,, صدى صوتي ,,
 

[poem=font="simplified arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
<u> تحيه من االقلب لكل متابع<u>



<u>يهون الامر دام اللي وراه من الظنون صعيب=ولا ينزل وحل من شد حيله وارقب المرقاب<u>
<u>لقيت الوضع كله فوضوي في ذمة الترتيب=ولا داعي على شان الهقاوي نحرق الاعصاب<u>
<u>معاذ الله ما ناش الخفوق احساس شك وريب=وانا فيني ثبات اللي مرازه للوطاة اطناب<u>
<u>رفعت الهجس ما ناديت من شان المصد يجيب=لآني ما مشيت بدرب يحمل دفتين وباب<u>
<u>زعمت ان الاجابه من صدى صوتي وقلب الذيب=على مبداي ابعثر با الحروف واجمعه بكتاب<u>
<u>وانا بحدود زعمي ما وصلت حدود فري الجيب=ولا دورت كلمه صدق وحده من فم الكذاب<u>
<u>قبلت الوواقع الملموس والباقي بعلم الغيب=ولا حطيت مابيني وما بين الشعاع حجاب<u>
<u>يمر الموج بجنوب السفينه والمصيب مصيب=وانا دامي على متن السفينه ما حسبت حساب<u>
<u>واذا يعطيني الصاحب عطيته والخديعه عيب=على راي المثل وحده بوحده والقلوب اصحاب<u>



<u> وسلامة من تابع<u>
[/poem]

الشاعر القدير

(( الرمالي ))

صح لسانك وبيض الله وجهك ولا هنت

قصيدة رائعة بمشاعرها ومعانيها

احترامي وتقديري 00000

صـح لـسـانـكـ . . قصيده رائعه . .

آحـتـرامـي لـكـ . .

صح لسآنك

بيض آلله وجهك

يسلموو خيوو

صح لسآنك

بيض آلله وجهك
موفق بإذن الله ... لك مني أجمل تحية .

ابدعت صح الله لسانك
وفكرك والله يعز شانك

رايع يسلم قلبك ونبضك يالشاعر
لاتحرمنا الجديد

ابدااع وفن
وبوح راقي

كل التحيات لشخصك

يسعد مساك
عشت والله كفو صح فكرك وعقلك
ولا هنت على عزفك

الله عليك يامرزوق الرمالي

في كل مره تبهرنا بروعة الحروف
ونسيج جديد من عذوبه فائقة الابداع
والاحساس المتدفق الرائع
شاعر يكتب بإحساس فريد
وفنان في إنتقاء الجمال مابين السطور
مبهر في الهطول الفكري والأدبي والتلاعب بالحروف
والمفردات يارائع
قرأت فا أرتويت شعر راقني كثير وانا من أشد المعجبين بشعرك

وسلاسة حروفك وإبهار معانيك وعذوبتك ياراقي
نتمنى أن يتكرر العطاء فا انت صورة جميله للشعر الحقيقي

صح بوحك وصح فكرك ونبضك
لاتحرمنا
جديدك

صح لسانك حتى الرضى
قصيده قارعت الابداع وعانقت السماء
لاهنت اخوي ولاهان حرفك السخي