[TABLE1="width:85%;background-color:black;"]

ياذيب ياللي عالي الجال ترقا=قبل شروق الشمس ترقاه وتويق
الجو صافي والسماء فوق زرقا=والارض من تحتك سهول وطواريق
بالصيف عن حر الملاهيب نرقا=ضلن تحت هاك الصخور المدانيق
ولك بالشتاء عاليه مزبن وشرقا=يداعبك ضو الضحى بالتشاريق
مانته مثلي تايهن وسط برقا=في مهمهن جوه عجاج وتواهيق
لوا هنيك فيك الاشواق غرقا=ماولعت جمره غضاء بالمعاليق
وانا بصدري نار الاشواق حرقا=يذراء رماد الشوق بعد التحاريق
يطرق فوادي كايد الهم طرقا=واجمع شتاته بالضلوع المغاليق
ياذيب يدرقبي له سنين درقا=جور الزمان اللي فعوله مداريق
يسرق نعاسي لاقبل الليل سرقا=والموق عبراته تهل المطاليق
تعبت اشيل الحمل..اميل وارقا=معاد بي حيل على الهم والضيق
يبست غصونٍ بأول العمر ورقا=واليوم ذاوي مابقابه تزاريق
ليت الزمان يعود من عقب فرقا=واقطف ثمر ذيك الغصون المواريق
وأبنصحك ياذيب..لاعاد.. ترقا=عفون خلق الله..بذبحك مسابيق

قصيدة الأسبوع الثاني/محمدويقسم لك قسم,,,
الشاعر /برق البروق...
( .. رومانسيه أخاذه ..)

البارحه شد الوتر فكر لولاس=صارت تقسم حزنها لا نداوي
اجراس فكري دقت الهم بأجراس=قامت تهز اطبولها بالعزاوي
لاحت للي الدنيا توقد لها عماس=وأترجع الراس المطمن علاوي
والضيقه اللي زفرته بين الانفاس=تجذب شهيق النفس جدع البلاوي
تطاء عروق القلب في حزة ادماس=واتعيش في جو اتبلد خلاوي
يعني كذا الايام في واقع الناس؟=والا انا بس الوحيد الشقاوي!
بالله جاوبني قبل هزة الراس؟=قلها ترى منت الوحيد الجلاوي!
يمكن يطيّب خاطري كذب الاحساس=واعيش في واقع زمان الشكاوي!
انخاك ونخوه تحدك للافلاس=يرحم ابوك اليوم مابه نخاوي
خذها على صدرك تجاريح الانجاس=وخلك على نظرة بعيد الهقاوي
يمكن يطيّب فزعتك عرق دساس=ويمكن تشوف ابنظرتك يالعماوي

قالـت مــن انــت..؟ وقـلـت انــا الـحـزن كـلـه
حزن القهر والشوق .. والجرح .. والصمت
الحـزن ضيـف .. وصـرت انـا فـي محلـه .!
لامن جلس .. اجلس .. ولامـن وقـف قمـت
احـيــا عــلــى الـمـاضــي .. والاشــــواق ذلــــه
عــــن قــســوة الـحـاضــر .. وانــــا ماتـكـلـمـت
ارجـــــــع وخــطــواتـــي شــــكــــت مــاتـــدلـــه .!
واضـيـع فــي درب(ن) .. بشـوفـه تألـمـت .!
واقفـي وصــدري .. سـيـف الاحــزان .. سـلـه
يــذبـــح بـــــه الــهــقــوه .. وانــــــا مـاتـنــدمــت
وارجــع عـلـى الـذكـرى .. مـعـي كــل عـلـه .!
تفـطـر عـلـي .. وانــا عـلــى شـانـهـا صُـمــت
غــيــري يــنــام .. وحــلـــم لـيــلــه .. يـضــلــه
وانــا بحلـمـي .. يـمـضـي الـلـيـل مـانـمـت .!
مــلـــيـــت .. يــاحـــقـــد الــســنــيــن الــمــغــلـــه
وشلـون..؟ مـن جـورك .. انـا ماتعلـمـت .!

