مهزلة حافز صوتيه + شيله
 

[poem=font=",6,royalblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] ياحافز اسمع وش تقول الناس عنك يابخيل=انت السبب لو صاربه فوره ياسيد العارفين
قلتو اعانه مير صار الوضع اهانه ياهبيل=ياليتنا منك ومن دوخت شروطك سالمين
كم عاطل وكم عاطله فرحت وتتحرى الحصيل=وصدمتهم في قولتك كنتو ياناس مسافرين
مسافرين ايه كنا من قبل وقتن طويل=مسافرين ايه كنا للعلاج مدورين
والا زياره للقرابه في زواج اخوٍ اصيل=وشوله تفكر بانه زود مال ومسرفين
واللي حصل منك على عرض ووظيفه ياهزيل=شغلته صارت في حلوق الناس نكته شامتين
مثل ام خالد يوم جاها العرض في وسط الشليل=قلت الوظيفه بالمقابر للوفايا تغسلين
والا بعد عرضك لابو بندر وهو رجلٍ عليل=يرعى الحلال بمزرعة تاجر رفع سعر الطحين
واللي رزقه الله اعانه منك لو انه قليل=صارت ديون يردها لامن توظف ياذهين ؟
من جدك انت ياحافز؟ والا ترى مزحك ثقيل=الناس من مزحك بدت تزعل يبو عقلن فطين
الله رزقنا حاكمٍ لا قال قوله مايميل=قال اصرفوا للناس وانتم يالبطانه مخملين
عقدتوا الشعب السعودي بالشروط وبالكفيل=حتى ترك حقه..وهذا انتم عليه مخططين
من شان تاكل حقنا من دون علم ولا دليل=والا اتقاسم حقنا بينك وبين المجرمين
هذي خيانه للوطن اكبر من فعول العميل=هذي ترى بالدين حكمه حكم ناسن مفسدين
ياموطني ياموطن الخيرات والدين الفضيل=صحصح ترى ذولا مهم لارضك ودينك مخلصين
حنا نحبك ياوطن حنا لك حزام وفتيل=حنا نبيك تشوف حل مع هذول الخاينين
الشعب كله ياوطن في وجه ابو متعب دخيل=مدامه القايد فحنا دوم فيه ماملين
نبي نتسنع ياوطن ولا نبي غيرك بديل=هذا مراد الشعب وانته سيد كل العارفين[/poem]

لابــارك الله فيهم وفي حافز
صح لسانك اخوي
صدقت
لاهنت

شكوانا لله صح السانك يالطيب

صح لسانك سالم الشمري
ماقصرت

وندعو الله ان يكون عبره لغيره

اي والله ياليتنا منك يا حافز سالمين ههههه


صح لسانك يا بطل عز الله ما قصرت جبتها عالجرح



تقديري

اسلم اسلم صح فكرك على القصيده

مودتي لك

صح لسانك سالم الشمري
ماقصرت

والله بعذره لو قصد هالقصيدة .

حافز والله مهزله حقيقه ..

2000 ريال وبه منــه ..