|
۞ يومـ(10)ـيات صائم ،، مع " مناهي " ۞
شهر رمضان ،، شهر الرحمة والغفران ،، وجعله الرحمن ،، مميز ومختلف عن باقي الشهور ،، له روحانية وعبادة قدسية خاصة ،، كما أصبحت له عادات مميزة من ناحية الطعام والشراب ،، والزيارات ،، وقضاء الوقت بين العبادة أو الزيارات و جمعت الآهل ،،، وغيرها ،، فـ لكل منا يوميات خاصة يقضيها في هذه الشهر الفضيل ،، ! آن شاء الله ،، كل ليلة سـ نستضيف عضو صائم ،، ويخبرنا كيف قضى يومه ،، ؟؟ والله يجعل آيامكم كلها سعادة ،، عاشر يوم من آيام رمضان ،، ؟؟ مع ،،، |
يالله مناهي بيك وينك
ياااراااجل خلصنا نبي نشوف وش سويت اليوم شكلوا كلوا نوووم :h68: ننتظر يموك السعيد |
السلام عليكم ورحمة الله وبركاته
يسعدلي اوقاتكم بالخير كيفكم يابعد حيي الغير أحب أهنئكم بالعشر الوسطى من رمضان المباركـ أعاده الله علينا أعوام عديدة وغفر الله لي ولكم فيها جميع الذنوب وتقبل منا ومنكم صالح الأعمال أحب أشكر هــــــــايدي على إستضافتها لي بيوميات صائم واتمنى اني يومي يكون خفيف عليكم ولي عوووودة :dxtg4: |
راح أبدأ من بعد أذان الفجر طبعاً صليت وقرأت القرآن ولله الحمد بعدها دخلت على بعد حيي وتجولت في بعض أقسامه نمت على الساعه 10 وصحيت على أذان الظهر صليت وقرأت القرآن ولله الحمد غفيت غفوة على الساعه 2:30 الظهر ثم قمت ونزلت أجهز للفطور طبعاً مابديت بالطبخ إلا على الساعه 3 العصر وبعد ما أذن صليت وقرأت وجه من القرآن ثم رجعت وكملت باقي الفطور وأنا أجهز الفطور أصووور الورطات اللي ورطوني فيها الأعضاء هههههههه والله حوووسه على الساعه 5:30 جهزت اللسفرة الأولي طبعاً نفطر بالأول على رطب مع قهوة والقيمات والعصيرات والأهم الماااااء قرب غروب الشمس وأتذكر أنه مطلوب مني تصوووير وركض فوووق على شان أصووور أذن المغرب وأفطرنا ولله الحمد بعدها قمنا للصلاة وبعدين تجهيز السفرة الثانية ويكون الأكل الدسم<<< بعد ما أكلنا وضفينا السفرة شربت الشاي مع الأهل في الصالة وكنا نتبادل الأحاديث طلعت أبي أترووش على شان برووح للصلاة في المسجد المشكلة أني تأخرت راحت أمي وبنت اختي وخلوني خذت ولد أخوي ولد أختي ورحنا يم المسجد ودخلت وصليت فيه قضت صلاة الترووويح وبعدها كان فيه محاضرة لداعية جلست وأستمعت لها وربي للحين خانقتني العبرة وعيوني طماطه من كثر الصياح أثرت فيني حيل تكلمت عن فضل العشر الأولى من رمضان وأنه دخل علينا الأن العشر الوسطى ونصحتنا بالأجتهاد بالعبادة وأن نسأل الله أن يتقبل منا وهذا اهم شيء بعدها قصت قصتين عن المووووت وربي كل اللي في المسجد بكوا وبكيت بكاء شديد ودعيت لأبوي أن الله يرحمه ويرحم موت المسلمين من كثر بكاء النساء طلبوا منها انها ماتكمل القصص بس هي قالت أنه تذكرها للموعظة وأن يجيب أن نتعظ مو بس دموع والسلام نسأل الله أن يرحمنا برحمته يارب المهم ختمت محاظرتها بدعاء والكل شكرها ودعى لها طلعت من المسجد وأن للحين أبكي وصلنا البيت لقيت اختي جايه هي وعيالها وتقوول وش فيكم ماقدرت اتكلم بكيت وطلعت لغرفتي وجلست أبكي بعدها أستغفرت ربي ودعيت لأبوووي كثير ولكل موتى المسلمين بعدها نزلت تحت على شان أجلس معهم تقهوينا وأكلنا بعض الحلويات مع أنه ماني قادرة بس حاولت أكل لو شيء بسيط بعدها طلعت لغرفتي أنزل الورطات اللي ورطوني فيها الأعضاء بقسم الصور وربي دوووخني بعدين تعالوا كل ورطاتكم أكل؟؟؟