|
قصص بيني وبين طلال الرشيد خاصه جدا جدا
بيني وبين طلال الرشيد مواقف وقصص وبخصكم ببعض المشاهد التي شفتها عن قرب حين ماكنت سكرتير مكتبه الخاص ؟؟
|
حياك اخوي وبانتظار ك
ولكن من بعد اذنك ينقل الموضوع لقسم المرحوم باذن الله طلال الرشيد |
يَ حياك ربي شاعرنا القدير رافع
ننتظر القصص بَ فارغ الصبر لا عدمناك يَ رب ودي .. |
حــــياااك يا بـــــو طـــلال
نــحــــنُ باالإنتظــااار ... |
وين القصص؟ناطرينك
|
بانتظار مواقف اميرنا المحبوب رحمه الله واسكنه الله فسيح جناته
وبانتظارك وسوالفك الزينه يازين |
حياك الله أخوي وشاعرنا رااافع
منور القسم بطلتك وبنتطار سوالفك عن المرحوووم |
الله يرحم اميرنا
ف انتظارك اخوي |
.
. . هلا وغلا بـ أخونا وشاعرنا / رافع الشمري بـ إنتظار المواقف والقصص مع المغفور لهُ بإذن الله الأمير [ طلال الرشيد ] [ لاتطوّل علينا فيها ] http://www.5foq.com/vb/images/smilies/CE_DP_Stealer.gif تحيــّاتي لك |
مواقف بيني وبين طلال الرشيد
اخواني واخواتي حياكم الله بس اشوف الوقت المناسب لي بسرد لكم بعض الموقف المشرفه والطريفه التي حصلت بيني وبين ابو نواف الله يرحمه حين كنت سكرتير مكتبه الخاص وكانت من اجمل ايام عمري الله يجمعنا معه في جنات الفردوس واياكم وهذا خاص لمنتدى بعد حيي
|
ناطرينك لاتطول علينا
|
اكتب لكم وانا خارج المملكه حاليا يعلم الله ولكن عشان ماتقولون طول علينا بسرد لكم موقف حصل بيني وبين طلال رحمة الله عليه؟؟
قبل وفاته بعامين ذهب الى لندن وع عاىلته بالعطله الصيفيه كعادته وكانت لي معامله تحت اجرائات في احد الدوائر الحكوميه وكان رحمه الله يفزع للقريب والبعيد وللشمري وللغير مايفرق بين اي قبيله لانه كبير وماعنده عنصريه فكان له فضل وايادي بيضاء لجميع اللي نصوه والعجيب انه يذهب بنفسه للدوائر الحكوميه ماقال انا ابن رشيد وشاعر معروف مااقدر اروح للمكان الفلاني عكس بعض الشيوخ حاليا لاتعليق اخاف ادخل بالمحظور! المهم سامحوني انا ان تكلمت عن طلال يخونني التعبير ومااعرف من وين اببدا برجع للموقف اللي يخصني المهم هو في لندن وانا رحت بخاص موضوعي ورفظو ان يخلصونه طلبو بعض التعقيدات ؟؟ واتصلت ببو نواف الله يرحمه وقلتله عن موضوعي هذا وهو يعرفه جيد ؟ قال بكرة الظهر اتصل بي من عندهم وعطني اكلم الشخص لعله يقدر اذا طلبته؟؟ قلت ابشر طال عمرك؟ ومن بكرة الظهر جلست عند الموظف واتصلت بطلال على جواله السعودي وكان صورته نايم قالي عطني عشر دقايق وبتصل بك وانتظرت عشر دقايق وجاني اتصال دولي من لندن 0044 ورديت ياهلا ابوانوف والله تعبتك معي قال لا عادي ولكن نايمين انا والعيال ام نواف ونواف وعبدالعزيز شربت قهوة قلت بصحح شوي عشان مايبين اني نايم فضحكت قلت الله يطول عمرك يالغالي قال عطني الموظف ؟؟؟؟ الحارثي طبعا الموظف يعرف طلال لان دايم تجي معاملات لناس بشفاعة طلال الله يرحمه ؟ المهم قلتله طلال الرشيد يبي يكلمك قام وتغير وجهه قال لالالالا وراح للمكتب الثاني ؟ كان في ثلاثة اشخاص جالسين ؟ المهم انا عصبت وتضايقت قلت يابو نواف هرب هذا الجبان ضحك قال خله يمكن يخاف من الاحراج لانه اذا كلمني اكيد يقدرني وينجزك قلت وانا معصب اليوم ابي العن و !!!!!! ليش يرفض مكالمتك مو على كيفه قال هد اعصابك يارافع انت مو تبي تخلص ابشر ولكن خلك هادي انا مالي سلطه عليهم هم يقدروني تقدير ؟؟ قلت كبير يابو نواف دايم هذا انت المهم قال خلك جالس بنفس المكان قلت طيب وبع عشرين دقيقه جاني ضابط يسأل وين رافع الشمري قلت هلا قال وينك رئيسنا بنفسه قال جيبو رافع فورا طبعا تبسمت وقلت لاخلا ياسلايل كحيلان اجريت نفوذك ياطلال المهم صعدت فوق وترحيب خاص وشاي وقهوة وتلفاز وماء صحه بارد كان الجو حار هذا كله لي وخلال اقل من نصف ساعه اوراقي جاهزه بيدي قلت شكرا ياخوي قال رئيسهم مره ثانيه تجيني مباشر مايحتاج الامير طلال يتصل بي حنا نقدر اي شخص له علاقه بطلال فشكرته كثير ؟ وبعد وفات طلال بسنه صارلي نفس الموضوع ورجيت الحارثي فرفض ورئيسهم انتقل وجا شخص ثاني وطلال مات فجلست نفس المكان اللي كلمني طلال فيه من لندن فبكيت م على شان موضوعي شاهد الله لكن على بكيت على الشهامه والفزعه اللي ماتت مع طلال الرشيد ؟وبكيت لانني حرمت من اغلا مخلوق على قلبي وانا جالس لا ادري بنفسي واتصلت على جوال طلال قلت بكذب نفسي واعطاني مغلق فبكيت اكثر؟ وقلت كم بيت لا اتذكرهم كامله لكن منها طلال انشدك وشفيه قلي ويش صاير ماترد واسمك حروف نجلها من مكتب لمكتب وانا دايخ وطاير لين مليت المكاتب كلها وانت معودني اليا صرت حاير السيوف اليا انتخيت تسلها ؟؟ اللهم ارحم طلال واسكنه فسيح جناته اللهم ربي اجزه عنا كل خير ولاتحرمنا من شوفته بالجنه ربي انني فقدت طلال فرحل اليك وانت خير مجير اكرمه احسن تكريم لانه كان يكرم عبادك وانا من الشاهدين |
موقف أبكاني وخالقي !
الأمير طلال شخص لن يتكرر أبداً ! تُقف الكلمات عاجزه عند ذكر الأمير طلال !! ولكن لن نعجز عن أصدق دعواتنا له بَ الرحمه و المغفره اللهم أرحم طلال أبن الرشيد و أسكنه فسيح جناتك و أجمعنا معه في جنات النعيم يَ رب العالمين ... الشاعر القدير : رافع الشمري يعطيك ربي العافيه على ذكر الموقف والله يصبر قلبك و قلوب محبي الأمير طلال لَ فقده !! و ما زلنا ننتظر مواقف أخرى لا عدمناك يَ رب كل الشكر لَ سموك http://www.htoof.com/vb/images/smilies/154.gif .. |
اللهم اغفرله واسكنه فسيح جناااانك
طلال الرشيد نادر ناادر والله يعلم اش كثر اغليه وابكيه الين اليوم وماسجلت هنا في هالمنتدى الشامخ الا من حب طلال الرشيد الله يجمعنا به واموات المسلمين في الفردوس الاعلى من الجنه عزيزي رافع الله يطول بعمرك ويجزاك بالخير على سرد هذا الموقف |
الله يرحمه ويغفرله ويسكنه الجنه يارب
شاعرنا رافع الشمري الله يعطيك الف عافيه على ذكر هالموقف . |
الله يرحمه ويجزاك خير ويعطيك العافيه |
الله يرحمه ويغفر له......أكثر شي بكاني بهالموقف يوم تقول أتصل على جواله ومايرد صج بهالمواقف تحس إن الموت وفراق الحبايب صعب
|
الله اكبر
قصة مؤثرة وموقفك مع الإتصال بجوال الأمير ابكاني يعطيك الف عافية على القصة والله يرحم طلال ويسكنه فسيح جناته.. |
|
اللهم أرحم طلال أبن الرشيد و أسكنه فسيح جناتك و أجمعنا معه في جنات النعيم
يطول عمرك رافع الشمري |
يالله يارب تجمعنا بجناتك وترجمه وتغفر له
مشكور اخوي على طرحك والله يصبرنا على فرقاه |
الله يغفر له ويرحمه و ويجعله بجناة الفردوس ووالدينا
يعطيك العافيه اخوي رافع ويصبر قلبك وقلب محبينه |
| الساعة الآن 08:57 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010