|
مساء النور والبلور على كل شاطره وكل شطور
بسم الله الرحمن الرحيم مساء النور والبلور على كل شاطره وكل شطور .. اللي نجحوا طبعا اما الراسبين يروحون يذاكرون ويتركون الانترنت للمجتهدين فقط كنت ناوي أكتب عن موضوع في بالي لكن بعد المقدمه تحولت الفكره عندي وبدردش معكم عن المدارس والنجاح سبحان الله كل جيل له اطباع تختلف عن الجيل السابق حتى في الانتقال بين المراحل الدراسيه صار فيه طقوس مختلفه على ايامي << تراه شخص أثري كنا نتمنى ننجح لاننا نخاف من اهلنا .. ما كان فيه تفكير في المستقبل ولا نعرف شي اسمه تخصص او تخطيط اكثر ما ضيعنا برامج التلفزيون .. يقابلون مع الصغار والسؤال نفسه .. وش تبغى تكون لما تكبر يا شاطر ؟ الاجابات كلها يا ضابط امسك الحراميه او مدرس او يقول الطفل ابغى اكون مثل ابوي .. حتى لو كان البيت فيه عشرين طفل بيقولون نبغى نكون زي ابونا صار الواحد عايش في جلباب أبوه << تراه ما يتابع نور الشريف اول كنا نتأثر بمحيطنا ولا فيه احد كان يهتم بقدرات الاطفال او ميولهم الحقيقيه ياما مواهب اندفنت بسبب غياب وعي الاهل في تنمية قدرات اطفالهم على فكره ترى قلة الوعي في هذا الجانب مازالت موجوده لكن الحمد لله ان فيه انترنت يعوض بعض القصور ترى الجيل الحين تغير ولازم نغير بعض العادات ملينا واحنا نشوف البنت تشتري عروسه والولد سياره او سيكل .. اوك اشتروها لهم لكن خلوها شي ثانوي الاب والام اكيد يلاحظون حياة اطفالهم ويعرفون ان هذا يميل للرسم وهذا للقراءه وهذا يحب يفكفك ويركب لكن ما يهتمون ويتركون الموهبه الطفوليه تبقى طول عمرها طفوليه يا بشر اذا شفتوا طفلكم يحب الرسم اشتروا له لوحة رسم صغيره والوان وخلوه يرسم حتى لو قام يخربط اتركوه واذا كان يحب الكتب فيه قصص للاطفال جيبوها له لا تقولون انها تافهه تراها مهم بالنسبه له وكانه يحب يفكفك ويركب روحوا هاتوا له شي يحوس فيه انصحكم بمحلات التعليم المبكر تراها تفيدكم والوقت هذا مناسب جدا انكم تاخذون اطفالكم وتخلونهم يختارون اللي يحبون وانتوا ساعدوهم في الانتقاء الصحيح لكن لا تفرضون عليهم شي ما يبغونه كل طفل له شي على حسب عمره مثل الدفاتر تماما .. تخيلوا بنت في المتوسط أو الثانوي دفترها فيه صورة فله .. خييير على طاري الثانوي والمتوسط .. الحين عندهم حركات في الانتقال بين المراحل يعني البنت اللي بتروح من المتوسط للثانوي او من الثانوي للجامعه وش بتسوي اخر يوم تعالوا اقول لكم وش تسوي اخر يوم تشوف فيه انواع الورود والهدايا بين الطالبات والمعلمات او تجيب وحده تي شيرت وتخلي الغالين يكتبون عليه اما الاولاد تلاقيهم اخر يوم كل واحد معه كاميرا وهات يا تصوير ويقلبون الفصل أستديو .. بس وناسه كل المدرسه تنقلب فلاشات .. يذكروني بواحد اسمه البووووح اذا نزل في الشارع تجمعوا عليه الناس يصورونه (: ههههههههههه زبدة الكلام .. اهتموا بالاطفال وحاولوا تعطونهم لو فكره بسيطه ان كل انسان له اسلوبه الخاص في حياته وله قدراته ولا يكون نسخه مكرره وهو يقدر يكون افضل اما الكبار لازم يعرفون ان الحياة مراحل والفراق لا بد منه ولا يبقى بين البشر الا الذكرى الحسنه حاولوا تكون لكم ذكرى حسنه في كل مكان خلوني اشوف ردودكم في امان الله |
اما الكبار لازم يعرفون ان الحياة مراحل والفراق لا بد منه ولا يبقى بين البشر الا الذكرى الحسنه
مبروك لكل الناجحين ومشكور اخوي على ابداعك بالقلم والفكر |
تسلم يابوح على هالنثر التربوي المفيد
|
انا معك أخوي .. كان فيه قلة وعي بـ أساليب التربية النفسية .. و كثيراً ما أثرت هـ النقطة شخصياً .. و في اكثر من مكان ..! *** كثير أشخاص قابلتهم .. يهتمون صحة الطفل و سلامته الجسدية .. لكن أنا في رأيي .. صحته النفسية أولاً ..!!!! ثم بعد ذلك أناقش صحته الجسدية .. لكن فيه الحمد لله .. أناس واعين و مقدرين لـ نفسية الطفل .. *** أنا من الأشخاص الذين عانوا من النظرة النمطية .. و أن الطفل لابد أن يكون نسخه من والده أو والدته .. دون أدنى اعتبار لـ رغباته الشخصية و أحلامه ..! و صدقني .. كان الوضع مؤلماً عندما تخليت عن حلم الطفولة .. مقابل رضى أهلي عني .. لكني تركتها لله عسى ان يعوضني خيراً .. و يوفقني في الطريق الآخر الذي اخترته .. أو فرضه علي حكم القدر .. و الحمد لله على كل حال .. *** لا أنسى أن أهني جميع الناجحين .. و أنا منهم ^^" و عقبال التخرج و نيل أعلى المراتب الدنيويه .. في سبيل الله و طلب العلم .. و التوفيق لهم في حياتهم .. *** كل الشكر لك أخوي .. على طرحك المميز و الموفق .. قد اعجبني أسلوب السرد فيه .. و تناسق الأفكار و تسلسلها .. يعطيك العافية اخوي .. |
