|
يافهد ياخوي
السلام عليكم ورحمة الله وبركاته صباحكم سعاده وراحة بال وعود وزعفران متواضعتي بين ايديكم فاقبلوها . [poem=font=",7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] اليوم انا يالفهد بي ضيقةً قشرا = ياكيف ابسلى وانا بالحيل مجروحه؟ ماقدّرت ضعفي,, ولْا ثمّنت عزوتي =وخلتني بساحة الاحزان مطروحه لاتحدني للبوح!ياخوي واسترها! = ادري لمني شكيت ادميت بجروحه لو الحظوظ تهاب من هيبة اخواني؟! = كان شفتني انثر الضحكات مطنوحه اليوم يامسندي تعال واغفرها؟ = الزله اللي من الاحساس مدموحه ذوّب شموع العزا بليلي واسهرها =الطفله اللي من الغالين مذبوحه جاني يقول: ابشري دامي اشم الهواء = لاخلي صحراء العنود بذمتي دوحه ياليتني اقدر اضمك وابوحْ (ا)بها = سراً كسر خافقي عجزت في بوحه في ذمتي ماهوب عيبً اجاهرْ به = لاشك في خافقي ستره ومصلوحه ذنبي شديدة حيا في خدري وتدري = واخايل البرق وبعينيني اضوحه واسبّح الله معَ صوت الرعد وادعي = يالله عسى للدعا بيبان مفتوحه لاتحدني للبشر ياخالقي ارجوك =انا فقيرك عسى زلاتي ممسوحه لو قدّموا رغبتي يمّي وانا جايعه =ربطة بطني بخيط العز مرجوحه يركب على ظهري من احلامي صغيّر =وتطير من سجن ضلعيني بمملوحه انا وذيك الأماني هكذا حالنا!! = نبني واذا جا الصباح يهدّم صروحه ماامد يدّي لشيءً يخلط اطيابي =واكبر خطا لابتي لاجددوا فوحه يعني ترى حاجتي مشاعراً مبهمه =وماكل شخصً يجي -علّي فدا روحه!- ولد الاكابر ترى ماني نصيبً له = برجي نصيبي ,,وهو نصيبه بلوحه لاتهدني ياخوي إلّا بيدا صقّار = شيهانتك ياخوي في هذي مسموحه ابيه فارس اذا سرج جموح الخيل = تروض من مسكته خرزات مسبوحه ابيه جامع صفات الطيب والمرجله = اكبر طموح الرجال من اصغر طموحه ابي ولدي لااعتزا في خاله وعمّه = كلاً يقول ونْعْم ْ,,بفعول ممدوحه خل العمر يمضي وربك بيفرجها =ان جالنا كفونا ..ولّا بلا روحه!! [/poem] . بقلمي مع التحيه "عنود الصيد" |
صح لسانك واعتلا شانك شاعرتنا
قصيده حملت في طياتها الكثير من عبارات الفخر والشموخ .. شاعره محترفه تطربني ابياتك تقديري |
عنود الصيد
صح لسانك وسلمت يمينك قصيده جميله تشكري عليها نتطلع للمزيد من قلمك اطيب التحايا |
انـا وذيـك الأمانـي هكـذا حالنـا!! نبني واذا جا الصباح يهـدّم صروحـه ماامد يـدّي لشـيءً يخلـط اطيابـي واكبر خطا لابتـي لاجـددوا فوحـه يعني ترى حاجتـي مشاعـراً مبهمـه وماكل شخصً يجي -علّي فدا روحه!- نص رائع وجزل وابيآت فآئقة الجمآل سلم بنآنك وسلم فكرك الراقي وحقق الله أمانيك ,, سلمتِ ,, |
صح لسانك شاعرتنا
كلمات فاقه الروعه |
صح لسانك
ابيات راقت لي يعافيك ربي ع جهووووووووووووودك |
عنود
صح لسانك وسلمتي ابيات جزله من شاعره جزله لاهنتي |
يسعد ك الله على هالشيخه
صح فكرك ياعنود الصيد لاتحرمينا جديدك كل التقدير لك |
صــــح لســـــأإأإنـــــكـ’’
ابيـــــأإأإت راااائعــــــة,, ,,تحيــــــأإأإأإتـــــــي لــــكـ’’ |
,
صح لساانك وعلا شاانك.. ابياات رائعه من شاعره فذه.. ابيات رااقت لي كثير ابدعتي بوصف احسااسك وبووحك.. سلمتي ودمتي..! |
عنود الصيد كفو كفو
وربي ابدعتي صح فكرك وبوحك واحساسك على ماكتبتي اهنيك |
صح لسـانك ياغاليه .. يا عنود الصيد ، أعتقد بأنها قطرة من بحر ، لا تبخلي علينا من بحرك .. تحيـّاتي لك .. بنت القصيد |
كفاك الجروح عنود الصيد
رائعة شاعرتنا صح الله لسانك .. وطابت ايامك .. ودام نبضك .. وعشتي |
في ذمتي ماهوب عيـبً اجاهـرْ بـه لاشك في خافقـي ستـره ومصلوحـه وانا اقول في ذمتي انك ابدعتي ياعنود يحفظك ربي من كل شر |
اقتباس:
صح بدنك شاعرنا ولاهنت مرور عذب من شاعر اعذب دمت كما تحب تفاعل يثلج الصدر . |
اقتباس:
صح بدنك يالغلا ولاهنتي الاجمل مرورك بين ثنايا الحرف وانا اتطلّع لمتابعتكم المشوّقه وردودكم الهادفه ودي وعبق وردي . |
عنود الصيد
سلمـت لنـآ تلكـ الأنـآمل التي ترجمـت الإبـدآع حـرفآ .أنـآر اللـه دربكـ و قلبكـ على هذه الروعـة تقبلي مروري المتواضع في طيآت صفحتك ودي و تحياتي |
اقتباس:
اليوم انا يافهد بي ضيقةٍ قشرا== ياكيف ابسلا وانا بالحيل مجروحه عنود الصيد هاذا البيت بحد ذاته أعتبره قصيده كامله صح لسانك ودام وجودك ودمتي برعاية الله تحيااااتي |
صح لسانك
كلمات رائعه دمت ودام ابداعك ننتظر جديدك بكل شوق تحياتي لك |
صح فكرك وبوحك واحساسك
على ماكتبتي |
شاعرنا الراائع \ عنوود الصييد
صح لسااانك بعدد حروف هذه القصيده وأكثر . نص راائع المعنى والجزاله وشعر وشعور .. ... تعزف على الحروف بنغمات خالده فلقدأمطرتنا بهذه السحابه الرااقيه ... دمت شامخآ متآلقآ ... وحفظك الرحمن ,,, تحيااتي ابن عبااار |
| الساعة الآن 06:16 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010