منتديات بعد حيي

منتديات بعد حيي (https://www.b3b7.com/vb/index.php)
-   | المساجلات الشعريه | (https://www.b3b7.com/vb/forumdisplay.php?f=143)
-   -   لديـك رسـآله شعريـه , آضغط هنآ لقرأتهــآ ..!~ (https://www.b3b7.com/vb/showthread.php?t=135516)

براق 03-29-2016 02:00 PM

لديـك رسـآله شعريـه , آضغط هنآ لقرأتهــآ ..!~
 
في هذه آلصفحات سوف ننقش جميعنآ
رسآئل شعريه جميله
لكل قلب شآعري
يهوى آلشعر وآلقصيد
فهذه آلصفحه سوف تحمل لنا آجمل قصآئد قد قرأناها
ونريد آن يشآركنآ آلجميع في قرأتهآ

ف مثلآ :~

* نكتب لكل (قلب حزين ) :
يا ضايق الصدر بالله وسع الخاطر
دنياك يازين ما تستاهل الضيقه
...........الله على ما يفرج كربتك قادر
والله له الحكم في دبرة مخاليقه
...........حلو العيون استهانت دمعها الحادر
كف العباير حزين الدمع ما طيقه
.........حسايف الحزن يغشى وجهك الطاهر
والورد في وجنتك حرام تغريقه


* وعن كل ( قلب رآحل ) :
فمان الله يا راحل وتاركنا بدون أسباب
....................سمعت الشور من حاسد ولا قدرت تاليها
نقول إرحل ترى ما عاد تفتح لرجوع أبواب
...................محبتنا الأصيله باقيه باسمي مباديها
يا راحل لو يطول البعد منا ما سمعت عتاب
.................نقدر عشرت الغالين والزلات نمحيها
رحيلك زود الحرقه وغرق بالدموع أهداب
................ولا هو باختيارك تقنع النفس بمآسيها
وأنا ما بي يبين الشرح للاقراب والاغراب
...............وتكفيك الاشارة والامور بيدك تنهيها
و أنا ما كنت أقول الشعر لو ما احس قلبي ذاب
.............عتب عيني على من هو حرمها شوف غاليها


*وعن لكل ( قلب يحب ) :
احبك يالغلا حبن تعدى عالم المعقول
.............ومن زود الموده صرت اشك بحبي لذاتي
احبك حب فوق الحب وحتى الشرح معه ايطول
.............ومن زود الغلا الفت بك اجمل رواياتي
احبك حب ماحبه على طول الزمان انسان
...............ابي قلبك انا المرهف امانه يابعد عيني
ترى حبك يزيد فيني واشوفه صاير(ن)بركان
..............ولاقوى اصد ناره ولاحد(ن) منه ينجيني
غرامي لك شعور ثاير معزه مع غلا وحنان
..............انا ميته في بركانه وابي القرب يحيني
تمنيتك صدى واحلام ولاصار بيننا ما كان
.............تمنيتك هقاوي القول ولا لحظه تخليني
رجيت الله يعطيني وصل حبك مطر هتان
.......... ابيه يسقي ورود الحب في قلبي ويرويني
عطش وردي وجاب الله سيول تروي العطشان
.........عسى وصلك علي دايم يرد الروح ويرويني
تقولي جيت هلاوالله سكنك الروح مع الأجفان
............واذا كان شفتها شويه تدلل يانظر عيني


*وعن ( آلعذاب ) :
يالتني في دنيتى ما تعذبت
.............والاعرفتك يا بعد كل غالى
صوتك يعذبنى وأنا آقول الاهنت
...........يامنيتى حبك يعيش بخيالى
الاتعذب المشتاق في حكمك امنت
.........راضي بحكم أيامنا والليالى
خذنى معك اللى تبى وين ماكنت
.........ماشى بدربك وانت عطنى مجالى


* وعن ( آلهموم ) :
اون ورياح الليالي توني"
..............والبرد في جوفي كما الغار خاوي
ماكن لي عقل ولا قلب كني
............جذع وقف في وجه الأيام ذاوي
وبي عبرة محبوسة تمتحني
...........وفي عيني وحلقي وصدري شكاوي
إن قلت زانت خالف الوقت ظني
.........وإن قلت هانت عاجلتني بلاوي
أجامل ايامي ولا جاملني
.........هامت بي الدنيا هيام الخلاوي
الوقت جاير والليال اسهرني
.........والحزن ما بين الضلوع متلاوي
أون وكل يحسب اني اغني
........عليل وكل يحسب اني مداوي