لاظوي الليل بظلامه ودي بس استسمحه=يحبس اهموم ٍ تجي // كل ماقبل سارحه
تلعب ابقلبي ولا/ لو / لــ/لحظه تبرحه=لــه شعار الصبح قـــبله // فلا / هي رايحه
واهني منهو همومه من خفوقه سررحه=واهتني الليل بمنامه / ناسي .هم البارحه
مخرج الهم احتواني / وابتدي في مسرحه=صفق الجمهور / دمــع ٍ .تهامل فاضحه
كنها دمع اليتيم (اللي) بخده تفضحـــــه=دون مايدري جرعها في , طعمها ،،مالحه
لا شرق بالصوت يفضح كل دمع ٍ يمسحه= لو سمع كلمه لصاحب كان فيها يمازحه
صاحبي وشبك لخلك في يمينك تجرحه=والليالي السود ،، كافي في زمانه . جارحه
ربما الحب بزمانك سوق من به ربحه=كنه اسهم بالتجاره ، كل ٍ . يحسب صالحه
مابقي بالحب صادق مصلحه في مصلحه=صاروا اهل الحب قصه في سنين ٍ نازحه
وش بغيت امن اعترافي هل (خفوقي) تذبحه=هذا ذنبي من غرامك يوم جيت اتصارحه
انت كالذنب بحياتى مانت بغلطه ندمحه=وكل تايب عن (خطا) ربي . فيها ،،سامحه
ارحلي بسكات مالك بالهوي درس اشرحه=الوفا ساس القلوب ، وانتي .مانتي فالحه
من عطاك القلب كله فيه يمينك تفتحه=ذاكر اسم الله عليك قاري (عنك الفاتحه )
واستعاذ من البشر عين لزولك تلمحه=وعن عيون الناس خوفه ( بنظره ) ذابحه
فاركه باصابعك مثل فارك مسبحه=ماتحس وهو (يحس) بس ،،مثلك . جامحه

ماكري رؤؤس النوايف باالجبال
وفي ربوع االارض شامخ كاالنخيل

المواقف هي شواهيد الرجال
ان بغيت اعطيك اثبات ودليل

شامخاً في نجد والمرباء شمال
طاغياً باالـمـجد هذا اكبر دليل

لا نتشاء الخافق سرريت الرحال
مع جهام الليل شديت الرحيل

في شموخ المجد عانقت المحال
في علوو ه رغم انف المستحيل

خاب ظني فيك ياظبي الشمال
كنت اشوفك كبر انا اللي لك اشيل

اسئلك بااللي وهب حسنك جمال
من متى و الغدر هو رد الجميل

ضاق حال الحال يابنت الحلال
ما تشوف الحال والجسم النحيل

كل ليله ليلها عندي ليال
في غيابك كل ليله بلف ليل

مال غصن الورد عوده ثم مال
وين ماهب الهوى غصنه يميل

كنتي اجمل اجمل اَيات الجمال
في عيوني اجمل اجمل من جميل

كنتي ديمه وسط غيمه باالخيال
باالسماء تلعب وعيني لك تخيل

كنت احبك حب هبل باالهبال
مادريت اني انا اهبل هبيل

الحب مثل البحر ما كلن ايعومه=به موت وفيه الحياه وصعبه أمواجه
الموت بامواجه اليا جات مسمومه=تذبح خفوقك وقلبك يصعب اعلاجه
ويدور فيك الزمن وتكره احلومه=يضيق كل الفضا تصغر لك افجاجه
وتموت الاحلام وتصبح حيل معدومه=وتضيع كل الأماني تهدم ابراجه
واما حياته ليا من خليت اهمومه=دايم تعيش ابسعاده ساطع اسراجه
اوصفه كنه سما ساطعتن انجومه=هذا هو الحب نوره صون منهاجه
ياكثر ياكثر مانقرا عن اعلومه=قصص جميله وكلن يضحك احجاجه
يا لوحة الحب بالاقدار محكومه=نفرح اليا زان ونصبر لابدا اعجاجه
ياقلب عود بعد مابانت ارسومه=مالك ومال الشقا ودروب منعاجه
ارتاح خل العنا لا تلبس اهدومه=الحب متعب ومزعج ما ابي ازعاجه
الحب مثل البحر ماكلن ايعومه=به موت وفيه الحياه وصعبه أمواجه

