|
حبن واحبك
السلام عليكم
مساء الخير بالصدفه اتيت عبر البحث وكان اخر تواجد لي عام 2019 عساكم في افضل حال مريت ولا حبيت ان لا اضع شي لكم فـ انتم تستحقون الاكثر وعُذرآ على هذا الغياب اللغير مُبرر . . نص عاطفي يرتقي بكم . .
حبن واحبك حب ساكن هنيا=بين الضلوع العوج (ياشوق روحي) حبن و نشّن بالغلا لو تهيا=ماغيرك اللي في .. سمايه يشوحي اخايلك .. برقٍ .. ترادم .. عليّا=في مرزمات خيال شوفه تـلـوحي يالغاليه .. بالله .. مابي جفيا=حتى لو انه في .. كلام المزوحي استوحشك في ظلمة الليل ضيا=يانوري اللي زاهيٍ فـ الصبوحي أعلّق .. آمالي .. سما .. فـ الثريا=يوم إن قلبك بانيٍ لي صروحي لا يابعد حيي ترى القلب عيا=عن حب غيرك ما طرى له يبوحي قلبي عليك اليوم قد زاد غيا=وفي طلّتك صال الغلا لك يفوحي فوحت دلال الشمري يوم حيا=في مجلسٍ راعيه وجهٍ سموحي عليك لا من قلت .. بالله تريا=لايجرحن سيف الصدود الذبوحي لدي بشوفك يوم أنا اقول هيا=ترى الوصال اليوم يبري جروحي مشتاق لك شوقٍ .. مكانه هنيا=بين الضلوع العوج ( ياشوق روحي) |
هلابك ياغازي والحمدلله على السلامة وصح لسانك ملاااايييين
تغيب وتجيب الجزلات والروائع تحياتي لك لاعـــــــــدمنا وجووودك. تم التنســـــــيق |
أهلاً وسهلاً بك شاعرنا العذب
من طوّل الغيبات جاب الغنايم فعلاً جيت بفريدة من الفرائد الجزال قصيدة في قمة الجمال شكراً بحجم السماء |
نورت اخوي الشاعر غازي
ويسلم لسانك عساك للقوه تقييم |
[
كفوو مليون شاعرنا غازي شرفتنا بعودتك وقصيدتك الراقيه برقي سموك |
سلمت يمينك . ودمت بهذا التميز والابداع
|
الشاعر : غازي بن عالي أبدعت في رسم الحرف لوحة تشكيلة..
سعدت بقراءتها عبر النظم البديع جمل الله حالك |
صح السانك شاعرنا غازي جزله من شاعر جزل
تسلم اناملك على اتحافنا فيها تقبل مروري |
صح لسانك ابيات راائعه شكرا |
ياسلاااام صح لساانك فخامه لا تقل عن شاعرها
ابدعت |
تعيش وصح لسانك وبنانك
تقييمي لك |
لا يـابـعـد حـيــي تـــرى الـقـلـب عــيــا.........
..........عـن حـب غيـرك مـا طـرى لـه يبوحـي رائع النص الشعري العذب الجميل ..... يسمح بالغياب إن كان ثماره هذه المعزوفه الرائعه أبدعت شاعرنا العذب غازي ...... دام حضورك ولا يطول غيابك |
يازين هالصدفه وهالجية شاعرنا الغالي
صح لسانك سعداء بوجودك |
| الساعة الآن 02:33 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010