((ديوان الشاعر مرزوق الرمالي))
 

# الكوكب الارضي #
 

[poem=font=",6,,normal,normal" bkcolor="transparent" bkimage="http://www.b3b7.com/vb/mwaextraedit2/backgrounds/7.gif" border="none,4," type=1 line=0 align=center use=ex num="0,black""]

من خاطر يهوا البيوت المحاميل=وليا عطا با القاف يعطي ثمينه

روز الجبال الصم راي المهابيل=والعلم يلقون النشاما دفينه

زاد الكلام وقل يلقى التحاليل=والادمي ينضح با الاحرف كنينه

ودا خبر وان جاب عند الرجاجيل=راع الحيا لابد ينضح جبينه

قلته وانا شاعر واحب المداخيل=واحب قيل يحتوي سامعينه

حنا على الكوكب مع الحط والشيل=الكوكب الي كلنا معتلينه

الكوكب الارضي عليه المداهيل=فيه الحياة ولا شكا ساكنينه

ترقب عليه الشمس والجدي وسهيل=وحمل اثنين انتاج نار وطينه

عليه ثقل ما تكيله مكاييل=والله على ثقل الرواسي معينه

وعليه ثورات العواصف مقابيل=وعليه من عقب العواصف سكينه

وملوحة الامواج واعذوبة النيل=والكل منها مقنع شاربينه

على بساط ارضه نتاج ومحاصيل=وهواه مع نبض الحياة اكسجينه

هبط عليه الوحي والطير ابابيل=والامر الله والامر طايعينه

واطهر بقاعه ما يبي له تفاصيل=مكه وارضه والحرم والمدينه

وحنا نساير وقتنا الصبح والليل=وتجري على سطوح البحور السفينه

بين الفرح نجري وبين البهاذيل=الي يسار الكون والي يمينه

وربعي على الكوكب رجال مشاكيل=شمر لباس المرجله لابسينه

على المعزه شاربين الفناجيل=وبيمانهم لاهل الوفا سايقينه

كبار الصحون ورايقين التعاليل=وساع الطعون ومجدهم محتمينه

سادو على الكوكب بعاد المداهيل=مدهالهم بين البشر سايدينه

شمر هل النخوه وشرابة الهيل=با السيف الاملح صيتهم كاسبينه

شمر هل الرده وركابت الخيل=ريف الضعافي والخوي ملحقينه[/poem]

http://www.b3b7.com/vb/showthread.php?t=42384

** رسمتك با الخيال **
 

[poem=font=",5,black,normal,normal" bkcolor="transparent" bkimage="http://www.b3b7.com/vb/mwaextraedit2/backgrounds/12.gif" border="none,4," type=1 line=0 align=center use=ex num="0,black""]

حبيبي ما علي من هرجت العذال ذاك وذاك=علي من الكلام الي تقوله انت من يمي

ترا قلبي وروحي والمشاعر كلها تفداك=غلاك الي دخل وسط الثلاث وصار في دمي

مكانتك الرفيعه بالمحبه زودت مشراك=تشب النار با الاحساس وتطفيه وتحمي

رسمتك با الخيال وكل ساعه با الخيال القاك=اطالع صورتك واحتار بين الكيف والكمي

زرعت الود بالاحساس تعطي والخفوق اعطاك=عطاك الود مثله ما عطا خالي ولا عمي

وعدتك با الوصال ولا تجاهلت الوعد وياك=وعدتك باهتمامي واعترف لك يا كبر همي

قمر خمسة عشر لاجيت في منطحك ومحياك=جمال الكون كنه فيك يا الفتان ملتمي

جمالك يلفت الانظار ربي واعسى يحماك=عليك اخشى العيون من الحسد واذكرك واسمي

خفيف الدم همي بين كل العاشقين ارضاك=رضاك بخاطري ما ضاع بين الجم واليمي

حبيبي ماعلي من هرجت العذال ذاك وذاك=علي من الكلام الي تقوله انت من يمي[/poem]

