الناس تال الوقت ضاقت صدوره
 

الناس تال الوقت ضاقت صدوره
على اقرب الاصحاب بيّن غضبها

الظاهر ان الناس قرّب دبوره
اشوف شيطان الاوادم ركبها

ناسن تقلّد حقدها في نحوره
وابليس في سوق التهالك جلبها

مات الرحم والبغض بيّن نشوره
وكلٍ على الصدقان خيله هذبها

دور الرحم قفّاء ويبست زهوره
واستسلمت بعض الرجال لجربها

شيطان الانفس حط للناس بوره
نيران حقدن والاوادم حطبها

ثبّت مراسيمه وعمّر جسوره
بين الرفاقه لين فرّق شعبها

القطع سوى له على الناس ثوره
كم لحيتن سيف القطاعه قصبها

كلٍ على الهسات يبرز حضوره
واسرج خيوله للهزال وهذبها

علامت الساعه تبيْن ظهوره
من يوم نار الحسد ولّع لهبها

مشعل عسام الغافل التريباني الشمري في 18/10/144‪2هجري

حياك الله شاعرنا
دائم مبدع باطلالاتك وشعرك الراقي
صح بوحك وكلك

هدؤ الجوري
صح بدنك شاكرلك على المتابعه وحسن الاطرى

صح بوحك ع مجمل الابيات ورائع السطور
كثرربي خيرك دمت وبخيروعافيهه https://s-eshq.com/vb/images/smilies/c(50).gif

صح الساااانك مليار ولا يسدووون

اخواني
واخواتي
صحت ابدانكم جميعا شكرالمروركم

بارك الله فيك وفي نسجك الطيب

لله درك يا إستاذ مشعل الشيباني على هذا العقد الفريد من الابداع ... صح لسانك الف

العفو اخوي عبدالعزيز انامشعل التريباني ولبسى الشيباني
شكرالك على المرور والاطرى لاهنت يبعدي

المعذرة ي أخ مشعل التريباني جل من لا يسهو ،، هذا وسبعة انعام بك ياجزل

ماعليك زود لاهنت يبعدي

صح بدنك لاهنت يبعدي

حضورك اجمل اخوي اميرالشمال
لاهنت يبعدي شكرالك