منتديات بعد حيي - مساجلات مع فواز الغسلان

هذه بعض مساجلاتي مع الراوي المعروف صديقي العزيز
ابوفهد
2011
فواز= الغسلان

سرى القاف ياعواد صوبك على المنكوس=من الراوي اللي طاح يشكي عيال الهيس
قصيده لراع العقل يوضي تقل فانوس=ولا سار في منهج هل الحمد والتقديس
واحط الخطيه لا بدت بين قوس وقوس =ولو قالها اللي يقضي الصيف في رمسيس
لقيت الحضاره فضل ميسي على راموس =والاطياب والموضه والافلام في باريس
وخلت هموم الناس مندي مع المكبوس=او الركض لاجل المال والبيت والتجنيس
وترى الجيل ياعواد داس المبادي دوس=ولا عدت تامن سكة الكذب والتدليس
حسب ماظهر للعين بالواقع المحسوس=وانا خابرك تلقط طيوري بلا تدريس
غدى الصدق والمبدأ لكل العرب كابوس=تحطك طريح في حبايل عيال ابليس
وطبع الوفى شال المعاليق مثل السوس=وطيب النوايا تودعك في نظرهم تيس
مدام الخديعه والردى بالعرب ناموس=وقالوا مهارة تشبه الشوت والتطعيس
وتقدر تباهي كل ربعك تقل طاووس=وتنسى عقاب ورحمة اللي هدى بلقيس
واقول الذي يشمخ بفعله مثل قابوس=مقامه يخالف قايد المافيا عتريس

عواد= العلي

سرينا مع الراوي على دقة الناقوس=يقول المبادي ليش ما عاد له تكريس
وانا اقول صح النوم يالشاعر الممسوس=قوى الشر مثل الخير تبدا من التأسيس
مضى قرن وامثالي على منهجة مرؤوس=عيون البشر بالروس والروس وسط الكيس
بعيد النظر لاطال صوته غدى محبوس=اذا قالها يسأل ولو مقصده تنفيس
ترى الضرس يالراوي عذابه على المضروس=ولا يعتب المسلم على الحبر والقسيس
والاجيال ميراثه من اسلافهم بالروس=وانا وانت مابين الحضارة وراس غليس
وطبع الجهل مثل الوباء ينقله فيروس=وعدواه تستفحل من الغش والتلبيس
وقلنا قبل عامين من حالنا ميؤوس=وبيض الامل بديار يعرب بدا التفقيس
ربيع العرب قوت العقول وشراب نفوس=بداها بطل بو زيد من ثورت التحميس
وشعب الكنانه شن ثورة على الجاسوس=صداها تعدا البيت الابيض على باريس
اذا صار عند الشرق نفط وشعب وفلوس=بدا الغرب يفقد ثقل وزنه بلا تخسيس
وعدنا كما كنا على حضنا المنحوس=نغنى على ليلى وليلى هواها قيس
هذي اضافه من مناوشات خاصه مع الغسلان
عــاد عــواد الـطـنـايا
مـثـل شـيـال الـمـنـايا
مسكـنـه بـيـن الحـنـايا
بيـنـنـا عـيـش وصداقه
مرحـبـا بك يابوصالح
لو شرابك صار مالح
الـعرب صارت مـصالح
لاعــهــود ولا لـبـاقـه
النسب ولد الضياغـم
واللـغـم بالصـدر لاغـم
والـنـــغـم لاصـار نـاغـم
هو سبـب كـثـرة فلاقه
يحسب ان الحب رايع كبسةٍ والبطن جايع
وطاح كل الـعـقل ضايع وعايق الغسلان عاقه
قلت لـه خـل الـعذارى اودعت غيرك سكارى
حـكـمهن حكـم النـصارى
يوم طـبوا فـي عراقه
قال رايك راي حاسد
في دروب العشق كاسد
وانت يالغسلان فاسد دايـم
عـيـنـك لساقه
قـلـت ياعـواد طـعـني والـهـوى قبـلـك قـطـعـنـي
والنجـوم اللي سطـعـني حاست عقول الرفاقه
عـقـب ماذاق الـتـجارب الهوى لـسع العقارب
كــنهـا نـــفـض الكــهـارب
يوم راع الـزيـن باقـه
وصار طول الليل راغي يشتكي كسر البراغي
عــقـب ماعـواد طـاغي كـيـف عـذبـنـي شهاقه
قـال محـبـوبـي مـغادر
شف دمـوع الـعـيـن حادر
زيــنــهــا ياخــوك نـادر ومالـنـا بالــهـجــر طـاقه
والله ان الـزيـن غـالـي
لو غـرامـه سـم حـالـي
عـفـت كل الناس جالي
كان صـمـم فـي فـراقـه
ساحرٍ عقلي وروحي
لين بانت بي جروحي
لـو مـعـالـــيــقـي تـــفـوحــي مانــفــكـر فـي طــلاقـه
قلت تـسـتـاهل عذابك
ياملا الـغـاضـر شبابك
بالمـحـبـه ويـش جـابـك
قال ابي اجرب مذاقه

عواد
ابشر ان اخوك جالك
توي اشاهد مقالك
ياعسى الخايب فدا لك
جاك ردي في رواقه
يارفيق الدرب هذي
من هواها يستعاذي
ياحزامي ياملاذي
منك يازين الطفاقه
يامعزي يامواسي
عن هوى اللي راح ناسي
انت يالراوي سياسي
يابعد راع الحماقه
القلم حبره يجفي
قبل ماالحق فيك شفي
دايم واقف بصفي
كل مادنياي ضاقه
انت يامقدر ظروفي
انت يابهجة حروفي
واحد وتسوى الوفي ياشهامه ياطلاقه
انت ياعلك بعدها
ياغناة اللي فقدها
كبدي غيابه لهده
اشوفته صارت شفاقه
ليه غبتي يالئيمه
يابعد هند وحليمه
وانتي غيابك جريمه
يمكن يسبب اعاقه
ناوي بفواز نيه
ودي ارسله هديه
واذكر عزومه قويه
دايم يكسب سباقه