http://www.b3b7.com/vb/showthread.php?t=42453

الرد على تركي الميزاني
 

هذا هو الرد على تركي الميزاني عندم هاجم حاتم الطائي

[poem=font="arial,6,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

كريـم ياقاف(ن)خذتـه البـروده=وعلى صفا سلمى تحطّـم معانيـه

قدام اجا غصب يتبخـر صمـوده=ويصبح سراب(ن)بأوله لين تاليـه

اصغر من اللي عن سمانا يـذوده=يقفـي وذعـذاع الشمـال متقفّيـه

ماينثني لأطمـاع نفس(ن)حقـوده=ياصار راعيها الخطا من مباديـه

نفسه عن الكايد عزوم(ن)شـروده=والا على الذمـه كبار(ن)هقاويـه

حايل غنيه عن نفوس(ن)جحـوده=وتركي يبي سب الاجاويـد يغنيـه

سيرة سجاح اليوم منـه معيـوده=متفرش(ن)نهجه ونهجـه مغطيـه

لو كان مسلم ماسجد مع سجـوده=فرض الصلاة اللي نصلي يصليـه

شرهاتنا بالطيـب نثبـت بنـوده=والا الردي ماله علينـا مشاريـه

وتركي عطا الله قام يشعب قعـوده=يبي كرم حاتـم يشيلـه ويمحيـه

اكرم رجل يوم الحبـال معقـوده=واطلق شنب يجري كرم مايجاريه

تركي جحد والا النبي جاب جوده=تركي طعن والمصطفى اللي مزكيه

يمكن يشيل جبال حايـل لسـوده=وطويق للصمان يرسـي مراسيـه

دامه لحاتـم طـي جنّـد جنـوده=ويمكن فرس حاتم هو اللي مذكيـه

دام الكلام بـلاش يبـذل جهـوده=شاعر وطن يالله عسا الله يخليـه

شاعر وطن يبغى المشاعر يسوده=وعلى حساب الغير يبنـي مبانيـه

نعم(ن)بحكام الجزيـره واسـوده=حكام تاخذ حـق وافـي وتعطيـه

حكـام عـدّو للمعالـي سـنـوده=والكل منهم مانـزل عـن معاليـه

الهـرج ياجاهـم تقيّـد قـيـوده=يطيب هرج الطيب بلسان راعيـه

ال سعود احـرار جـو مهـدوده=وسلطـان منهـم ماتـردا مداليـه

والسرد مايغني رجال(ن)سـروده=لو ماانسرد يعجبه سـرده بشافيـه[/poem]
http://www.b3b7.com/vb/showthread.php?t=43100

^^ الولــــــــــع ^^
 

[poem=font="arial,6,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

ماهو بنا اللي نازل(ن)منزاله=يامن على متن الفضا منزالك

الا بقي كل الشموخ ابقاله=والا بقيت مع الشموخ ابقالك

تدري من اللي با الخيال اقراله=اقرا حروفك انت ايه اقرالك

ماقلت غيرك با الغرام احياله=اموت من موت الغلا واحيالك

روحي تعاند وارسمك وامحاله=والروح من كثر الوله تمحالك

زدت المكيل وزاد في مكياله=وفوق البسيطه راجح(ن) مكيالك

ولعتني والموت شفت حباله=واثري حبال الموت مثل حبالك

كن الحلا عمه وابوه وخاله=يا فاتني عمك وابوك وخالك

العشق لجلك شارب(ن)فنجاله=ومقدر(ن)في خاطري فنجالك

الهجس لك مني تشد رحاله=ياصلك في حلك وفي ترحالك

والحس ما غيرك بشر سواله=الا انت مشروع الولع سوالك[/poem]


http://www.b3b7.com/vb/showthread.php?t=43075

** معلق بسلسال**
 

[poem=font="simplified arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] مدري سعادة روح والا شقا بال=يوم التفت بين الشقى والسعاده

ردت بي الخطوه وانا اقول ماقال=اللي وطا الجمر الدفين بهواده

زاد الشقا, قل الشقا , راح ,ما زال=ماهمني دام الرصيد الجلاده

ودتني الرغبه وقابلت الاهوال=ولا خضع راسي لغير العباده

لو طق راسي جال واقبل على جال=يبقى شموخي زرع واحصد حصاده

وقفت وانواع العواصف با الاحوال=اعاند احساسي وازيد بعناده

الموت قدامي مظلات وانزال=ليل(ن)على ثغر النهار بسواده

الغيم غطا الجو,ماهل همال=حتى سموم الوقت غطا براده

عسى الحيا ينزع ويبعد با الامحال=واخذ من انسام الورود الآفاده

شدتني اللحظه وانا اقول موال=يرجع صدا صوتي علي ارتداده

انا هوا روحي معلق بسلسال=ينوش روس ويرتطم با القلاده

ينوش روس وتردعه حبت الخال=ويرجع على وسط العذاب وهجاده

ويلامس اطراف النوازل ويجتال=حتى العوازل يلمسه والوساده

هذي هي القصه من الدال للدال=مدري سعادة روح والا قراده[/poem]



http://www.b3b7.com/vb/showthread.php?t=44045

()* واقف على منكب البيد ا*()
 

[poem=font="simplified arabic,6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]



با الهون يا الهاجس اللي نشت متن السحاب..=احذر من الغيمه اللي ما بعد نشتها..

