بسبب قصيدتي =مع السلامه ياعيال الطنايا= لقبوني بـ (الشمريه المجهوله )
 

[poem=font="simplified arabic,5,teal,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"

مـع السلامـه يعيـال الطنايـا=يلي على ديار البعيـدة تشيلـون
قفو ضنى الجربان نسـل الشفايـا=وشمر هل الطولات معهم يروحون
اقفو ابعاد الصيت رجـال المنايـا=للبصرة الفيحأ وشطـه يعبـرون
ليه تتركون الاهل من اجل غايـا=والبعد قطـاع المنافيـع تـدرون
ومن بعدكم ادموع عينـي سقايـا=واغدي يلين الوقت وبعده تحنـون
وتمت خليه الـدار بليـا وصايـا=صارت بخت منهم عليها يـدورون
وتبكي الجزيرة تقول شالو ضنايـا=عافوني البدوان ولاضنـي ياتـون
اعطوني بأرخص سعر بليا رضايـا=اول شروني بدم وصارو يبيعـون
ولأاغبرت دنيـاي شمـر ذرايـا=شمر مع الشـدات ليـا يجيفـون
غلبأ ليوث الارض اهـل العطايـا=بالروح عن دار المعـزه تجـودون
وشمر على العدوان سيوفه حنايـا=اللي به الهامات عن المتن يرمـون
وشمر زها دنيـاي وشمـر رجايـا=يانخوتي بالضيـق دايـم تحضـرون
وظلت خليه ابلاد وكـل القرايـا=بيت(ن) بثر بيت(ن) عنه يشيلـون
قامت تباكـا عجزنـا والصبايـا=ع اللي رحلو ياهيه ولاضن يعودون
ومصادفين الخير مـن دون سايـا=بجاه الذي له الخلايـق يصلـون
لـابو ظبي و دبي ربعـي سعايـا=اطلب لهم توفيق من راعي الكـون [/poem]

