس:
صح لسانك مليار كفو والله يالذيب كفيت وفيت شاعرنا الراقي حمدان |
هيجنت من هاجس ٍ حدك وجازت لنا جرة لحانك مار البلا واقف ٍ ضدك سلم ٍ من عصور جدانك لا قفّل الباب من شدك لا تنشده وين مسكانك خله لقده وشف قدك وانسه نسى الموت شيبانك |
اقتباس:
لاترادد النذل بالــحانـك ،،، ادري ترى ماحدن ندك بالقاف موزون ميزانك ،،، النـــذل لايبيح بســــدك ان ماتدينه تــرى دانك كل الشكر شاعرنا تركي |
شكرا شاعرنا ع الفكره الرائعه وصح لساانك ... حي الشعر وحي من عدك وبالشعر تـوفي لخلانـك وبالقاف بينت في ودك احفظ عهوده ليا صانك وكانه مقفي ولا عادك خله ولا تقول قيفانـك |
يسعدك ربي على ردك
تسلم اخوي وارتفع شااانك مااني مثلك ابردك لاتجرني حيل بالحانك قافك تجره على صدرك ولاانا اعليمي باخبارك لتوضيح :اعليمي :توي اول الطريق اخبارك::انت خاااابرني |
اقتباس:
الله الله الله أسلم القاف لو شاب ما صدك تفتلنا حروف قيفانك والعجز ماذكر غدى ندك معزته دوم برهانك الطير يتعب ولا يهدك طيرك عديم ٍ ولا خانك لو ما تكلم وفا ردك ضوحه غريق ٍبوديانك |
اقتباس:
شاعرتنا الكبيره ع النيه ياقــــلب كان الــــغلا هدك شــــرع لها كـــــل بيبانك ،،، ياقـــــلب دام البشر ضدك نضر على صوب نيشانك ،،، اما يصيب الـهدف زندك ولا اقعد وموت بحزانك |
الله عليك يامحمد الأديهم
مميز في أفكارك ونظمك وتفاعل أكثر من رائع من شعرائنا الرائعين الله يعطيكم العافيه |
صح لسانك يالمبدع فكره وتميز وصح لسان الجميع متابع بصمت للابداع لاهت تقدبرى |
اقتباس:
هلابك حمدان ياهلا وغلا و بارك الله بالمكان اللي يجمعنا بهالوجيه الطيبه.. حمدان عد الفخر عدك مرهي من الطيب جيرانك هرج العرب ماقدر لدك ومضري الفوز لحصانك الود ودي اذا ودك نلعب معك وسط ميدانك للشعر شامه على خدك ومرهي من الشعر خدانك |
لك ابوخالد
يامحمد وش اللي الذي حدك مــاجـيـت الا عــلى شــانــك اخــوك وحفض عــلى سدك ومن عقبك ملعب ابـيـبانــك ان كان شوق الغضي شدك والبعد عن شوفته هــانــك اطــلــب ولاشــيـن يــــردك ابي اسمع القــول باالسانك اخوي محمد انت من اعز اصدقائي حبيت اني اجريك بالهجيني بس والله ماعندي وقت كافي بس ان شاء الله لي عوده بعون الله |
اقتباس:
والله ان لك وحشه عسانا مانفقدك من شر ياهلا من قلب صادق شرفتنا امرورك ونور المتصفح بوجودك |
مــــــــــــــــــتــــــــــــــــــــــــــابــ ــــــــــــع
|
متااااااااااااااااابعه
|
،،
تـــــــرى ذبحني كثر صدك ترى الغلا بالـــــحشى دانك سوري محمد بس ابي الطف الجو تعال ابي اقعد بحدك وان ما جيت امسك اذانك ههههههههههههههههههههههههههههههههههه |
اقتباس:
والنور نورك ونور الاخوه والخوات هنا وربي يسعدك والله انك غالى على القلب لعيونك على الكيبورد يامحمد خذهم سفرى بيحت سدى مع سدك ------- وضميت حزنى مع احزانك اقلط بقلبى ولاردك ------- مجنون واعشق به اجنانك ياليتنى دمعه ابخدك ------- يلمسنى كفك على اوجانك مغليك انا شارى ٍ ودك --------واختامها صح الله لسانك |
يا ليل وان زان لي مدك
يتبع لك الصبح باجفانك ياليل وان تاه بي ضدك وافي وخلي مسا خانك اقفى الضحى حاجتة عندك وعقب العصر طق بيبانك |
