زمان الانفتاح وعالم الحريه
ياولـد هـات القلـم والـبـوك هـاتـه لـيّـه=ابـا عبّـر عـن هجـوسٍ بالحشـا مخفيهـا كثـرت التفكيـر نـارٍ فـي ظميـري حـيّـه=لوبغيت اخفي همومي هاجسـي يبديهـا قالـو ادلـه واتـرك التفكيرعـنـك شـويّـه=واندمـج مـع عالـمٍ نسيـة ذكـر ماضيهـا عالـم النسيـان مابـه مـن قـلـوبٍ حـيّـه=مقـبـره كــل القـلـوب المـيّـتـه تـاؤيـهـا حط راسك بالقلـص وادلـه بفـي وميّـه=ياسلـم راسـك كثيـر الــروس لاتبكيـهـا ذا زمـــان الانـفـتـاح وعـالــم الـحـريّـه=عش كثير تشوف عينك شي مايرضيهـا قلـت انـا مالـي ومــال العـالـم المبلـيّـه=عـالـمٍ بـاعــة قـيــم سلفـانـهـا مابـيـهـا لــو يحـطـون الثـريّـا والـقـمـر بـيـديّـه=والله ان امجـاد سلفانـي مانـي ناسيهـا لعـن ابـو رجـلٍ ينسيـه الـزمـن ماضـيّـه=لابـسٍ ثـوب الـهـوان وعريـتـه مبديـهـا يتبع الموضات بالروحـات هـي والجيّـه=مثل ماتمشي سمان الضـان مـع راعيهـا كنـهـا كـبـاشٍ سـمـانٍ سـاقـهـا راعـيّــه=ساقهـا الـدلال للمقصـب وضحـى فيهـا لـو قلـوب الاغبـيـا تـكـوى بمـيّـة كـيّـه=يمكـن ان الكـي يبريهـا مـن اللـي فيـهـا اوعسـى قلـب البليـد يـحـش بالجنبـيّـه=ويش ترجـي مـن قلـوبٍ لاحيـاتٍ فيهـا عالـمٍ تمشـي خـلاف المـوضـه الغربـيّـه=ضايعه ماالله على الدرب السوي قاديها كاالغـراب اللـي يقلـد مشـيـة الكـدريّـه=ما عرف مشي الحمام ومشيته مغديهـا ضايـعٍ فـي مشيتـه مابيـن ذيـك وذيّــه=جايبي مشي الحمام وضـاع فـي تاليهـا وابتكـر لـه مشيـتٍ ماحـدٍ مشاهـا زيّــه=يالله انك تقطـع المشيـه ومـن يمشيهـا الشاعر/مشعل عسام التريباني الشمري |
صح لسانك وعلا شانك
قصيدة توصف حال اللي ينسى عاداته وتقاليده ويمشي مع موضات العصر المخالفة للعادات الأصيلة شكرا لك بحجم السماء ولاهنت |
قصيده جميله - - صح الله لسانك
|
ابيض وجه كفيت ووفيت مشعل التريباني
تحياتي |
هلابك يابوعبدالرحمن وصح لسانك مــدد وأسأل الله أن يصلح أحوال المسلمين
تحياتي لشخصك لاعـــــــــــدمنا وجووودك. تم التنســـــيق |
صح لسانك ودمت بصحه وعافيه جزله من جزل
|
صح لسانك قصيده جميله شكرا |
احسبها ياخالد هات البوك احبها
اممم حلو |
اخواني الافاضل
اخواتي الفاضلات شكرالكم جميعا على المرور المشرف الله لايهينكم جميعا |
اقتباس:
نقد للواقع بشده صح لسانك يابوعبدالرحمن |
صح البوح والاحساس غالينا
|
صح لسانك لا هنت
|
اخوي عواد العلي
صح بدنك لاهنت شكرالمرورك |
اختي هدو الجوري
اختي ورده محمد صحت ابدانكن جميعا شكرالمروركن |
الساعة الآن 05:16 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010