[align=center]
وســـــــــــــــــــــــلامتكم
بقلم الشمــريه المجهــوله
اول قصيدة نشرتها لي عند رحيل شمر على الامارات[/align]
[align=center].................................................. .................................................. ....
رد لـلـشـاعـر فــــواز مـجـبــل الـزوبـعــي على قصيدة مع السلامه يعيال الطنايا[/align][poem=font="simplified arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black"]
الله يحيـي حاميليـن الوصـايـا=هلابهم وسلامنـا للـي يوصـون
وجيب القلم وكتاب واكتـب ورايـا=سلام للي يالقصيـده يحضـروون
وارسل لابو محمد كثيـر التحايـا=اكلش اليا من قال افرح ترى تهون
( خطر ) شكت لفراق جمع الطنايـا=وترك الجزيره وناسها الي يروحون
لايا(خطر) تبقى الجزيـره طنايـا=وان راح بعضه بعضة الاخر يسدون
لايا(خطر) يامـا وردنـا المنايـا=وشلون يعطونه وبالـدم يشـروون
حنـا تعودنـا نكـون الضحـايـا=في كل دار مالنـا شـي مضمـون
الوقـت شتتنـا بـكـل الـزوايـا=ناس بشمال الشام وناس بهـا دون
صرنـا بوسـط ديارنـا كالسبايـا=من بعد ماكنا لفـا للـي ضيعـون
وقبلك (خطر)ياما فقدنا غلاياوكل يوم ندعي ربنا بـس يـردون
شـدو ركايبهـم وركبـو المطايـا=ونـوو ديـار لاقبلولـه يهلـوون
ملـو مـن القعـده وملـو رجايـا=ملو وفا ملـو جفـا ملـو ذعـون
ياما عطو هالـدار جـزل العطايـا=وشو لقو ياكـود نكـران وطعـون
قلته وانـا شايـل همـوم معايـا=همي وهم غيري وانا همي بـدون
حنا البدون الصمـت فينـا مزايـا=نموت جوع ونقول بكـرى يحنـون
يـادار والله هالصبـر لـه نهايـا=والجوع يقلب صايب الراي مجنون
وياما عشانك ناس راحـو ضحايـا=واليـوم بوريقـه علينـا تمنـون
مدري اجاري شكاك وانسى شكايـا=والا اشتكي هم على القلب مغبـون
قلتـه وهمـي ساكنـن بالحنايـا=ونسيت وصاة الي لفونا يوصـون
وارجو السموحه كان فيها خطايـا=وراغ الجواب واختلط رد بشجـون [/poem]
[align=center]وســلامتكم وصح لسان الأخ مجبل الزوبعي [/align]
.................................................. .................................................. .....
[align=center]
رد للشاعر الشيخ محمد الفرحان الجربا [/align]
[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله يلي عالم ٍ بالخفايا= يامن خلقت الكون بالكاف والنون
البارحه سهران عيوني شقايا= وتيار صبري بالهواجيس مشحون
النار في قلبي جمره قضايا = كن الحشا بمصقل الهند مطعون
ع الشمريه يوم تبكي الطنايا= وعلى الجزيره يوم عنه يشيلون
قولك ترى يابنت عكر سمايا= وهيض شعور ٍ داخل القلب مكنون
هلا هلابك عد رمل البرايا= واعداد ماناس ٍ على الارض يمشون
لاتذرفين الدمع منتن سبايا = حنا ذراكن والذي خالق الكون
لعيونكن يردون حياض المنايا= ولو المدافع دونهم مايهابون
وتكتب لك الشعار كله معايا=امجاد وحميه عند قولك يحيون
كفي دموعك لايصيرن سقايا= شمرغزو يابنت راحوا يفودون
وشمر على العدوان تمطر شظايا= وشمر جبال ٍ بالعصيبات يرسون
حريبنا نسقيه مر السقايا= الشمري يابنت بحساب مليون
قوم ٍ بثر قوم ٍ راحت عرايا= من ضرب شمر يوم عليه يتناخون
ويشهد لنا التاريخ ماهي حكايا= كل الخلايق من لقانا يعرفون
وشمر شبيه سهيل ماهم خفايا= اسم ٍ لمع مندور طه وهارون
وتطمني لأ .. مانعوف القرايا= ولانتركه للي عليها يدورون
وعلى الجزيره مانقبل وصايا = ام ٍ لـ شمر عنها مايتبرون
وديارنا يابنت ماهي هبايا= عنده رجال ٍ ع الموت يمشون
مفدامنا زيزوم نسل الشفايا = محسن صليب الرآي للضد طاعون
الذيب الأحمر مايهاب المنايا= موج البحر لاهاج عنه يزولون
الله عسايحميه من كل سايا= بجاه الذي له الخلايق يصلون[/poem]
وســـلامتكم وصح لسان الأخ الشيخ محمد الفرحان الجربا
.................................................. ..................................
[align=center]رد الشاعر فهيد الشمري على قصيدة مع السلامه يعيال الطنايا[/align]
[poem=font="simplified arabic,5,firebrick,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
القلب هاض وهاض شعري معايا= وانا الذي في بدع الاشعار مفتون
يوم القلم والقاف يسمع ندايا= لي عادتن اكتب من الشعر موزون
يابنت ماراحوا عيال الطنايا= غيباتهم مثل البدر مايغيبون
راحوا يبون الفود مابه خطايا= لدرب المعيشه يوم راحوا يعبرون
راحوا على بيض النقا موردايا= وان كان ماقسمها ربي يعودون
هذا زمان ٍ فيه كثر البلايا= الذيب الأحمر فيه يابنت مسجون
شمرهل الطولات واهل العطايا= شمرهل الردات لاصاربه كون
كم خفرتن تصرخ وتنعي نعايا= على حليله بيدهم راح مطعون
ونفوسهم يابنت ماهي دنايا= كل القبايل عارف وعنه يدرون