ولي العرش ماحطك على روس البشر رادار=وعن عيب العرب عالج شرور النفس وعيوبه
وهرجك لاسرى من دون لا قابض ولا شنكار=تبي تلقى الذي لاجاه ذكرك قال والكوبه
وترى اللي يطلق لسانه بميدان العرب منشار=مثل ماقال بالعالم عيال العجز قالوا به
ومن يجعل هروج الناس بأعراض البشر معيار=يشاهد صورة العالم على الشاشات مقلوبه
هروج الناس ماعادت تخاف الواحد القهار=وتصير اكثر روايتهم كلام ضاع مندوبه
يقوله ساقط شاهد كرم غيره وقلبه غار=مثل ماغار قلب اللي لها الكفين مخضوبه
خسيس ولا يلاقي له بديوان العباد انكار=ويظن اهل الندى تنهار للي صاد عرقوبه
سكوت الناس عن ظلم الحواسد للكرام اقرار=يشارك بالذنوب وشرهة العاقل وعذروبه
ولو كان الحكم يرفع على الوجه الرزيل انذار=ويلقى الطرد لا عاد لرداه وكرر اسلوبه
لقيت ادغام عفن الناس لايمكن يصير اظهار=ويشرب بالدلال اللي لغوده غير مربوبه
وتصبح نية الاضمار بهروج الخبيث اخمار=يساوي في عيون الناس عنز غير محلوبه
واذا يعنيك رجل حال دونه بالكلام غبار=وتريد الصدق عن حاله قبل دعواه وهروبه
تشوف اللي عناك امره وعينك بالعرب منظار=وكديش الخيل مايخفى بجانب كل منجوبه
وتطلق في سماء عينك وتفكيرك ثلاث اقمار=تراسل موجة افكارك وتسري في تلسكوبه
جهاز الرصد في فكرك يراجي صورة المسبار=وفكرك يلقط شفرة وتصبح وسط حاسوبه
وتقوى الشوت والتهديف بالمرمى بدون آيمار=ومن شافه يقول اهداف عند الصدق ملعوبه
ولا تصبح كما طير اليا شاهد ظلاله طار=خصوصاً لاظهر شيب الزمان ودار دالوبه
كلام الصدق ماياصل مع العالم ثلاث اعشار=ومنكوس الكلام اليوم تسع اضعاف مسحوبه
واذا صد الرفاقه وانت ماتدري وش اللي صار=فلا تبحث عن اسباب القطيعه ويش ماجوبه
ولا تطلب من العايف يقدم في جفاه اعذار=وعسى رب الملا يسعد مساه ويسمح دروبه
طبوع الناس مخلوطه بصوت الذكر والقيثار=وكلن حسب مقياس البراغي شال سكروبه
مدام العود ماتظهر لحونه قبل خمس اوتار=مع اني مانقلت العود في عمري ولا نوبه
وحكم الخلق واقداره بلوح الواحد الغفار=ورحمة خالق الدنيا بدرب العبد منصوبه
ولا تحكم على المخلوق في جنه ولا في نار=ترى العقال في دار الشقى ماتامن عقوبه
ولو رزق الملا بكفوف راع البنز والفكسار=لقيت اكثر هل الطولات قبل الصرف مشطوبه
لأن اهل الندى والصدق ماله بالعرب مقدار=وتلقى عيشته عند الكلاب السود مكبوبه
واذا حاولت دفع الظلم ماتلقى وراك انصار=بجنب اللي الياشاهد هل الفزعه دفق كوبه
وشفت ارزاق خمسمايه توزع في ثلاث انفار=وحاجات اليتامى من كبار الكرش منهوبه
علف خيله ثلاث شهور يصرف كاش بالدولار=ويكفي قيمة اعلاف الفقارى قبل مشذوبه
يصير الغيث له طبلون بالنسبه وفيه اسعار=وقبل الدفع ماتقطر عليك المزن لو نوبه
اذا ما تم تصديره لقوم تدفع المليار=وناس قالت المخزون ضاع وقل منسوبه
مدام ان الجهل يقصر لك الكيلو ثلاث امتار=وداء الجهل مايمحاه مستر جون وحبوبه
وزيجة شرع رب العرش تغنينا عن المسيار=وعن فتوى الذي يرجي هدايا الشيخ وجيوبه
مدام الزوج والزوجه وشيخ القوم حكمتيار=تعرف ان الطلاق السبت لو ماهي بمكتوبه