الغيمه اللي بها البارق يشق الضباب..=ان حاشتك مشكله والا بعد حشتها..

ما عاد يمديك تنزح من محيط العذاب..=لو كل الارقام حطمته وفلشتها..

راحت معاك الظنون وعودت با الجواب..=استرسلت يوم ردت لي وناقشتها..

زعلتني ,ليش تفتح لي من الهم باب..=جاذبت فوق لسماك الروح واربشتها..

واقف على منكب البيدا واسجل خطاب..=واقسا الظروف بهذاك الوقت عايشتها..

يا كن الافكار من عندي تحث الركاب..=هي,طفشتني وانا,بالحيل طفشتها..

وياكن بالصدر شلفا لبن غانم ذياب..=لو تنتهاوش برفع الصوت هاوشتها..

لو كان قلبي من الفولاذ يمديه ذاب..=من خربشات(ن)بنار الهجس خربشتها..

الله يجازيه ودا والتفت لي وجاب..=يا لين حتى جروح الروح نبشتها..

يا وقت جرحك نزف والله يعين المصاب..=والحال جوعتها والنفس عطشتها..

لكنّ ماهو بنا اللي يعلن الانسحاب..=والدعوه اللي تودي خلف طنشتها..

الصبر با الخرج يملاه وشموخي زهاب..=والذلّة بخانة التهميش همشتها..

بين الزعل والرضا في خافقي والعتاب..=وطروش ردت علي وطروش طرشتها..

ومن الضما ما رويت ولا طردت السراب..=واللعبة اللي تغث البال كوشتها..

خليت صفحة كتاب وشلة صفحة كتاب..=من بعد ما شفتها كله وفتشتها..

[/poem]
http://www.b3b7.com/vb/showthread.php?t=44850

_> سواليف الغزل<_
 

[poem=font="simplified arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

ما على (السباح) خوف من البحور ليا نزلًه=كان مازوًد رصيده شي ما نقًص رصيده

رحلة(ن)ياصل بها الجمه تسجًل في سجلّه=عاند الموج العنيد بقوة الروح العنيده

زاحم الموج بعناده يعقد الحبل ويحله=رافع(ن)حجم الاراده فوق والهقوه بعيده

والهجوس اللي تروس وتاصل الروس بمحلًه=ماترد الا تنوش الهام وعقول(ن)سديده

ياحروفي لامسي راس (الهرم) و(الروس) كله=وسجلي لي ياحروف القافيه جمله مفيده

يا قصيده ما بغيتك كان بحروفك مذله=كان بحروفك مذله ما بغيتك يا قصيده

الطموحات الكبيره با الجريده والمجله=وعظّة الابهام من عقب المجله والجريده

دلًعو , بنت تحدى للقلوب وتستحله=كنها ذات الجمال وكنها البنت الوحيده

والبنات الباهيات اللي لهن مذهب وملًه=كنًهن من غير حسن , ولا جمال ولا عقيده

حطمو فيهن جمال(ن)تل حبل العشق تله=حطمو حلم الليال وفرح الايام السعيده

قالو البنت(الصعيديه)شكت من جور خله=قلت قصة عشق تحزن و(الصعيدي) في صعيده

يا سواليف الغزل مابين ضيم وبين زله=ما يشد اهل الهوا غير السواليف الاكيده

ناشف الحلق يتحرا الغوث من قطره تبله=والف قطره ما ترد الروح من ناشف وريده

عذّبه طرد السراب اللي يشوف ولا وصلًه=ماترك طرد السراب ولا وصل شي يريده[/poem]
http://www.b3b7.com/vb/showthread.php?t=45600

## نزوح الخيال ##
 

[RAMS]http://www.mm11mm.com/up/folder1/mm11mm_tRTZzVQHbe.rm[/RAMS]