وانتي اصيله من رجال ٍ قوايا= لاعدوا الطيبين لازم تعدون
بنت الأصيل اللي علومه نقايا= بوسط المجالس دايم ٍ له يطرون
الله يوفق ربعنا بالسعايا= بجاه الذي له الناس يدعون
وصلاة ربي عد وابل سمايا= على النبي واعداد ماغرد لحون[/poem]
[align=center]وسـلامتكم وصح لسان الشاعر فهيد الشمري[/align]
.................................................. ...................
[align=center]وصلتنا على المنتدى هذه الرساله من الشاعر القدير
علي الضيف ابو وصايف
رداً على قصيدة الآديبة الشاعرة / الشمريـة
علماً بأن القصيدة قديمة قمت بإرسالها إلى الأخت الشمرية
ولا أعلم هل هي وصلتها أم لا وعندما وجدت قصيدتك والردود الموجودة
عليها احببت أن أضيف هذا الرد لها وهناك رد للشاعر عباس الربع
على نفس القصيدة ساقول بالبحث عنه ، وإذا وجدت القصيده سأقوم بإرسالها .
مع خالص إحترامي وتقديري لشخصك[/align]
[poem=font="simplified arabic,4,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خطـ (ن) لفانـا من خطر بالقــــرايـا = تشكي وتبكي لابتـه يوم يمشون
تنخـى تصيح اليوم محد(ن) معـايـا =وتجاهلت شجعان بالدار يرســـون
تقـــول تبكــي عجزنــا والصبـــايـا = ماكن بالديرة سوى اللي يغيبــون
وياراكب(ن) من فوق زين الحــلايـا = جيب جديد مجهزينه على الهـون
عليــــه قــــرم ينتخـي بالطنــــايـا = من لابتي لطامت الضـد بالكــــون
يمشي الغروب ولا التفت بالمرايـا =هيمـان في حـب القرايـا ومجنـون
عـــاف ...؟... وأمـرهــا والـدعـــايـا = قرر وعـزم دون ربعـي فـلا أكــون
وياخـذ كتابــي في يميــن العطايـا =بأم الكرم يوصل كتابــي وممنـون
ويعطيـه لإقـرب واحد(ن) بالقـرايـا = ورداً علــى ردي لــــزوم يـــردون
تــرى الإديبــة مخطـيـة بالـرمـايـا = الـدار فيهــا رجـالهــا مايـروحـــون
فيها الشيوخ أهل الكرم والعطايـا = وعيـال شمــر لرضهـم مايبيعـــون
بادم خذينــا دارنـــا مـــي هـدايـا =وكم فارس من شأنها صار مدفـون
شمــر خـذوها يــوم دور الحنــايـا = وعيـالهـم درعـ(ن) لـهـا مايهابــون
هــذي جـزيرتنــا نجيهــا ســـرايـا = عند اللزوم ونضهـد الضـد بطعــون
واللي مشــوا يبغـون زود المزايـا =غزو(ن) يجيبـون الفـوايـد ويأتـــون
شجعـان ماينســون دار البــــدايـا = بدبي هوسـات الجزيرة يعرضـــون
وأرجو السموحة وأختمه بالتحايـا = للي مشـوا واللي بقوبه يحامـــون
وصـلاة ربي عـد نجـم بسمــــايـا = على النبي إعداد خـلق يصلـــــون[/poem]
[align=center]صح لسان شاعرنا القدير علي الضيف ابو وصايف[/align]
.................................................. .................................................. ....
[align=center]
هذه القصيده للشاعر / عباس نواف الربع الشمري ردا على قصيدة الأخت / الشمرية [/align]
[poem=font="simplified arabic,5,teal,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ثارت براكين الهواجــــي مــــــــــلايا = بالشعر وشعور الاحاسيــس يملون
ونة ( خطر) خلت جروحي دمـــــــــــايا = يالله تعينه يالوالي خالق الكــــــون
تفرج لمن ضاقت عليه الــــــخــــلايا = عقب الوناسة والفرح صار محزون
يــبـكـي عـلى ربــعــه ولابــــه زرايا = وقبله من الفرقا المشاهير يبكـــــون
يابنت لايهضمك فراق الغـــــــــــلايا = مادامهم حيين لابـــد يــأ تــــــــون
وطول الدهر ما يقلب الدم مـــــــــايا = والبعد ما يقطع وصل من يريـدون
يابنت شمر يا (خطر) لك فـــــــــــــدايا = الروح مع مانمتلك لك يهـــونــــون
شمر هلك مثل السيف اللضــــــــــايا = ياسعدمنهم باللقـــا لــه يـعــيـنـــون
ياثارت الهيجا وحـــل البــــــــــــلايا = للرحمة اللي تنذكر مايعـرفـــــــون
فوق الرمك يردون حوض المنـــــايا = وراس المعادي ينتزع تقل كرتـون
لولا الزهد ماسميو بالـــطنـــــــــــايا = ميقبلون العيشة اللي بـهـــا هــــون
أفعالهم ماتنجمع بالحصـــــــــــــــايـا = وشعاد لو بالكتب قامـــوا يعـــدون
يابنت حنا لك اســـنــــــــــــاد وذرايا = كنك بعيطا لاتــقـولـيـن باعــــــون
شمر بلا تخصيص اهل الحمـــــــايـا = بفعالهم يـابـنـت عـمــى فخــورون
من حد سنجار الجزيرة وجــــــــــايـا = لرفحاء وحايل والحفر حـدهـا دون
وكل القبايل بها خيار وسمـــــــــــايـا = والــكل منـهم دون حــقــه يــعيـون
وارجو السموحة عن قصور وخطايا = اذا حـصـل بـالـقـاف مني تعـذرون
وصلوا على المختار سيد البـــــــرايا = شفيــيعـنا في ساعة مــابـــها عون[/poem]
[align=center]الشاعر/ عباس نواف الربــع الشمري
وصح لسان شاعرنا القدير
الأخ عباس نواف الربع الشمري[/align]

