انا لي ثلاث ايام في داخل الفيضه=ماغير اتردد يالله انك تخارجنا

دخلت الحما واظن ماعاد بي عيضه=ركبنا السفينه ثم سجنا ودوهجنا

نوينا بها المرباع ونجدد القيضه=لين الوديع من الديار ايتولجنا

السود راحت وامتلا الخد في بيضه=عسا الله في صفحة هل الخير يدرجنا

سود اليالي تفرح الرجل واتغيضه=نغتر في حلوه والامرار تزعجنا

عمر الفتى هدّه ودنياه ترويضه=درسنا نهايات السفر في مناهجنا

عين الزمن لو مدد الوقت تغميضه=لابد ماتبصر وتنهي معارجنا

تستغفل العالم وتسحب مقاريضه=وتسحب بساط السلم عنا وترهجنا

غدارةٍ محدن سلم من عواريضه=تضحك وتبكي ثم تبرم وتدمجنا

تحط الحمول وتنتشر في مراكيضه=يارب من سؤ الليالي تخارجنا

صح لسانك ابيات جميله شكرا