على المسيار والمقناص والزاير مع الزوار=وكل اربع وخمس شهور بنت القوم مركوبه
وانا رجواي في رازق كسير الناب والمنقار=يزيل امراض من يربط حبال الحقد وخبوبه
من اللي ترسل الغارات فيها شعوذه واسحار=نسوا وقفة هل التوحيد يوم حصار بعقوبه
وانا جاني رفيق كان عندي من حمام الدار=وشفت اهل الردى والهرج بالقالات عاثوا به
وينقل صوبنا بوك حصيلة محتواه اشعار=وتنسب لي من اللي يعرفون القاف وغيوبه
كلام ساقط مافيه لنفوس الندى معبار=ونسخة عملته داخل بنوك الشعر مضروبه
وانا شاعر ولي بصمه ولي منهج ولي مقدار=يهيض بخافق ينظم بحور الشعر مصبوبه
على نهج الجدود اللي بوقت الشيخ ابن بقار=قبل يطلع قصيد اللي يهيم بزول دبدوبه
بوقت كان مايسمع قصيد العفن والثرثار=ولا صارت بحور الشعر والقيفان مثقوبه
ولا داج القصيد بسوق راع القرش والدينار=وقبل اعراض داء الكذب واستفحال ميكروبه
قصيدي مادخل في بيعة التاجر ولا السمسار=ولا هو سلعة تصبح وسط السوق مجلوبه
اذا هاضت تماثيلي تقول انه هميل امطار=تقول انه عقود الماس فوق نهود رعبوبه
يغوص الفكر بأمواج المحيط الهايج الهدار=لما تظهر بشاشات الحشى والجاش مكتوبه
واذا صبت الهدف قلته بديوان الكرام جهار=ومن يعنيه هذا الامر تاصل نسخته صوبه
وليش اجحد نياشين رميته طايع مختار=لو ان الشتم كلمات لنا ماهيب مرغوبه
ويوم انفي اخبر ذنوبنا اللي بالحياة كثار=واظن النفس ماتحتاج فوق اخطاه وذنوبه
لو ان ذنوبنا صارت بميزان العمل قنطار=تزيله رحمة ماهي عن العاصين محجوبه
ترى اللي يفتح الرادو ويسمع نشرة الاخبار=بها اللي يجعل العاقل يشوف الشرق منكوبه
معمر ثم صالح ثم جيش الطاغيه بشار=يبيد الشعب والجولان عند الخصم مصلوبه
وشهيد السبع والستين في قبره بليا ثار=وقيادات العرب كله على العربان محسوبه
دعاية عصر ابوخالد زعيم القادة الاحرار=فخوخه في دروب العلم والخيرات منصوبه
وحرياتهم صارت لهايب ذل واستعمار=على كاهل شعوب في حجيم الهون مغلوبه
غدت مع سربة العدوان باللعبه بدون ستار=وخلت جيشها للجار واهل الدار وشعوبه
صحيح اقبال دنيانا بنظرات الفهيم ادبار=ولو تكشف حقايقها تصيح وتعلن التوبه
ولا ترسي مراكبنا الضعيفه لا وطاه اعصار=ولا كل البشر تضمن مطاعن راس كلوبه
ولكن الاكيد ان الليالي لو تطول قصار=وتبقى النفس لابواب الامل والعيش مجذوبه
واشاور من ركب صهوة جواده داخل المضمار=وسار الدرب بالتجريب والشده ماهو دوبه
يجيب الشور مايشبه قصيد الشاعر المحضار=مدام النار ماحطت وسوم الوقت بجنوبه
وانا لولاي اخبر ان البشر ملفاه خمس اشبار=واخبر الروح ترحل من شقى دنياه مغصوبه
واخبر امثالنا كانت تقول ان الزمن دوار=ونفس الناس ترحل ماخذت بالعمر مطلوبه
اعرف شلون اسدد دين دياني ثمان امرار=سداد ماتوافيه الملامة لو شلق ثوبه
ولكني رفعت النفس عن درب الردى والعار=وثقل العقل والطيبه حلا عمرك ومكسوبه
وباقي جثته لو داج بأسواق الخلايق بار=مدام ان البواقي بالاوادم غير محبوبه
وقاله بندر ابن سرور ذاك الشاعر البيطار=ومع بندر فناجيل اكثر الشعار مشروبه