اقدم لكم هذه الابيات الشعريه با الصوت والكتابه اتمنى ان تحوز على رضاكم





[poem=font="Simplified Arabic,6,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]



الاوهام تسبقنا على العالم المجهول...=...والاشواق تبقى بالمشاعر وتحرقنا

سراب الوهم لو يتبع الواقع المعقول ...=... سبقناه لو هو سابق الوقت سابقنا

فتلت الشنب واثر الشنب من قبل مفتول ...=... توهق بشر واجد ومعهم توهقنا

نبي من نهار آمآلنا نسرق المحصول ...=... ولكن لقينا خيبة الليل تسرقنا

على منحدر ليل(ن)بدا الجانب المبلول ...=... على المفترق من غفوة العاطفه فقنا

على السفح والخد النقي ينقع الهملول ...=... نزوح الخيال وضيق الانفس مضايقنا

نهوز البحر في جزر الافكار عرض وطول ...=... ولكن نخاف اغراقة المدّ تغرقنا

وانا كل مابي , زحمة الخافق المنزول ...=... من المصدر الواحد هو اللي مطوقنا

معاي الظنون تعانق الغيم جول وجول ...=... متى الغيم ينزل وبرذاذه يعانقنا

رفيق الطريق اسمع من القول بعض القول ...=... عسا كلمة(ن) تلمس, وتدفع وتعتقنا

زمان المخافه بالسنه صار خمس فصول ...=... ومع كل كلمة,ريق الاجحاف يشرقنا

واناو العواذل بيننا العازل المسدول ...=... ولا شي . الاّ .. فارق الصدّ يفرقنا

مليك الخيال اعط , الخيال المليك حلول ...=... ترانا نسوق لها التباشير واشتقنا

[/poem]
http://www.b3b7.com/vb/showthread.php?t=46453

,,, ^ وجه الشـــــــــعاع ^,,,
 

[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

معاك النور(ياوجه الشعاع)وطعنة الفرسان=وانا اللي فيك شفت الليل والخنجر والاشراقي

رفعت الليل ياطرف الخجل والنور كله بان=نزوح الليل وقدوم النهار ونظرة الشاقي

زهمت انت السوارح واقبلت لك تعزف الاشجان=بعد ناشت ثبات المستريح وهقوت الهاقي

وراه العاصفه تلمس جذور وتلمس الاغصان=تلاعب في شرايين الحياة وتربك التاقي

قمر خمس وعشرحد الشبه مع خاتم سليمان=مداهيل الخيال ومعطياته وش بعد باقي

تبي تنهي ,كفايه مابقي الا , بقايا انسان=اباهي با الشموخ وبا الشعور وقمة اخلاقي

اقوله وانت يا وجه الشعاع وكفة الميزان=تحديت الظلام ولا قتلت المنهج الراقي

وانا والخنجر المرفوع والميدان يا حميدان=سلم راس الطنا والا التسامح يسبق اشواقي

[/poem]
http://www.b3b7.com/vb/showthread.php?t=47153

..,** خــ راحتك ــذ **,..
 

[poem=font="simplified arabic,5,darkblue,bold,normal" bkcolor="transparent" bkimage="" border="none,4," type=2 line=0 align=right use=ex num="0,black""]

خذ راحتك كان الشجون همست لك =واللي معايا عنك يبقا معايه

حتى ولو بيض الليال اغرست لك=يقضي على غرس المشاعر ضمايه

ان كان نفسك بالجفا وسوست لك=اتبع هواها لين حدّ النهايه

[/poem]

-----------







[poem=font=",6,indigo,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]



ماني بقايل لك اجلس ياغلا لا تروح=اتبع هوا النفس في ليل الهوا والصباح

روحك تدور مطامحها وانا لي طموح=واهم حاجه رضاة البال والانشراح

زرع الغلا ورد لا مني زرعته يفوح=اسقيه من هجسي الصافي سواة القراح

وانا لي اسلوبي الواضح واحب الوضوح=وان جيتني بالتسامح قلت كلي سماح

خذ راحتك مابعد هالروح تبديل روح=لا تشرب الا من الحالي وكبّ الملاح

ارقب على ماتبي من عاليات السطوح=اللي يريحك سوّه واتبع الارتياح

لا تلتفت لي ولا تحسب حساب الجروح=اسرج خيول الخيال وخلها بالبراح

والى, وصلت القناعه جدّ والا مزوح=ادخل على ماتراه انه لشخصك مباح

علك ترد برضا خاطر خذاه النزوح=ابعد مع النازحين وزاحه الاجتياح

وانا على ما انت خابر ماهدمت الصروح=باقي على كبريائي والشموخ الوشاح

[/poem]

