ليش تظلم وربي مايحب الظليمه
 

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

ليش تظلم وربي مايحب الظليمه=يومي تطعن خفوقي بالعيون الوساعي
كنت احسب النوايا في غرامك سليمه=لين صارت حروبك بالاذاعه تذاعي
قبل حربك تراني عارفن بالهزيمه=وقبل شوف القذايف بالسماء له شعاعي
ويل قلبن عشيره بالمعارك خصيمه=كيف يرمي وقلبه مع حسين الطباعي
ان تقدم حبيبه وان تأخر غريمه=وكل رجلن تصيده لالويت الذراعي
قلت ادافع وقلتي راح تاخذ قسيمه=وقبل جدع البنادق صار ذبحك جماعي
صار قلبي ضعيفن في عيونك تضيمه=ولو وقع من سلاحك مالقى اليوم ناعي
وشلت قلبي وروحي في رموشك غنيمه=وباقي الجسم طعمن للحداء والضباعي
ان سجنتي اسيرك من يراعي حريمه=او يراعي صغيرن في سنين الرضاعي
قال هذي سلومن بالمعارك قديمه=ولو بغيت السلامه بالهوى ماتطاعي
كنت احسب العذارى في هواها رحيمه=لين جانا هبوبك بالغضب والمداعي
لين صبتي خفوقي يالغلا في صميمه=وشفت قلبي رخيصن بالمبيعه يباعي
ياعنودن كلامه ساطي(ن) في كليمه=والغنج في عيونه قبل سن الرباعي
وسط روضن سحابه يجفله في هزيمه=كان لجلج رعدها ضاع قلب الرعاعي
ضاح برقه تلالا يختفق وسط غيمه=يسعد اللي دبشهم تالي القيظ جاعي
في ربيعن تجدد مع توالي هشيمه=نوب ترعى طمان ونوب ترعى الرفاعي
لاتسوق الضماير في دروب الهضيمه= الهضايم تحطن في دروب الضياعي
خل قلب الهواوي يهتني في نعيمه=ان كشفتي لعينه لثمتك والقناعي
صار عودي نحيلن في بداية صريمه=من غرامن لهيبه واصلن للنخاعي
ليش تذبح عشيرن ماعمل بك جريمه=يوم تفدع بقلبه في فراقك فداعي
لاتطيع بغرامي من مشى بالنميمه=هرجهم بالحبايب مضربه بالكراعي
هم سبب نار قلبي لاتلاسن جحيمه=يبعدون الحبايب عن دروب السناعي
حالتي عقب عينك خالقي هو عليمه=ولك سموحة خفوقي في نهار الوداعي [/poem]

قصيدة جميلة .. ونص رائع ..
صح لسانك ولا هنت ..


يعطيك العافية شاعرنا فواز الغسلان ..

دمت بحفظ الرحمن

[align=center]لاتسوق الضماير في دروب الهضيمه
وان لقيت الهضايم خافق القلب ضاعي

خل قلب الهواوي يهتني في نعيمه
ان كشفتي لعينه لثمتك والقناعي

صار عودي نحيلن في بداية صريمه
من غرامن لهيبه واصلن للنخاعي [/align]


[align=center]الله الله

عليــــــــك يـــالشيــــــخ فــــــواز

قصيـــــــده تطــــــــرب

صــــــــح لســـــــــانــــــــك واعتـــــــــلا شــــانــــك[/align]



[align=center]http://www.upload2world.com/pic22/up...orld_a0632.gif


دمـــــــــت شــــــــامـــــــــخ..[/align]

الشاعر المبددددع / فواز الغسلان
صح الله لسانك.. وشموخ يعتلي حروفكـ يالغالي
دمتـ وسلمتـ ..ولكـ وافر ودي
ولاعدمنا هالشوفة يالغلا

الكعبي

فواز الغسلان

صح لسانك وسلمت يمينك

شكرا لك

سلام عليك اخوي فواز
الغسلانـ صح لساااانكـ
ماننحرم منك

صح لسانك ولاهنت ولاهانت ابياتك
ابدعت وامتعت سطرت فأجدت قلت وسلمت كتبت فلا تعبت

تقبل تحياتي واحترامي




سبحان الله وبحمدهـ وسبحان الله العظيـــــــــــــــم

فواز الغسلان
صح لسانك كلمات غايه في الجمال والروعه
بانتظار جديدك الرائع
سهر

العزيزه موج البحر اشكر مرورك وتعليقك الغالي يالعزوه


تحياتي العطره الراوي00

الغاليه قايدة الخيل دائما تجذبني تعليقاتك الرائعه


واقتباسك من القصيده يدل على شاعريتك


تحياتي لك الراوي00

اجوديه هلا وغلا يالعزوه الله لايهينك على الحروف


الراقيه والغاليه الراوي00

الكعبي يالطربه يازينك ويازين تعليقاتك الحلوه


تحياتي الغاليه الراوي00

الحيران مشكور يالغالي لتعليقك الجميل


الراوي000

العزيزه اميرة الورد تشرفت بمرورك النبيل وتعليقك


الرائع على حروف قصيدتي يالعزوه


تحياتي العطره الراوي00

فواز الغسلان

صح الله لسانك شاعرنا المميز على هذه القصيده
ابياات لا يكتبها الا المبدعين شرواك
بحق قصيده رائعه وبصمة الإبداع لا تفارقهااا

لك من كل الاحترام و التقدير

اختك

وردة العين

[align=center]شــــــاعـــــــر الـــكـــــــلــمـــــــــه

ابو فهد

شاعرنا القدير


جزل حرفك و صخب شعرك الرائع مازال عنوان قوافيك

شاعر مبدع يكثف المعنى في قصيدة زاهية بالإبداع والتفرد


صح الله لسانك ملايين واعتلى شانك


دمت بخير لا ينتهي

اخووووك


سرحان[/align]

الاخت وردة العين مشكوره على حروفك الرائعه


تحياتي العطره والغاليه الراوي00

سمي الذيب الاشهب الغالي والمحبوب سرحانوووه


تحياتي لروحك الغاليه الراوي00

قبل حربك تراني عارفن بالهزيمه وقبل شوف القذايف بالسما له شعاعي

اشكر مرورك وتعليقك النبيل00

الراوي00

وكل رجلن تصيده لالويت الذراعي


حكيم يابوفهد

تسلم ويسلم نضمك