رائع بوحك ايها البوح
سلمت وسلم قلمك المميز |
سلمت وسلم نزف قلمك الحر اخوي بوح
والف مبروك لناجحين والناجحات ونت الف شكر لك على نزفك تقبل مروري |
اما الراسبين يروحون يذاكرون ويتركون الانترنت للمجتهدين فقط<<يصير ارد واناراسبه :55ar: مقدر الموضوع عجبني ولازم ارد
عجبني كثيرررموووضوعك وللاسف شفته بالوقت الضائع :132: على ايامي << تراه شخص أثري وانااقول وين شايفتك الظاهربالجنادريه يااثري والله ايامنا حلووه حتى لومانحنا شاطرين تلاقينا نجتهد نخاف من شي اسمه اختبار واجب مدرسه مو زي جيل الحين آخر تفكيره الدراسه خاصه مع الانظمه الجديده الكل ناجح اتذكر اختبارات الثانويه العامه كانت تسبب ربكه غير طبيعيه على مستوى البيت والعيله والمملكه كلها ,الحين اللي بثالث ثانوي نفس وضع اللي بثالث متوسط واخر شي ممكن نفكر فيه هي المواهب أهم شي تذاكر وتدرس. اومانلاقي مين يتبنى مواهبنا ويدعمناوياسلام لو نجحنا كل واحد له هديه معينه حتى لو بسيطه أهم سنوات حياة الطفل هي مرحلة الطفوله مرحلة اللعب يبدأ تأسيسه من هذي المرحله ..... الف مبرووووووك للناجحين وعقبالي بالدور الثاني هههههههههههه <<ياقدمي بوووح موضوع رآآق لي اتمنى تقبل مروري الله يعطيك العافيه ننتظرجديدك دمت بخير وسعاده |
مبروووك لكل الناجحين واللي مثلي عوضهم بالجنة:068:
|
مبرووووووووووووووووووووووووك لكل النااجحين
والله يوفق الكل ياربي يعطيك العافيه |
كلام جميل
وواقعي لكل الناجيحين على البركه نجاحهم والراسبين<<شدوا حيلكم وربي يوفقكم |
ياهلا وغلا بووووووووووووح
شخبارك ياحلو عساك بخير .. آآه بس .. ذكرتنا أيام المدارس .. بالفعل كنا نخاف من شي اسم ( هات ولي أمرك ياطالب ) ونخاف خوف شديد اذا المدرس قال ابعلم ابوك وش سويت .. وانت كل اللي سويته شي تافهه بجد .. ولكن تفكيرنا الوحيد ننجح عشان مايشمتون فينا خلق الله .. وعلى فكره انا تخرجت لي 7 او 8 سنوات من الثانوي .. اذكر لما كنا في الإبتدائيه اذا نجح واحد مننا سوينا حفله كبيره .. كيك .. وحلا .. ونفيخات .. واسمي على الكيكه وش كبره :017: بس وناصه بالفعل .. وش حليلنا متطورين وحضر شوي وكنا نسوي حفلات .. ونطلع للبحر الين الفجر .. لأن بالسنه مره وحده نسهر في البحر للفجر .. وباقي السنه كل ثلاث شهور نطلع لساعه ونرجع .. وكان همنا الوحيد ننجح عشان نستانس ونحتفل بالحاره .. الله يالحاره انواع الحفلات ودائماً تنتهي بهوشه يتفقع وجع عشوق :m17asmilies-com: بوووووووووح ذكرتنا بزمان راح .. ولما خلصنا الثانوي رحنا ندور الوظائف .. ونسينا شي اسمه تخصص او موهبه او شي محبب لدى الشخص .. وعدنا بالإدراج وسجلنا بالكلية ودرسنا التخصص المحبوب لدي .. وتخرجت وعلى أمل في خوض تجربه مع إحدى الشركات العالميه :h40: ولكن على قولة الوالده ( الدنيا توافيق ياولدي ) .. والحمدلله شي افضل من شي .. ولازلنا في خوض ومحض ودواره التعليم .. والحمدلله عملنا الآن تحت اكاديميه عسكريه تصنف من افضل اكاديمات العالم ولله الحمد .. يعني اي طالب تحت يدي راح يفلح خخخخخخخخخخخخ ويكفي ان مديرك احس احساس هههههههههههههههههه بوووووووح طرح اكثر من رايع جدن جدن جدن بالحيل :hfnf: عشوق |
شـكــ وبارك الله فيك ـــرا لك ... لك مني أجمل تحية .
|
طرح مميز تسلم على المشاركه
الله يسعدك اخي البووح ربنا ينجحنا جميعا يوم الحساب عند ربنا |
شـكــ وبارك الله فيك ـــرا لك ... لك مني أجمل تحية .
|
ألف ألف ألف مبرررررررووك للناجحين وعقبال الراسبين النجاح بالدور الثاني يارب
بووح الله يعطيك ألف عافيه ياخوي على طرحك الرائع موضوع استمتعت بقرائته رجعت للوراء ايام البرائه ايام ليتها ترجع << لو تكلمت بتصيح :134: كلامك صحيح بنسبة تنمية المواهب ومراعاة الميول واؤيدها الله يوفق الجميع لما يحبه ويرضاه لك شكري وامتناني ياراقي على موضوعك القيم ودمت بحفظ الله.. |
| الساعة الآن 12:45 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010