هلا باشعر وهله
اختي الغاليه الشمريه
صح لساااانك ملاييييييييييييييين
وصح لسااان الشعااار البارزين
جميعهم بدون استثنا
وصح لساااانك مره ثانيه وثالثه مدد بلا عدد
ويكفي نقلك لردودهم امتعنا باشراق قصيدتك
تقديري لكي اختي الغاااليه

الشمريه المجهوله
واسميك الشمريه المبدعه
يطول عمرك على كل نقلك وعلى بوحك واشعارك
ربي يوفقك اختي واهنيك على ابداعك
واهني الشعر فيك

اخوك الساري

صباحي اليوم غييييييييييييييييير بمعانقة
هذا المتصفح المشرق بهذه الدرر
صح لسانك ولسان الشعار جميعا
وسعداء بعودتك مجددا لساحة بعد حيي الادبية
واصلي ياجعلنا مانفقدك
وصباحك عسل..

عشت مع كل سطر كتبتيه شاعرتنا
وكل شطر نقلتيه ووالله مافيه
غالي على قلبي اكثر من غلا خوالي شمر
اهل الطيب والكرم والشجاعه

سلمت يمينك لاعدمناك

تحياتي ......

هلآ بك شآعرتنآ الغآليه
وسلمتِ لهذه الروآئع البآذخه والشآمخه
صح لسآنك ولسآن جميع الشعرآء
امتعتينآ يآ غآليه
لآهنتي ,,,

صح لسانك اختي الغاليه

لا خلا ولاعدم
تسلمين

تسلمين أخيتي الشمرية
على هذاالإبداع
صح لسانك
شكراً لك ودمت بخير

الجهل بمن يكون يجهل
الشمريه المجهوله
شاعره فرضت نفسها شعرا وخلقا وابداع
ومن قصيده باسقه لها
تسلسلت جميع الشعراء بالرد
بين الابداع والحميا
صح لسانك ملايين
ولسان جميع من ابدعوا بالرد عليك
تقديري لك واحترامي

قافية الاثر

بدر السنعوسي

مبدعه صح السانك على ما قلتيه وما نقلتيه من معاني شامخه وفقك الله