|
][ .. جيل عابث .. ][
الله لا يمسيكم إلا بكل خير :) رغبة مني في التواصل .. ليس إلا .. حبيت اطرح كلماتي المتواضعه لعلها تجد بعض القبول والإستحسان .. وأتمنى أن تكون في وقتها المناسب :152: مدخل جيلنا .. يا جيل عابث في حقوقه ..... يا غروب المجد في طلّة شروقه .. في شتاته تاهت افكار ومعاني .. وصار الاول مركزه ثالث وثاني .. جيلنا منحاز في رايه وذوقه .. لو رقى مره تعلقنا معاه .. وان هبط عادي .. تعوّدنا خقوقه وان سطع نجم وسرق نور النهار .. طرْنا في كل انبهار .. كلنا نتبع خطاه .. لو هو ما يسْوى ثواني انتظار دربه بنسْلك طروقه .. ما حَدن عنّا يعوقه كلها يومين يا نجم النهار .. وينطفي الضوح وبروقه .. جيلنا باعك لقى غيرك منار .. يا بو اللمعه السروقه .. صرت سلعه مالها إسم وشعار .. موضتك صارت غبار .. واصبحَت حيل امْحَروقه لا تكدّر او تحسّ بْإنهيار .. واعرف انّ النصف ما يملك قرار .. ونصفنا الثاني تخلّى عن خفوقه .. وانحطاط الذوق يشرب من عروقه .. ! والتفاهه عشّ لافكار ٍ صغار .. عاشت بعقْله يتيمه بانحسار .. علّها قاسي عقوقه .. واصبحَت دون اختيار .. تسْلبه كامل حقوقه .... !! جيلنا المحبوب لو يسْمح رضاكم .......... أعذروا كلمات غنّت بالحقيقه الوسائل كوم يملاها سماكم .......... تمْلكون ابهـار واسلوب وطريقه لكن الأفكار تشْكي من عطاكم .......... أطلقوا الأحكام من نظره عميقه يا فريق النحل غذّونا ذكاكم .......... عقْلَنا يحتاج للعبْره وثيقه ! تمْطرون الشهْد من صافي حلاكم .......... من شذى الازهار يغريكم رحيقه العسل بسْمات يضْحكها غلاكم ؟ .......... أو دموع الحب في لمْسه رقيقه ؟ نحْسدك يا روح يسْكنْها حشاكم .......... يا فديت الصدق بالروح الصديقه جيلنا محتار مدري وش بلاكم؟ .......... تسرقون الراي من سارق رفيقه تتْبعون الخيل يا شقرا وراكم؟ .......... غرّكم جمهور مغـرور بْفريقه من مزاج الغير يتبلْور هواكم .......... والمزاج اوهام خدّاع ٍ بريقه يا عبير الورد لا يسْقي ظماكم .......... ناشف ٍ هلْكان تفكيره وريقه بالجهـل يا ورْد لوْ شوره سقاكم .......... يذْبل الإحسـاس من عطْر الحديقه إعتمدتوا ليه وانصاعت خطاكم .......... تسْمعون لْصوت يطْربْكم نعيقه عقْلكم مرتاح ينْعم في شقاكم .......... دايم ٍ تشكون من همّ ٍ وضيقه وقْتكم مشغول بهْموم وتراكم* .......... نصْفكم دخّان والثاني حريقه جفّت الأنهار من موجة جفاكم .......... البحر عطشان وامواجه غريقه الخليّ مرتاح ما يسمع غثاكم .......... ساعتي أيام وايّامه دقيقه .. ! من شكاي الليل يجْهش في بكاكم .......... شكْوتي لله رزّاق الخليقه .. ! إستفزّ الليل موضوعي معاكم .......... من صميم القلب خلاّني عشيقه . . * تراكم = اشياء متراكمه :) وسلامة اعماركم :152: |
خالد
الله عليك يارائع صح لسانك وعلا شانك راقي بكل حالاتك سلمت ولاهنت |
:
صح لسانك ملايييييييييين ولاهنت لافض فوك كل الشششكر لك وبشوق لجديدك : |
قصيده جزله وشامخه
سجل حضووري واعجابي بالقصيده لك مني كل الحب والتقدير |
قصيدة شامخه وعذبه
دمت ودام إبداعك ولاهنت |
الأنيق خالد
حروف رائعه من أحمل القصائد التي قرأتها في الوقت الحاضر فهي حديث الواقع ونبض الزمان بارك الله فيك وفي فكرك المتوقد النقي |
الرائع \ خالد نص رائع مخملي الحرف بحجم تآلقك الرآآآئع وابيآت تنبض صدقاً ورسم لواقع ملموس كتبت فأجدت سلمت يمينك وصح لسااانك ودام هطول حرفك الراقي طبت بخير ,, |
اعجبني القائك واحساسك
صح الله لسانك ابيض وجه |
صحـ لسانك
ماقول الا ارق سنود يالبناخي |
اقتباس:
يسلمك ربي ويخليك وجودك هو دعم حقيقي لنا .. لا عدمتك يالشيخ تقديري وامتناني |
اقتباس:
اقول ضحكه .. لا فض فوك وشلون يردون عليها ؟ :) ضحكة الدنيا .. حضورك هو شرف كبير اتمنى ان اكون استحقه يالغاليه شكري وتقديري |
اقتباس:
حضورك على عيني وراسي من فوق .. واعجابك مصدر سعادتي .. والله يديم المحبه يالغالي شكري وامتناني لك |
اقتباس:
لا ندمت .. وانتي سالمه وغانمه ,, الله يديمك وما يحرمنا مرورك المميز شكري وتقديري |
اقتباس:
انا احسد نفسي على هالحضور المختلف كلك ذوق .. وكل حروفي لن تفيك حقك من الشكر على اطرائك واشادتك لا عدمناك يا بعدي تقديري |
اقتباس:
ادامك الله اختي الفاضله وكثر من امثالك شكرا على هالحضور المتميز .. وما عليك زود يالغاليه تحياتي وتقديري |
| الساعة الآن 12:21 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010