-------------



[poem=font=",5,darkblue,bold,normal" bkcolor="transparent" bkimage="" border="none,4," type=2 line=0 align=left use=ex num="0,black""]

لا جيت لي مدّ اليمين وتكلم=اخذ معك واعطي وافتش كلامك

علّ وعساك من المآسي تعلّم=تحفظ مراتب قيمتك واحترامك

[/poem]
http://www.b3b7.com/vb/showthread.php?t=48263

,,{ ياناس خلـــــــي },,
 

[poem=font="simplified arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]



ياناس خلي يشبه (الشمس)ياناس=لوكان تحرق(للفضا) تعطي النور

اغلا من الياقوت والدر والماس=عندي,وكل(ن)له هوايات وشعور

لو كان للدنيا من الحور عساس=لا قلت اكيد انه هو اللي من الحور

ماعاد فيني عرق ينبض با الاحساس=الا احس بداخل العرق له دور

روحي ,تجاذب له على جذب الانفاس=وش لي,ومالي,دام انا فيه مجبور

زعيم عشق, ويلعب اخماس واسداس=العشق يشفع له والاحساس دستور

ولا باس اقوله الف مرّه ولا باس=وانثر على درب الغلا ورد وزهور

قدر المحبه يلمس العين والراس=وبذر المحبه با الشرايين مبذور

لا روّح الطاري,هوا البال ينحاس=وان عوّد الطاري,غدا البال مسرور

ان قلت عفوا,ما ذكرته على ساس=اني بدل عفوا,ابي منه مشكور

واجب,وانا في قلب الامواج غطاس=معذور لو اني تماديت معذور

وش يملك المنهي بعد دق الاجراس=ان كان من دق القناعات مامور

الجمر يمكن بعض الاحيان ينداس=اذا حطب ناره من احساس مقهور

والحبل من شد الرجا يقطع الياس=لن الامل يبني عمارات وقصور

[/poem]
http://www.b3b7.com/vb/showthread.php?t=49571

,,, لامشكلـــــــه ,,,
 

[poem=font="simplified arabic,5,darkblue,bold,normal" bkcolor="transparent" bkimage="" border="none,4," type=2 line=0 align=right use=ex num="0,black""] ماهي غريبه لا غدا العقل مذهول=ولا هي غريبه يلمس السابح الجم

يا ملهب احساسي,تجي منك, معقول=وانا الذي لاقلت لي قلت لك تم

كنت اشتكي لك واشرح الهم واقول=واليوم عودت اشرحك انت للهم

لوكان جرحي ينكتب ضد مجهول=كتبت , لكن يرفض الجرح والدم[/poem]



[poem=font="simplified arabic,6,indigo,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

مهما يشح الوقت وانتي تشحين=يبقى الضمان اللي من اول ضمنتي

ما همني جرح الغلا والمحبين=اطحن بهمي مثل منتي طحنتي

هي مشكله وحده تعادل ملايين=لا مشكله مادامه المشكل انتي

كل المشاعر في سجونك مساجين=وانتي فتحتي باب سجن وسجنتي

يا ملهبه انتي لحرفي عناوين=يا ملهبه كنتي وكنتي وكنتي

كنتي وما زلتي من اول وها الحين=با المسكن اللي لك بنيت وسكنتي

ما ناش قلبي ناش كل الشرايين=بلاي دفن(ن)با المشاعر دفنتي

روح الغلا تلمس عقول المجانين=وانا شتمت بليس وانتي لعنتي

زان الزمان وشان بقلوب الاثنين=فيه ارتهنت الوصل وانتي رهنتي

وش بدل الحاله بدل وجه وجهين=والا على ما قيل طلعت بلنتي

كلمه وغيره وقفي لو تموتين=اصبر على الشدات لو امتحنتي

انا شموخي يلمس الراس والعين=حتى لو بسود النواعس طعنتي[/poem]





[poem=font="simplified arabic,5,darkblue,bold,normal" bkcolor="transparent" bkimage="" border="none,4," type=2 line=0 align=left use=ex num="0,black""] اكثر من اللي تطلبينه عطيتك=وانتي مثل ماني عطيتك عطيني

