يــــــــــــــــــارب
 

يـارب عفـوك والرضا..بلسـم يعانـق توبتـي
يدمح ذنوب اصغارهـا ماهيـب شـي استصغـرة
...
اوبه وتوبـه . ياكريـم الوجـه تعلـن رجعتـي
تعلن رجوعي... من زمـان المدبـرات المقفـرة
..
هذا جبيني لـك سجـد وجـه وعيـون ودمعتـي
و(آآه) ونشيج اخفي معه دمعـه ومـره أظهـرة
..
بين النـدم والمغفـرة.. قمـت اتوقـع فرحتـي
ذنب ونـدم ياخالقـي. وانـت العفـو والمغفـرة
..
على حصيرن به جلست اول... ابـاري غلطتـي
جتني بوادر توبتي... للـي ركعـت (استغفـره)
.....
سجادتي نفس المكـان.... وزلتـي هـي زلتـي
بين السجود وركعتـي.. دمعـة قهـر متحسـره
..
الله كبير ..الله كريم ......الله رحيم بـ(حالتـي)
وعطفه علي في المستحيـل أعـدّده أو أحصـرة
..
ياكبرهـا امـس الذنـوب وضائعـات بخطوتـي
(ساق وقدم)..ضيعتهن بيـن المشـي والبختـرة
...
دنيا.. وحلم اوسع خيال اشـوف منـه صورتـي
مثل البحر مثل النهر تحـت الشمـوس المجهـرة
...
يحكم ضميري ..طيشها لهو النفـوس ونظرتـي
لعب.. وهوى.. في دنيتـي ياحسرتـي ماأحقـره
..
(آآه) الندم ...(آآه) وندم. (آآه) استباحت دمعتـي
(آآه) النجـاة برحمتـك قبـل اتجـاه المقـبـرة
..
هذا سواد المظلمه ليـل و شتـاء .فـي غرفتـي
يشهد صلاتي والسجـود اللـي اطيلـه واكثـرة
..
وهذي دلايل رحمتك... سجـده تعانـق جبهتـي
ونفس السكينه دارها... والقلـب حبـك يغمـرة
...
ياعز .مـن قـال ادخلـي يا(المطمئنـه) جنتـي
في رحمتي وبرحمتـي نفسـي بكـت مستغفـرة
...
صوم .وصلاه و(مصحفي) معي معي في خلوتـي
وامس الجفاف أمسى (نخل) خضراء عذوقه مثمرة
..
وذاك الزمان اول حياتـي... لاتهـاوت رغبتـي
مع الهوى...... على حلى( متعه) وطعم استشعره
....
حطيت له قيد وحجرعثرة .......تعرقـل فكرتـي
كل مانهض للمعصيه ركب انتكاسـه.... اعثـرة
...
عثرة ورى عثرة .......وصار ابليس ينعى رجعتي
في كل شي.. . الا صغير ...استكثرة واستكبـرة
...
حبر وقلم ... .بعض الليالـي. لاخذتنـي نزوتـي
يم الغزل... ابني غزل...وان طال (خشمه) اكسرة
..
وصاحب بكى من حبنا. اول لقاء... مـع جيتـي
لاهبّ من يمه نسيم... اذكر دموعه........واذكرة
..
هو صاحبي .على نقا .. وعد وشرف من ذمتـي
صدق اعشقه حيل اعشقه ......ماانكرة ..ماانكرة
..
هذي ذنوبي مابقى منها ........وبيضاء ( نيتي )
وهذي يديني بالدعـاء ..بالمغفـرة .. والمعـذرة
....
(آآه) الندم ..(آآه) وندم..(آآه) استباحت دمعتـي
ربي ربي ربي ربي ربي ربي ربـي ربـي ربـي
ربي نجاتك. رحمتك .. .. قبـل اتجـاه المقبـرة

يارب
 

يـارب عفـوك والرضا..بلسـم يعانـق توبتـي
يدمح ذنوب اصغارهـا ماهيـب شـي استصغـرة


صح لسانك ماقصرت الغالي ويارب تقبل توبتنااا يارب جزاك الف خيرر


اخوك ال ساري