ليه انا بالشمس وانتي بالظلال
السلام عليكم ورحمة الله وبركاته
اسعدتم مساء لا يليق إلا بوجيهكم السفره جيت عاصف من هواجيس الخيال .......... والقــوافي تفْتــل البيت وْتزيــده أسْبق الفكــره واهــدّي باعْتــدال .......... كنّي اللي يطْلــق الصيد وْيصيــده قـــاصد ٍ في مشْيتي راع ِ الجزال .......... شـاعر ٍ ما يسْمع الناقص رصيده قلت يـامتعب كريمـــات الخصـــال .......... وش تقول بْحِلَّّة الشِّعْر الجديـده ؟ قــال يا خـــالد أنـا بسْــأل تعــــال .......... لو سمحْت ابغى جوابـك يالوليده كيف يا الموجه على نهْر الجمال .......... القصيــده نفْسَهــا تكتب قصيده ؟ كيف يالنجدي سرقْت امْن الشمال ..........صدْرك الواسع مع الروح الفريده ؟ كيف تضْحك لو عبَس وجْه الليال .......... والجروح الباكيه تمْسي سعيده ؟ كيف نــارك تنْطوي بين الــدلال .......... يكْتفي كيفك مع انســان ٍ تريده ! للهوى سطْوَه تجي وقْت انفعـال .......... تخْتصر إحساسك فـ جمْله مفيده وانت يالشـادي إذا دبّ النـــزال .......... وانْطلق فــنّ الكــلام اللي تجيــده المـــلاح بْلمْستــك يصْبح زلال .......... والقمــر تقْـــدر تَحَكَّم في وقيــده والشِّعِر يسْأل عن ابياتك سؤال .......... لا من اسيـاده ولا هي من عبيده عمّهـا راسـك وقلبك والخــوال .......... الجروح اللي صَحَت تنْعى فقيده قلت لـــه رَدّي غدا كنّه مقــال .......... إفتح الإيميـــل تلقــــاه فـ بَريــده خلني بضْرب مع الرحمه مثال .......... لــوْ لحَقْني من معــاليكم نقيــده يالحبيبه مابقى فيني احتمــال .......... ماتت احلامي وهي تسْهر شهيده ليه انا بالشمس وانتي بالظلال .......... ملَّت الآهــات من جرْح المكيــده فرْحتي ذابت على خدّ الرمــال .......... بالصحاري تبْكي الماضي شريده راقت لي للشاعر/ خـــــــالد |
يسلّم ذوقك وَ انتقائك يّ بطل
عوافي قد السماء الهي يسعدك وَ يديمك يّ بيك :152: |
راائعه ومميزه انتقاء راقي سلمت يداك شكرا |
هلابك هوجاس وأشكرك ع نقلك الجميل
لاعـــــــدمنا وجووودك. |
شاعر يستحق الاشادة
خليط من احاسيس ومشاعر وكلمات ذات عمق شكرا غالينا بحجم السماء |
اشكركم على الحضور وفقكم الله اسعدني تواجدكم الطاهر
|
رائعة جدا واختيار موفق
صح لسان شاعرها ولاهان ناقلها |
تسلم ضيف العتيبي وفقك الله
|
الساعة الآن 01:32 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010