انا كتبتك با الغرام وقريتك=وسجلت بحروف القوافي حنيني

ياما وياما با الهجوس احتميتك=يشهد شمالي با الهجوس ويميني

كان اعترافي ذنب لني شريتك=ارجوك في صحرا الضياع اتركيني[/poem]
http://www.b3b7.com/vb/showthread.php?t=52036

,,, هزيت غصن شجره ,,,
 

[poem=font="simplified arabic,6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] ماغاص بطن البحر واحد يهاب الغرق=اكيد ما حرّك الدره ولا جابها

روح الرضا لو نزف فوق الجبين العرق=يبقى الرضا مثل عشق العين لهدابها

زيجات الانفس تحب البرق لامن برق=غيث المشاعر فرح والحزن ينتابها

وانا مشيت الطريق وجيت با المفترق=اما اترك العاليه والا اتعلابها

البدر يجلا سواد الليل لا من شرق=لا داعب الحالكه ينزاح جلبابها

الورد لابان لعيون الهواوي سرق=والشوك لاناش رجل المهتوي صابها

وانا على طرقتي دق الخيال وطرق=واللي تفوق الخيال اموت واحيابها

هزيت غصن شجره واهتز كل الورق=طيّرت كل الطيور وطارت اسرابها

ماهمني من جحد ماهمني من درق=لن اعوجاجات سفن البيد بارقابها

انا ادري ان احتراق الحس يترك حرق=واحد.ثلاثين واحد,يحرق اعصابها

بعض الاسامي تشابه والله اللي فرق=والمهمله ما تفيد اللي تسمّابها

ما غاص بطن البحر واحد يهاب الغرق=اكيد ما حرك الدره ولا جابها[/poem]
http://www.b3b7.com/vb/showthread.php?t=53228

,,... ارفع يقينـ سما ــــــك ...,,
 

[poem=font="simplified arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] مدري من اللي دعاني يا مليك ودعاك=حتى ملكت المشاعر كلها يا مليك

روحي معي وانت روحي فوق وزنه معاك=والامر ما كان فـ يديني ولا في يديك

زايمت الاثقل وعانيت العنى من عناك=وانت بذرا عن عواصيف الجفا ما تجيك

والهجس برض(ن)تشيلك والخيال بسماك=والطيف لا مرني قلت الله اكبر عليك

يسعد صباحك ويسعد مع صباحك مساك=اقولها كل ما جيت انتظر واحتريك

انت زعلك با الثواني للخفوق ارتباك=ونهايت الصبر بحدود الدقايق وشيك

كل ارتباكي زعل يركد بلحظة رضاك=لنك لحالك تنوش الحس مالك شريك

قبل امس لين امس حتى يومنا وش بلاك=ارفع يقينك سما والشك لا يعتريك

جيت اشتكي لك همومي والدوافع غلاك=نسيت همي على شانك وقمت اشتكيك

تطلع وتنزل ولكن ما نزل مستواك=من فوق حد السحاب وخاطري محتميك

موت(ن)على موت كلك موت يا لعن اباك=لاوالله اسف وانا ابغى اقول يا لعن ابيك

اقصد بشرع الغلا والا حياتي فداك=دام الغلا ترتديه وهو بعد مرتديك

عساك تبقى على مسرح خيالي عساك=عساك تبقى ولا قبلك ولا احد(ن) يليك[/poem]

http://www.b3b7.com/vb/showthread.php?t=55057

,, صدى صوتي ,,
 

[poem=font="simplified arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يهون الامر دام اللي وراه من الظنون صعيب=ولا ينزل وحل من شد حيله وارقب المرقاب