م / ن

آلمسآحه بين آيديكم ..!~

براق 03-29-2016 02:01 PM


كنا نحـب وكانـت قلوبنـا دور
تسكن بها يـوم المشاعـر تحبـك


بيتك من جداره ليا الباب والسور
ريح المفارق هدتـه مـن مهبـك


ضيعتني يالطايـش بنزعـة غـرور
لعبي غيابـك . . وطيشـك لعبـك


مرت ثلاث سنين في ظلمة الجـور
احسبك فعيوني واعـود واصبـك


إلين جفت والمحاني غـدت بـور
تبـت وترجيـت الامانـي تجبـك


استسمحك و استسمح عيونك الحور
ماعاد ينفـع جـرح الايـام طبـك


مجبور اصد احساسك العذب مجبور
ماهو بكيفي حكـم ربـي و ربـك


ودي احبك بس ماعنـدي شعـور
عطني شعور وشوف وشلون احبك



~ غ ــــيد ~ 03-29-2016 08:40 PM

لاتنادي خلن دامي وصلت
هزني صوت المنادي بالرحيل
حدني طبعك ع الضيق ورحلت
الكريم يضيق لاخاوى بخيل

ابو طارق الشمري 03-29-2016 08:54 PM


مَلَكْني هواااك ودمعتي تروي العطشآن=و حآلي عليلة والشراااييين مسمووومه
أحبك.. أحبك.. لوتجازين باالهجرااان=واقآسي عذاااب الهجر..والجور.. واعلووومه
ليال الشقاء تمضي علي والفرج مابآن=أعيش العناء والضيم والظلم واهمووومه
بقلمي.

هدوء الجوري 03-29-2016 11:28 PM

.

مساحة عذبه كانت
اكتست بالبياض فهنا لحن على انغام
الاحساس
برق انت حقا رائع
فهنا مساحة ستكون روعة الاحساس
تقديري

براق 03-29-2016 11:54 PM

الله يحييكم جميعا منورين كلكم
ماخلا ولاعدم

زفرات الصمت 03-30-2016 12:20 AM

مساحة جميلة سنتذوق فيها رحيق ذائقة المتذوقين الشعرية العذبة

و بأذن الله تجد تفاعل ينعش قسم الشعر

تشكرات يافاضل

احترامي

زفرات الصمت 03-30-2016 12:21 AM

افتحي للحب في روحك درايش
عيشي النسمه مثل ما تشتهين
/
والله انّي قبل أحبك - كنت عايش
بعد أحبّك - صرت عايش مرتين !

وتم بعيد 03-30-2016 12:45 AM

مسـآحه بَ نـقـاء قلبك يّ أمير
جوريه لــ روحك
:152:


يّ غايبين
ردوا لنا بكلمتين
باقي لـقى ؟
وَ إلا نكمل النص الحزين !
ليل وَ شقـى
صُبح وَ حنين
غابواا
وَ بقى ذكرياتهم
وَ آخر ضحكتين
~

على النيه 03-30-2016 01:27 AM

.
.
ياشينها لاتاهت ادروب الأحباب
............. وكلن ركب راسه وعند وقفى

على النيه

زفرات الصمت 03-30-2016 02:48 AM

لا تضحكين ، ملامحك أجمل اذا وجهك حزين !
والدمعتين المالحه ماهي لـ عينك صالحه !
ما طاحت الا من وله تبي تبوس الوجنتين !!

عذبة الجنوب 03-30-2016 06:59 AM

الله عليك براق مساحة لهمسات معبرة
لاهنت وكما عهدناك الروووعة هي تميزك

‏عين تسولف بالخفا عن ملامحك
وقلبن يهذري بك تعابير واعجاب


هدوء الجوري 03-30-2016 11:28 AM

http://www.dreamjordan.com/up/33882hlmjo.jpg
امي خذت كل الغلا والتعابير
ياجمل ثلاث حروف حارت بفمي
احبها وأموت فيها عن الغير
ياحس وجداني وياعرق دمي


براق 03-30-2016 12:07 PM

عن ظلمة الحرف لك في كل ضلعٍ فنار
و ان هزك البرد من حرّ المشاعر تدف


لك من سنين العمر لا غبت عمر انتظار
للموعد ان جيت وان ماجيتني ؟ للصدف ~

~ غ ــــيد ~ 03-30-2016 01:15 PM

اضحكي لو يمتلي صدرك طعون
وغمضي عيونك وداري غصتك
ماهي نهاية قصتك لو يرحلون
هذي نهاية دورهم في قصتك !


..

الله يبقيك ومنوره بـصاحبه


الساعة الآن 12:49 AM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

mamnoa 5.0 by Abdulrahman Al-Rowaily