أبــنــصـــحك يــاذيـــــب
 

جبت لكم هالجديد والحصري خالص التقدير للجميع





[poem=font="trebuchet ms,6,,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
ياذيب ياللي عالي الجال ترقا=قبل شروق الشمس ترقاه وتويق
الجو صافي والسماء فوق زرقا=والارض من تحتك سهول وطواريق
بالصيف عن حر الملاهيب نرقا=ضلن تحت هاك الصخور المدانيق
ولك بالشتاء عاليه مزبن وشرقا=يداعبك ضو الضحى بالتشاريق
مانته مثلي تايهن وسط برقا=في مهمهن جوه عجاج وتواهيق
لوا هنيك فيك الاشواق غرقا=ماولعت جمره غضاء بالمعاليق
وانا بصدري نار الاشواق حرقا=يذراء رماد الشوق بعد التحاريق
يطرق فوادي كايد الهم طرقا=واجمع شتاته بالضلوع المغاليق
ياذيب يدرقبي له سنين درقا=جور الزمان اللي فعوله مداريق
يسرق نعاسي لاقبل الليل سرقا=والموق عبراته تهل المطاليق
تعبت اشيل الحمل..اميل وارقا=معاد بي حيل على الهم والضيق
يبست غصونٍ بأول العمر ورقا=واليوم ذاوي مابقابه تزاريق
ليت الزمان يعود من عقب فرقا=واقطف ثمر ذيك الغصون المواريق
وأبنصحك ياذيب..لاعاد.. ترقا=عفون خلق الله..بذبحك مسابيق
[/poem]
قـــــيـــــس

يألله مأروعك ياقيس
يطربني قلمك ايها العملاق
بذمتي انها شيخه قصيدتك هذه
وبذمتي انك شاعر تعجز كل الكلمات عن وصفك
ولكن لدي سؤال ولك الحق تجيب ام ترفض

هل قيس اسمك الحقيقي ؟

ولك وافر تقديري وأعجابي ايها العملاق

الاخ الغالي
قيس
قصيده رااائعه جدا سلمت وسلم منطوقك ولاهنت

قصيده رائعه
صح لسانك قيس
تحيتي لك

هلا وغلا بشاعرنا القدير محمد اديهم
لاخلا ولا عدم هالردود
واعطيتني اكبر من حجمي
رفع الله قدرك وافتخر بذالك
منك
نعم انا حسيني من حسين المجلا من شمر
اسم قيس لقب لي ونشرت قصايدي فيه
وللي ظروفي الخاصه بعدم البوح الان
اما لقب شيخه القصيد افتخر بها منكم
واعتبره وسام فخر على صدري
هذا والله يحفظك ويرعاك
استاذي الفاضل
تقديري لك

صح لسااانك واعتلى شااانك
ابيات جزله ورائعه ابدعت

؛

رائع ياقيس سأبقى متابع لأبداعك

قصيده جميله بحق حقاً انا لم اقراء بمستواها من زمان صح السانك

شاعر كبيربحق

عزالله انك
ذيب وعلى كل المراقيب ترقا
صح لسانك ملايين
وعلا شانك
ولاهنت
تقديري لك واحترامي

ماشاء الله تبارك الله عيني عليك باردة
والنعم فيك وبشمر كافة ولاتهون باقي القبايل الاخرى
وصح لسانك على هالامتاع الذي تتحفنا به بين الفينة والاخرى
وصباحك /مساءك شعر

[quote=برق البروق;1384200]الاخ الغالي
قيس
قصيده رااائعه جدا سلمت وسلم منطوقك ولاهنت[/quote
هلا برق البروق
من روعه مردك الجميل
سالم وغانم
ولاتهون شاعرنا
تقديري لك

صح بدنك
همس الجنوب
من روعه ردودك
سلمتي اختي
تقديري لكي

اختي الغاليه
حــــــــــــلا
صح بدنك
حتى الرضاء
تقديري لكي
اختي الفاضله

اللجــــــــاوي
من روعه ردك
وللي الفخر بذالك
تقديري لك

الله يا قيس ماشاء الله والله اطربتني واستوقفتني مع معلقتك
شيء خيالي صح لسانك وادام الله عزك
اخوك امير

شاعرنا الغالي
صح بدنك ويكفي اعجابك
وشهاده اعتز بها
تقديري لك

شاعرنا عقااااب النهاااار
ماعليك زود
يالغالي
صح بدنك ساااالم وغااااانم
مرورك اسعدني جعلك بسعاده لاتنتهي
تقديري لك

انفاااااس الرحيل
ماعليك زود
وصح بدنك
لاخلا ولا عدم ردك
وجعل ايامك ولياليك سعاده
تقديري لكي اختي الغااااليه

قافيه الاثر
مرورك اسعدني
اختي الغاليه
وتعليقك جميل
من جمال روحك
تقديري لكي

امير السعوديه
صح بدنك لاعدم هالحظور
المشرق
واعتز بردك الجميل
تقديري لك

اطربتنا بروائعك الجميله

صح لسانك شاعرنا القدير بطرحك وبوحك الجميل


http://www.amiraa.com/bsh/uploads/im...1995d872bb.gif

عطر الورد
صح بدنك
لاخلا هالحظور المشرق
نور المتصفح بوجودك
تقديري لكي عطر الورد

حمدان السليمان
شاعرنا الغالي
صح بدنك يكفي ردك
المشرق لاخلا ولا عدم هالحظور
تقديري لك