لقيت الوضع كله فوضوي في ذمة الترتيب=ولا داعي على شان الهقاوي نحرق الاعصاب

معاذ الله ما ناش الخفوق احساس شك وريب=وانا فيني ثبات اللي مرازه للوطاة اطناب

رفعت الهجس ما ناديت من شان المصد يجيب=لآني ما مشيت بدرب يحمل دفتين وباب

زعمت ان الاجابه من صدى صوتي وقلب الذيب=على مبداي ابعثر با الحروف واجمعه بكتاب

وانا بحدود زعمي ما وصلت حدود فري الجيب=ولا دورت كلمه صدق وحده من فم الكذاب

قبلت الوواقع الملموس والباقي بعلم الغيب=ولا حطيت مابيني وما بين الشعاع حجاب

يمر الموج بجنوب السفينه والمصيب مصيب=وانا دامي على متن السفينه ما حسبت حساب

واذا يعطيني الصاحب عطيته والخديعه عيب=على راي المثل وحده بوحده والقلوب اصحاب



[/poem]
http://www.b3b7.com/vb/showthread.php?t=57036

‘‘,,ــ المعذره ــ,,‘‘
 

مع التحيه والتقدير



[poem=font="simplified arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] <u> ماحرك القلب غيرك يا الغلا يا الوليف=درب المحبه خلا لك والمحبه كشاف <u>

<u> راحت عليك المروفه يا العنيد العنيف=تبعد مع الحرفنه وتنفذ الاحتراف <u>

<u> زرع المحبه سقيته من رذاذ النزيف=حتى حميت الجذور من الجفا والجفاف <u>

<u> وان جيت با الحمل الاثقل ما طلبت الخفيف=الا ترا كبريائي ترفض الانعطاف <u>

<u> قومت حرب البسوس بخاطري والصريف=واجبرتني للجلوس بكرسي الاعتراف <u>

<u> صيفي شتا يا مليح الوجه وشتاي صيف=جو الاحاسيس فيه من الهجوس اختلاف <u>

<u> لنك بعيني ملاك ولا لوصفك وصيف=والعشق موج وبحر وانت الذرا والضفاف <u>

<u> استرسلت لك خواطر ما تنوش الرصيف=يمكن تنوش المشاعر والشرف والعفاف <u>

<u> والمعذره وان بدا جور الظلام الكثيف=في حال سلك الحرير يجر للانجراف <u>

<u> وانا عسفت العسيف ولا تركت العسيف=كنه عروس تباها في ليال الزفاف <u>[/poem]
http://www.b3b7.com/vb/showthread.php?t=58464

,, رحمك الله ,,
 

ابيات قليله وقليله بحق والدي يرحمه الله ما اطلبه منكم هو الدعاء له با الرحمه جزاكم الله خيرا



[poem=font="simplified arabic,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] رحلت ورحت يا الوالد عسى الجنه عوض دنياك=عسى الجنة هي المدهل مقر ومسكنك فيها

رحيلك حرك دموع الحزن وقلوبنا تنعاك=غيوم الحزن بفراقك توالت من مناشيها

نعاك الطفل والشايب نعاك اللي كشف ممشاك=نعتك الاسره بحسره ولايه وانت واليها

نعاك اللي سمع صيتك نعاك اللي عرفك وجاك=ونعتك العالم اللي قدمت لجلك تعازيها

نعاك المجد والعزه نعاك البذل من يمناك=نعاك من الفخر روس علت وانت متعليها

رحمك الله يا اللي لك مكانه بين ذاك وذاك=رحمك الله رحمه تغسل ذنوبك وتمحيها

رحمك الله واحسن يا رفيع المرجله مثواك=رحمك الله يا اللي تعطي الكلمه وتحميها

رحمك الله يا بوي العزيز وعزتك تحماك=تعيش بذاكرتنا والزمن لو مت محييها[/poem]
http://www.b3b7.com/vb/showthread.php?t=58841

.,,اقبلت يا قبلت الله ,,.
 

مع التحيه والتقدير للكل ,



[poem=font="simplified arabic,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] ما وقفت الاّ , عجب للخلي من العيوب=والـ ـ بني ادم على منهجه وجبلّته

رحمة الله كان با الطرد سيات وذنوب=المشاعر هيل عشق وخفوقي دلّته

زلزل الخفاق زول(ن) ضرب وجه الهبوب=من مليكات الهوا والطريق احتلّته

والقدر ساق المشقى قبل وقت الغروب=ولا بقي غير الشموخ يتوطّا ذلّته

اقبلت يا قبلة الله على الجسم اللعوب=اقبلت تمشي خجل والمقابل تلّته

كنت احسب من اللضا كلّ ما فيني يذوب=لين راحت عن طريق الهلاك وخلّته

اتجهت ابغى شمالي وانا رايح جنوب=من كبر جور الحلا والزمان وزلّته

ما شربت من العنا كود كوب وربع كوب=ولا خذيت من الهنا غير فاضي سلّته

في خضم المعمعه لا نجاح ولا رسوب=صفحت(ن) عني طوتها وصفحه فلّته

الف عقد(ن) با الشرايين لرضاه محسوب=والف حل(ن) هي حلا من حلاها حلّته[/poem]



http://www.b3b7.com/vb/showthread.php?t=59862

,,احتملتك ,,
 

مع التحيه والتقدير









[poem=font="simplified arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] يا مليح الوجه مدري ليش قلت وليش قلت=يا علامات الرضا لا تجزع القلب الجزوع