لاتسئلين الناس عني وانا حي=ان مت قولي وش حصل في حياته
خلي هواجيس الغلا تاخذك في=وتعيش بدموعك حزن من صفاته
في دنيتي ماشفت انا باالسماء ضي=غيرك عكس نور القمر ياغناته
ياللي عيونك من صفاها بها مي=والرمش طايح وان وقف هو عباته
وان سلهمت طير السماء صابه الغي=حول عليها ومرها من حلاته
والخشم سيف(ن) جهزه خالقه لي=اموت به طعنة امل من غلاته
والفم يدعيني وهو مانطق شي=لولو ورى ياحمود ضحكت شفاته
الشفه اللي فوق فيها اللحم ني=مالامسه روج القلم من نباته
والشفه اللي تحت جرحه بقى بي=مالت وعضتها قديم امنياته

قصيدة الأسبوع الثاني عشر/ اللعبة المكشوفه,,,

الشاعر/ جميل مساعد

(ثاقبه وواقعيه)

رقيـت رجـم الغـلا والشعـر وحـروفـه
سجيت به ساعة الضيقه على معنـا
سلام ياللـي عليـه النفـس ملهوفـه
والـخـاطـر الـلــي يفـرقـنـا يجـمـعـنـا
بينـي وبينـه يحـول الـوقـت وظـروفـه
والساعه اللي على شوفتك تنفعنـا
ذعذع عليه الهوى وأبعد عن الشوفه
وأرخى عليه الهجر وأصبـح مقاطعنـا
يليتنـي مامـدحـت لغـيـري اوصـوفـه
يليتـنـي سـاكـت ولاقـلـت مطمعـنـا
واللـي فرقـنـا تـراهـا نــاس معـروفـه
عـذالـنـا والـغــلا مــاعــاد يسـمـعـنـا
مـن بعدهـا فـارقـت يديـنـي اكفـوفـه
مـاعــاد فـيـهــا كــــلام ولا تـراجـعـنـا
حظي كذا والحظوظ اليـوم مكسوفـه
حظـي كــذا والكـرامـه عـنـه تمنعـنـا
مـــن أول أوصـفًّــك واقـــول غـريـوفـه
والظاهـر أنــا عـلـى شـوفـك تولعـنـا
واليـوم ياهاجـري لعبـتـك مكشـوفـه
لعـبـه وزودٍ عـلــى الـغــرات تقنـعـنـا
والمعذره عجزت أفكاري عـن طيوفـه
حـاولـت أقــرًّب مـنـه لـكــن تدفـعـنـا
أمـــور وأمــــور والـخـيــال بـسـيـوفـه
لاقلت هانـت سمعنـا صـوت مدفعنـا
مافيـه داعــي نـمـر البـيـت ونحـوفـه
مـادام نفسـي عــن الــذلات ترفعـنـا
حتى الرسايل مـن الجـوال محذوفـه
حذفـتـهـا مـانـبـي ذكــــراك تتـبـعـنـا
ودعـت رجـم الغـلا والشعـر وحروفـه
والـهـاجـس الـلــي يعـذبـنـا يـودعـنـا