بــآب الـوداع .!
 

" كـَـان للوَداعٌ كَلِمَتـه .. عِندَما فَتَـح البَاب .. دون إسْتِئذان "
/
\
/
\
/
\









الـوداع اللـي " تـردّت " قفلتـه / وانـفـك بـابـه
مادرى بسرب الطمـوح / ولادرى بذنـووب قفلـه ..!!
ما سمع صوت الخواطر يـوم طاحـت تحـت نابـه ؟!
ما تصـوّر كيـف توجـع طعنتـه لا جـات غفلـه ؟!!
ما قدر " يحيي " مواني وقتنـا .. عشـق وصبابـه ؟!!
بس قدر يحفر قبـور .. بقلـب عـود وصـوت طفلـه
لـو دري ان الأمـانـي بالخـلايـق مــا تشـابـه
ماجبرنـي ارتجـف لـه / والنوايـا تعـتـرف لــه
الفـراق اصلـه انانـي .. ماخذلنـي فــي عـذابـه
ما الومه ..لان كل ٍ يحتفـي بـي حسْـب اصلـه ..!!
يا ( يباسي ) راح صوتـك .. وانـت تزهـم للسحابـه
ريّـح حبَـال الحناجـر .. غيمتـك ماهيـب جـزلـه
ويـا ( وداع ) ارحـم عزيـز ٍ ذل والسبّـه شبـابـه
لانه اسرف في حلومه .. والحقايـق عنْـه جفلـه ..!!
جـاء يبـي بنـت ٍ تحلّـت .. كلّهـا ثقـل وذرابــه
قال قلبه تنجـرف لَـه؟؟ .. قـال والله لانجـرف لـه
احتفـى بـه بالصبـاح .. وجـاه ليلـه واحتفـى بـه
ضحك .. وشموع .. واماني .. ونفحتين .. وجو حفلـه
قام يرسم فـي غلاهـااا .. وقـال وش لـي بالكتابـه
دامهـا آيـة جمـال .. ودام ذوقـي قـد هتـف لــه
لا بقـايـا للـجـروح .. ولا مـلامــح للـكـآبـه
شيـب حزنـه لـو يمـرّه فـي طريقـه ماوقـف لـه
لين حبل من " المفارق " طاااح تحتـه .. والتـوى بـه
" وضاع سرب من الأماني وقلب عود وصوت طفله" ..!!
والـوداع اللـي " تـردّت " قفلـتـه وانـفـك بـابـه
ذنبي إنّي قد امنـت .. البـاب .. والمجنـوون قفلـه !!








// //

مشعل العبدالله
عريــب الساس


( قصيدة اعجبتني في احد المنتديات )

أخي الفيصل
عجز قلمي عن الكتابة
لا يسعني قول سوى((مـــــــبـــــدع))
دمت متألق
المجروح

الفيصل
تسلم على اختيارك الرائع
يعطيك الف عافيه
اختك سهر

الفيصل
تسلم على اختيارك الرائع لاهنت يابعدي
دمت بخير
اخوك
مشعل

الفيصل

الله يعطيك العافيه على نقلك الرائع


واشكرك على جهودك

وربي يحفظك ويخليك

الفيصل
اختيار موفق
الله يعطيك العافيه على نقلك الرائع

ولد القصيد

الفيصل
تسلم على اختيارك الرائع
لقصيده الشاعر عريب الساس والله ونعم فيك وفيه

السنعوسي