تدري اني ما هضمت ولا جحدت ولا خذلت=والمساحه با الثلاثا نفس حجمه با الربوع

لاتحداني وانا كلّي شموخ ولا نزلت=انتبه للخط الاحمر ما وراه الا الرجوع

ماعلي من الزعل كانه ينوش ليا زعلت=ارتقي فوق الزعل وارقى على متن الطلوع

راحتك خذها ولكن حط نقطه يا وصلت=وانت واصل واتصالك ينفصل قبل الخضوع

زهرة اللون البنفسج من خطا اللمسة قتلت=واعتبرتك منت قاتل بس دهورك الشروع

وانت في نص المسافه لانجحت ولا فشلت=والقطاعه ما تمادى كود با القلب القطوع

كلمة تجرح شعوري تجرح اكثر لو خجلت=لاتوقع من خفوق(ن) يكره الظلما يفوع

اعرف انك لو دهلت من الاماكن ما دهلت=ما تعلّي كبرياء ولا توقعها وقوع

واعرف انك لو علا قولت هلا فيك احتفلت=احتفالك ما يولّع با الدهاليز الشموع

احتملتك واحتملتك واحتملتك واحتملت=واحتمالي ما يوصل منهجي متن الخنوع

والنهايه لو نقصت بخاطري والا اكتملت=ما يبيحن الخفايا اللي ورا هدف الضلوع[/poem]


http://www.b3b7.com/vb/showthread.php?t=61739

,, المـ المعركه ــعركه ,,
 

مع التحيه والتقدير









[poem=font=",5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

يا فاتنه ما تجاهلت وتجاهلتك=ياهيبة المعركه والرمح والرامي

بعت الخطا والجفا من يوم قابلتك=ماكنّك الا ملاك حل قدامي

حتى شعرت الوهم من ارض شايلتك=انه تميد وحصاها يلمس اقدامي

مدري من الشكل والا كبر منزلتك=والا من الهيمنه والهول وهيامي

روحي تهاوت وانا با الحيل جاملتك=من سطوة الليل فوق الشمس والنامي

زايمت الاثقل وشاكلني وشاكلتك=المس ضلوعي واحسه تضرم اضرامي

وكنت احسبنّي اسولف في مغازلتك=واثري ليالي سكوتي تسبق ايامي

لو هي على الكيف ارضيتك وزعلتك=لكن وقوف الضمى يثر على الضامي

كل البها ملبسك والموت راحلتك=ومن الهوا موقعك با الموقع السامي

كن الحلا لك لحالك ورث عايلتك=وانا وريث الذهول وجرحي الدامي

تدرين اسهل مصيبه يا تخيلتك=انسى غلا الاصدقا واحقاد الاخصامي

[/poem]


http://www.b3b7.com/vb/showthread.php?t=63287

,., مد اليمين,.,
 

مع التحيه والتقدير







[poem=font=",5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

مد اليمين لكل يمنى سليمه=ويمناك لصحاب الردى لا تمدّه

رد بقدر لاهل الوجيه الحشيمه=ورد(ن) يقدر غيرهم لا تردّه

عد الكلام اللي ينومس كليمه=وهرج(ن) ينزل قيمتك لا تعدّه

هد المباني والظنون العقيمه=واترك بنايات الوفا لا تهدّه

شد الحبال اللي تشد العزيمه=واللي تهبط خلها لا تشدّه

لد النظر فوق الفجوج العتيمه=وعلى دهاليز الخطاء لا تلدّه

حد العدو حتى حدود الهزيمه=وصاحبك لحدود الخطاء لا تحدّه

سد الطريق المنتهي با الوخيمه=ودرب(ن) يوصلك الرضا لا تسدّه

ود الودود المندفع من صميمه=ومن لا يود وممتنع لا تودّه

رد اللئيم وخل عندك شكيمه=واعط الكريم ليا طلب لا ترده

[/poem]
http://www.b3b7.com/vb/showthread.php?t=64280