اقتباس:
شرفتنا يبو ثامر ننتظرك بشغف لاتطول |
اقتباس:
يالله حي شاعرنا الكبير ابو ضاري والله انك اسعدت قلبي بردك ابيات مميزه من شاعر مميز اعجبني ردك وبقوه ننتضرك مره اخرى |
اقتباس:
اسعدتو قلبي الله يسعدكم ويديمكم |
اقتباس:
الله يقطع شرك اهم شيئ تجي القافيه حتى لوهي شد اذان ههههههههههه قوت طبي القاع لنتف ريشك ههههههههههههههه دمتي اخت عزيزه |
[quote][ههههههههههههههههههههههههههههههههههههههههههه
الله يقطع شرك اهم شيئ تجي القافيه حتى لوهي شد اذان ههههههههههه قوت طبي القاع لنتف ريشك ههههههههههههههه دمتي اخت عزيزه /quote] يسلمو اتمون |
بعد اذنكم نبدا بقافيه جديده
الي ذبحـني غـــلاها ذبـــــح واودع دمـــــوعـــي يــهلني ،،،،، ليته رحــــمني قليل الـربح ياسعود مــــاكنها وكـــــني ،،،،، اسهر عيوني الين الصبح عزي لقلبن لــــــــها حني |
اقتباس:
% أسلم يالذيب صح كلك % حبل الوصل يا بعيد الشبح مــدهـ لـخـلـك وطـمـنـي انقذ غريق ماعرف للسبح لا تخيب اليوم بك ضني تشكي الخساره بعد هالربح وصرح الهوى جاك مدّني |
ما شاء الله عليك قافية صعبة لكن يالله
يا محمد الناس الايف النبح والا الهوى غالبٍ ظني مثل النحل موطنه بالجبح وبين الزهر سابق الجني اكبح جماحه هوانا كبح اسمع كلامً مضى مني الجبح : بيت النحل |
الله الله الله الله
شاعرنا حمدان وشاعرنا نايف ابداع حتى الامتاع لاخلا ولا عدم استلمو في بحر حبه عجزت السبح محدن نشد عـــنـه وعـــــني ،،،، يومه بعينه شبحني شــــبح عجـزن اقـــــــدامي يشيلني ،،،، سرحان ماهاب كثر الــنبح ميــــر الـــــبلا الزين جنني |
عيني قزت عافته بالربح
عقب الولا ضيع سنيني يا فلان انا خاطري بالذبح عقب الجفا استوت فيني حي ولا بي رجا للصبح ان مت او قطـّع يديني |
وين القوافي وموس الذبح
بـنـات فـكـري يـدلـنّي آسري لها الليل لين الصبح والـذيـب يا كـلـنـا الـجـنـي صح لسااانكم جميع والله يا محمد هذي نذاله هههههههه من وين جايب لنا هالقاف الشاااااااايب ههههههههه أسلم شاعرنا نايف على أسمك نايف |
هههههههههههههههههههه
هي جت كذا اخي حمدان بس الي مثلكم ادري مايصعب عليه شي والله شاعرنا نايف الشمري قام يلزناعلى الجال الله يسعد قلبه هل يقبل طلب الاستنجاد بالشعراء الاخرين (عقاب ،على النيه، مليحان، تركي، )اليوم يومكم استلمو عقب المشي قمت ادوبح دبح وضــــلوع صــــــدري يلجني ،،، يالــــــيل يلي طــــويل السبح عجــــزت انا اســـهرك ووني ،،، الحب طبحت انا بــه طــــبح وغـــــديت مــــنه كما الشني |
صح لسانك شاعرنا محمد واخواني الشعّار ابدعتوا يعافيكم الباري تقبلوا تقديري واحترامي لي عوده |
اقتباس:
نور المتصفح بوجودك ولا نستغني عن مشاركتك نحن بالانتظار كل التقدير |
تقبلوا هذه المتواضعه راع الهوى يسهر ويصبح والموت في ضحكة السني خذها نصيحه ولا تسبح لا تشقي النفس وتغـني دامك تشوفه تبا تربح والقاف هذا تراه جني |
يا ذيب ياللي نبيحك ظبح
يسقي صباحك ويسقيني صوتك طويلا ولا ينبح وانا قضا حس العويني زود الردا زايد بالقبح يا صاحبا ما وفى ديني |
| الساعة الآن 05:24 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010