|
انا عن احساسي وذاتي مغرّب
بسم الله الرحمن الرحيم وصلتني الابيات التاليه برسالة على جوالي من شخص عزيز علي هو ليس بشاعر ولكن إحساسه يفوح بمعنى الأبيات.. ولا أعلم الى الآن لمن هذه الابيات: سلام يا السبع الجسور المعرّب سبعٍ عنيد ولابته كلها سباع مبطي على عسف الصعايب مدرّب بالمرجله والطيب له باع وذراع يا عزوتي تبقى الخوي المقرّب على النقا ما هي تجارات واطماع يا الذيب ياللي بالصعايب مجرّب للروح من دون المواجيب بياع يوم الردي شوفه من الخوف سرّب تقدم كما يقدم عديمٍ الى جاع يحرم علي من خوتك ما تهرّب لا والذي زم السما وانزل القاع جيتك على سرج الاصيل المكرّب آمر تراني يابن الاجواد مطواع (شاعرها غير معروف) فجاء ردي: أنا عن احساسي وذاتي مغرّب فكري سجين بجو الاحزان ملتاع مار ارحب ارحب يالطليق المعرّب ياللي وجودك للتعاسات نزّاع فنجال شاعر بالحقيقة مشرّب ينساق للي في مدى الجود رباع يادار منهو عن ربوعه مهرّب العزعندك ياسنا الجود ركّاع ياشوق غروٍ بين ناسه مطرّب يزهى الدلال ولا اعذب الهرج سمّاع قدرك عزيزٍ للحنايا مشرّب وصدرك ربيعٍ للوفين مرباع البيت لا اوجس قاطر الما تكرّب وشرواك خيّر عن مباديه ما ضاع عمر عبدالمحسن |
|
شاعرية تعلو النصوص
أبيات رائعه بحق سَلمت لنا القريحة.. مرت من هنا تلك ميزتي قو بآآسي |
الشاعر عمر
جزل والجزل مايظهر منه الا الجزل بيض الله وجهك تحياتي لك ومودتي |
شعر وكلام جزل من شاعر جزل ...صح السانك
الف مره يالجزل في انتظار الجديد |
لله درك لله درك
سلمت وسلم كل نبض يتغني في حرفك وفكرك الرائع |
رد راق لي
مليء بالروعة الصمت مني أبلغ صح لسانك مليون |
.
. ابيات جدا رائعه جزل اخوي عمر .. وشاعريتك لا غبار عليها كل التقدير والاعجاب |
صح لســانك على الرد الرائع
واعتلا شانك ولا هان مقدارك ابيات جميــله روعه معانيها لا فض فاك ولا عدمناك وسلمت قريحتك ويمناك تقبل مروري |
صح لساانك اخوووي,,
ابيااات رااايقة,, يعطيك العااافية ولاهنت.. ’’تحيـأإتي ^_^ |
هلا هلا يابو عبد المحسن
سلم راسك على هالرد الجزل والله ان ودي اطلب قصيدة منك بس ناسيها ولا ادري لو انك منزلها صح لسانك يالذيب حتى ترضى.. تحياتي واعجابي دائماً.. |
ابيآت رآآئعه
صح لسآنك وسلم الفكر والبنآن .. |
صح لسانك قصيدة جزلة مليون تحية لابداعك ومساؤك ورد
|
رديت و كفيت
صــــــــــــــــــــــــــــــح لسانك اخوي على ذي القصيده الجزله ولا هنت اسعد الله ايامك |
صح لسانك ولسان من جاريت
قصيدة رائعة شكرا لطرحها لنا ... |
حـروف تعانق سماء الجمال ،
ترتسم ف محياء الاناقه ، بوحاً جميل اسطر اجمل ، زادت جمالا عندما نزفت من قلمك الساحر ، استمر ب النـزف المميز ، لاهنت http://www.m5zn.com/uploads/2011/6/3...8rr53b24af.gif |
اشكر الجميع على كرم الحضور
قرأت كل الردود |
| الساعة الآن 02:43 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010