|
الأولى (الشعر)
السلام عليكم ورحمة الله وبركاته وكل عامآ والجميع بخير ثم بعد : اشكر ادارة المنتدى على تسهيل عملية التسجيل دون الحاجة إلى رسايل عبر البريد الاكتروني او تعقيدات أخرى . وبما ان هذه اول مشاركة اريد ان اعطي تعريفآ ملخصآ عن نفسي .. الاسم/صهدنهابه الشمري . الهواية الأدبية/كتابة الشعر . التقييم الذاتي/متوسط . كتابتي لهذاء من اجل سببين فقط لاغير .. 1_اتحمل مسؤلية ما اقول بمشاركاتي . 2_حماية حقي الأدبي من ظاهرة السرق المنتشرفي هذاء العصر ... اما النص الريئسي الذي اقدم هذاء اليوم ابيات شعريه بقلمي . تعبرعن وجهة نظرحول الشعر و بمن يوجد . مدعومآ بسلوب فكاهي للتسليه ... ياصارما للشي وقت ومواجيب ، أخير من حضرة وجوده غيابه والشعر وهبه من عظيم المواهيب ، ما كل من يكتب ويقراء الكتابه ورتب حروف الأالف ترتيب ترتيب ، يحسبه بصف المدرسة و إيهجابه يصير شاعر خرب الشعر تخريب ، الخربة اللي ما يصلح خرابه الشعر مايدرس دراسه وتدريب ، ولاهو دليل وشارتآ يقتدابه تدلك على اهل الطيب وتجنب العيب ، نوب القصيد اردا البشر يلتقابه الدقيس مرت وساسها من ضنا صليب ، ومثايله من كل جيلآ حكابه لكن اغلب الشعار فهمان و اديب ، ولولا الخطا باالناس تجهل صوابه ولايثبت الأ قادي الهرج ومصيب ، اللي يشقن المسامع حرابه يدخل متين الروس بيته اليا جيب ، من شاعرآ ياشغل الفكر جابه قطعة وكاله بس تحتاج تركيب ، رقمه يطابق للقديمة حسابه ان سمعه اللي يهتوي للرعابيب ، عقب المشيب يذكره في شبابه لوهو على عكازته والمصاليب ، طش الشماغ وطش معه العصابه ومر المرآت وشاف بااللحية الشيب ، وعنز على الحلاق قدام بابه وحك العوارض كلهن والاشانيب ، وبعده على الغسال يكوي ثيابه وراح لمحلآت العطورات والطيب ، وجميع ماباالجيب كله شرابه هذاء ما اقول وتالي القول ترغيب ، منشان يضحك قاريآ ياقرابه حنى ضيوف وبعد حيي معازيب ، واسمي مثل ماقلت صهدنهابه |
صح السانك وعلا شااانك
مصافحه جميله وجزله .. حيااالك الله بين اخوانك وخواتك ولي الشرف انا اكون اول الواصلين الي مافحتنك الجميله تحياتى |
ماشاءالله
صهد الشمري صح لسانك صدقت والله الله يطول عمرك |
صح بدنكم يابو جراح
ويانور الدنيا تحياتي لكم جميعآ |
صهد الشمري
صح لسانك وعلاشانك وسلم فكرك وبؤؤح قلبك مصافحه رائعه لاعدمناك بانتظار جديدك تحياااااتي لك |
اهلا بك وحيااك الله معنا بمنتدى بعد حيي وصح لسااانك ع الابيات الجميله وصح فكرك واحساسك ولاااهنت ,, |
حياك ربي
واهلا بقلمك ونزفه// أبيات تستحق التوقف لقرائتها احسنت صح لسانك وسلمت يداك من كل مكروه دمت بخير لاينتهي |
[align=left]
صح لسانك مليون لاهنت ولاهان منطوقك إحترامي وتقديري لقلمك وحرفك المميّز [/align] |
هلا بك وهلا بالشعر حياك الله
ونص فاخر من شاعر مبدع بلا شك صح الله لساانك مدد بلا عدد وجديدك منتظر فاضلي أرق التحايا |
ألف صح لسانك على هذه القصيدة
التي عانقت السحاب بجمالها وروعتها تحياتي العطرة |
صح بدنكم وعافاكم الله جميعآ
|
[align=center]
صح الله لسانك يا الغالي .. ولا هنت على هالأبيات .. [/align] |
صح بدنك والله لايغلك و يسلمك يافتى الاسلم
|
حنى ضيوف وبعد حيي معازيب ، واسمي مثل ماقلت صهدنهابه صح لساانك يالسنعوسي حياك ياغالي واحنا الضيوف وانت المعزب حضوور رائع من خلال هذا النص تدل على وجود موهبه شعريه رائعه شاعرية تستحق المتابعة والتصفيق والاحتفاء دمت بهذه الروعة وننتظر جديدك فلاا تحرمنا عذوبتك ونبض قلمك واحاسيسك تحياتي لك |
صح لسانك ،،، وبيض الله وجهك ياصهد
وحياك الله عند من حيابك أشرقت علينا بهذه الجزلة ،،،دمت بافضل حـــــــــال |
صح بدنكم واشكر جميع من شاركوا باالاطلاع والردود
ويسعدني ان اتلقا ملاحظاتكم ونقدكم البناء بصدرآ رحب كي افيد واستفيد فلا احد يتردد بذلك وتقبلوا تحياتي |
| الساعة الآن 10:07 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010