منتديات بعد حيي - والبخيل اللي نساني وإشترى فيني.. وباع..يذلف الله لايرده والله بجرحي كفيل

منتديات بعد حيي (https://www.b3b7.com/vb/index.php)

- منتدى اوراق من ذائقتكم (https://www.b3b7.com/vb/forumdisplay.php?f=89)

والبخيل اللي نساني وإشترى فيني.. وباع..يذلف الله لايرده والله بجرحي كفيل


	لو خسرتك ماخسرت العمر والدنيا متاع.. وأدري إني لو خسرتك ماخسرت إلا القليل.. بس فكر زين ..تعرف من خسر فينا وضاع.. وتعرف إنك لو تلف الأرض.. وتدور بديل.. والله إن تبطي ..ولو لفيت كل البقاع.. ولو تسوي وش تسوي ماأنت لاقي لي مثيل.. وين تلقى مثل شخصي شخص..وطباعي طباع.. ووين تلقى مثل قلبي قلب..أو مثلي خليل.. البشر واحد..نعم..لكن فرق الإنطباع.. يجعلك يمي تميل ..ويم غيري ماتميل.. يارفيقي إنتبه..!وأحسن إلي الإستماع.. للمواقف دور في كشف المزيف..والأصيل.. وأنت ماقصرت فيني ..موقفك جداً شجاع.. طعنتك بالظهر فعلاً كانت إثبات ودليل.. بيض الله وجهك اللي ساتره تحت القناع.. ورايتك بيضا معاي وياعسى عمرك طويل.. يعني أعطيك الثقه وتردها بـ<لوي الذراع>.. ياخي ماشاالله عليك أبدعت في رد الجميل.. مدري كيف أشكرك ؟؟مدري كيف أرد الصاع صاع؟.. كنت احسب إنك عزيز النفس..تطلع لي ذليل!!.. كم وأنا عيت أصدق فيك قدر المستطاع.. من غبائي كنت أسكت وأعذرك وأثر الحصيل؟.. جرح قلب.. ميزته في كل يوم الإتساع.. ودمع عين ينهمر من ضيقتي..في كل ليل.. والله إني كنت أحبك حب.. وأتبعك إتباع.. كنت لجل أرضي غرورك بس أسوي المستحيل.. كنت أعمى فيك..لالا كنت ميت للنخاع.. كنت مدري كيف؟ لكن كنت صادق معك حيل.. كنت أمارس في غرامي لك سياسة الإنصياع.. وكنت لاغي معك فكرة أعتزل أو أستقيل.. إندفعت بكل مافيني ..وسوء الإندفاع.. يجبر الإنسان أحياناً.. يفكر بالرحيل.. صدمتي فيك إنت..خلتني أفكر بإقتناع.. إن قتل النفس راحه لو أنا كنت القتيل.. إنفجر راسي من التفكير..وإزداد الصداع.. كيف أنا بفتك من جرحك؟؟ودوشة<<قالٍ وقيل>>.. صرت سيره في حلوق الناس وتالي هالضياع.. أنتحر!!معقول؟؟ يالله وش هذا الغليل؟؟.. رحمتك يارب لامن ضاقت امنحني الوساع.. إنت حسبي في الزمان الجاير ونعم الوكيل.. لاغدى <مستقبلي والماضي> أطراف النزاع.. وصفحة الماضي سواد وشيء من هذا القبيل.. فلازم أنسى لجل أنهي بداخلي هذا الصراع.. ولازم أتقوى ..عشان أحقق النصر الجليل.. وطالما إن الهجوم أفضل وسيله للدفاع.. مستحـــــــــيل أرضخ لو إن الحمل ياربعي ثقيل.. والبخيل اللي نساني وإشترى فيني.. وباع.. يـــــــــــذلف الله لايرده.. والله بجرحي كفيل.. وإن سأل عني..وجاكم بعد فترة إنقطاع.. علموه إني نسيته بس أنا ماني بخيل.. طالما كان السبب في قوتي.. قبل الوداع.. بلغــــــــــوهـ أقل شيء بخالص الشكر الجزيل..[/3mr]

صح لسان شاعرها وصح نقلك
الحلو تحلى ايامك ياعزوتي

عزوتي ياملا العافيه والله
اختيار ينم على ذوق شعري رفيع

احترامي لك / عشوق

عزوتي شمريه
ماقولك الا
بيض الله وجهك
ورايتك بيضا ياعزوه وياعسى عمرك طويل

اختيار موفق صح لسان الشاعر

تسلمين على النقل عزوتي شمريه
ذوق وربي عساك للعافيه

اقتباس:

البشر واحد..نعم..لكن فرق الإنطباع..
يجعلك يمي تميل ..ويم غيري ماتميل..

الكلمة اللي باللون الاحمر هل هي كتبت خطاء ام كتبت هكذا من اجل الوزن ام ماذا

انا افضل ان تستبدل الى كلمة(الطباع)

تقبلي تحيتي

اقتباس:

طالما كان السبب في قوتي.. قبل الوداع..
بلغــــــــــوهـ أقل شيء بخالص الشكر الجزيل

يؤيؤيؤيؤيؤيؤيؤيؤيؤيؤيؤيؤيؤ

احسدك على حسن الاختيار والذوق الرفيع

تسلم يمينك

قصيده قويه بمعانيها

كثيره بمفهيمها <<< منين جاب هالحتسي هالولد

اقتباس:

المشاركة الأصلية كتبت بواسطة مزيون حايل (المشاركة 263266)

صح لسانك وابدعتي ماشاء الله عليك

هكذا اغلب صفحات حياتنا يلطخها بياضها اناس اخذوا منا ثقة لايستحقونها

تذكرت قصيدة مغناه تقول
اجل بعدين كيف(اربح) لو ماحسب خسارتي

فقد نحتاج لطعناة هؤلا..كي نكون في القادم اقوى

ملاحظة:

الكلمة اللي باللون الاحمر هل هي كتبت خطاء ام كتبت هكذا من اجل الوزن ام ماذا

انا افضل ان تستبدل الى كلمة(الطباع)

تقبلي تحيتي

شاكره لمرورك يالمزيون وبالنسبه للكلمه لم تكتب خطأ
لأن المقصود بالأنطباع انطباع الشخص عن شخص معين يعني رأيه واحساسه وكيف مكان ومنزله ذا الشخص عنده
اما الطبع فهو شي ثاني ومعنى ثاني و الكل عارفه

يعني أعطيك الثقه وتردها بـ<لوي الذراع>..
ياخي ماشاالله عليك أبدعت في رد الجميل..

وانا اقول ياختي ماشالله عليك اخترتي الجميل

نقل موفق لكلمات عظيمه توحي بروعة ذائقتك..

كلمات تستحق الثناء لما فيه من درر كامنه

سلمت اناملك وطابت روحك الابيه ..

تقبلي مروري..
بقايا حلم..