يابونصيحة ما نبي لك نصيحة=تجارب الأيام كفّت ووفّت
الواقع اصبح يستفز القريحة=لو الصحف طويت والأقلام جفّت
ماعاد باقي غير الالسن صحيحة=جميع الابدان الصحيحة توفّت
أهل العقول الراجحة مستريحة=إن كان مادارت عليهم ولفّت
من يوم ما سوّو جهاز وشريحة=لي قلب ناغزني ولي عين رفّت
ماعاد احد يَحْسِب حساب الفضيحة=أغلب عقول المسلمين استخفّت
اللي تَحَسْبه ضلع محدٍ يزيحه=من وين ما لاح الفلاش يتلفّت
يا مصورين الضيف عند الذبيحة=أوضاعكم صارت من الزفت لازْفت
مابه مديح بْلا فعولٍ مديحة=عنكم ركاب المدح من صبح قفّت
انا اعْرِف المتردية والنطيحة=حتى ولو تحت المشالح تخفّت
المدح يزهَى والعبارة صريحة=رجلٍ ليا أرْكى للثقيلات خفّت !!

المشاركة الأصلية كتبت بواسطة عوادالعلي (المشاركة 1738808) كفّت ووفّت هذه القصيدة الرزينة الفاتنة صح لسان رزين وسلمت يمينك يابوطارق تحياتي

المشاركة الأصلية كتبت بواسطة هدوء الجوري (المشاركة 1738811) ابدع الرزين في الابيات والمعنى وانت غالينا ابدعت الاختيار سلمت لنا

ابيات جميله صح لسان الشاعر وسلمت يمينك

المشاركة الأصلية كتبت بواسطة سليكو (المشاركة 1738820) قصيدة رائعة صح لسان قايلها وناقلها ..... ابو طارق الشمري ... يعطيك الله العافيه .. شكرالك ..

المشاركة الأصلية كتبت بواسطة أمير الشمال (المشاركة 1738824) ابيات جميله صح لسان الشاعر وسلمت يمينك

المشاركة الأصلية كتبت بواسطة بنت بقعاء (المشاركة 1739148) اعجبتني حيل مشكور ابو طارق على ذوقك

المشاركة الأصلية كتبت بواسطة هشومسي (المشاركة 1739168) صح لسانك تقبل مروري

المشاركة الأصلية كتبت بواسطة فرح (المشاركة 1739244) قصيده جميله شكرا على اختيارك