هههههههه وها أنا أنزله لكم الورطات مع اليوميات وربي ورطاتكم كثيرة<<<:m9asmilies-com: و بعدها راح أنزل وأجلس مع الأهل و راح أجهز السحور كبسه يحبها قلبكم ولي لقاء بكم بعد صلاة الفجر وأتمنى أنكم تعذروني لكثرة الكلام انتهى http://www.b3b7.com/vb/imgcache/37644.imgcache.jpg |
..هلا مناهي يومياتك مرة رهيبة
والله يرحم ابوكـ ويغفر له ويرحم جميع اموات المسلمين ... شكرياتي لك ولهيووده ع المجهوود كلكم ما تقصروون ... تحياتي .. |
الله يوووم جميل والله
بصرااحه شووقتينا للحديث اللي قالته الداعيه لكم جعل يوومك سعيد وسائر ايامك اختي مناهي تحيااتي |
يومك طيب يا مناهي ،،
والله يرحم موتانا وموتاكم يارب ،، اعجبني بيوكم انك ما جبتي اي طاري للـ tv |
اللهم آمين
هلا وغلا بالصقيقة عروبة الله يسلمكـِ يالغالية ومشكورة |
تـ~ـم تـ~ـك
الله يخليكـ تصدق كلامها الى الأن مأثر فيني الحمد لله على كل حال ومشكور لحضوركـ |
يا آهلين ،، وسهلين ،، بـ مناهي ،، منورة التوبيك الرمضاني ،، والله يتقبل صيامنا ،، ويعينا على طاعته لنهاية الشهر ،، يومك ما شاء الله روووعــة ،، حسيت بروحانية ،، الله يجعل كل آيامك عبادة ،، بس كويس تذكرتي صور الورطات هههه ،، << ما ورطتك ،، نصابة مو ;) الله يجزآك الخير ،، ويثبتك ،، وآن شاء الله ربي يتقبل صيامك وقيامك ،، والله يرحم جميع آموات المسلمين ،، ويغفر لهم ،، ويسكنهم فسيح جناته ،،http://www.b3b7.com/vb/imgcache/37646.imgcache.gif وعليكم بالعافية السحور ،، ومطرح ما يسري ،، يمري ،، :) مشكورة مناهي ،، على سرد يومك الجميل،، الله يسعد آيامك ،، |
اللهم آمين
شادن الحمد لله ماله مكان t.v من وقتي في يومياتي إلا البرنامج قصص القرآن لعمر خالد شاكرة لكـِ حضوركـِ |
فديت قلبك أنا وعسى ربي يتقبل منك ويغفر لأبوك ولأبوي وجميع اموات المسلمين يارب
يومك رائع بالرغم انك بكيتي كثير لكن البكاء في الموعظه فيها راحه وغسل هموم القلب الله يرحمنا برحمته ويتوب علينا عاد لااوصيك يابعدهم ارفعيلي من كبستك تعرفين عاد محتاجه للتغذيه وتسلم الأيادي مقدماً يومك ممتع استمعت بقرائته وبروح هالحين بشوف ورطاتك ههههههه الشكر موصول للغاليه هيوده على استضافتها الجميله دمتي بسعادة.. |
اللهم آمين
الله يتقبل منا ومنكم صالح الأعمال هايدي عليكم ورطات<<<<دخت منها الله يعافيكـ مشكورة لحضوركـِ يالغلا |
الحمد لله على كل حال
وربي يرحمنا ويغفر لنا حنين الشووق أستري على ماتشوفين من ورطات<<<ههههه وحياكـِ يالغالية على السحور |
ماشاء الله منوهه
الله يتقبل منك ومنا صالح الاعمال ويرحم أبوك ويغفر له ومقدما بالعافيه عليك الكبسه دمتي في حفظ الرحمن |
| الساعة الآن 03:31 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010