سَمو البوح
 

‏من يجاريني على طرق الهجيني
::
ضايق ن صدري وانا صدري شمالي
::
يااله الكون ترحم والديني
::
ووالدين اللي من حروفي قرالي
::
ياحروفي وان عسفتك سامحيني
::
وعبري عن لوعتي واللي جرالي


الشاعر
سمو البوح النايف

للمجارات




وهذي مجاراتي له

‏‎ياسمو البوح حرفك حط فيني
شي مايطري ولايخطر ببالي

صح ذوقك يوم سجلت الثميني
من حروف الشعرحضّرت الجزالي

‏‎صح بوح اللي قرا باللهجتيني
يكتب الجزلات ماله بالهزالي

يرحم الله والديك ووالديني
القوافي جاهزه و الراس عالي

شاعرن شعره يروم الفرقديني
ورّد القيفان للعذب الزلالي

القلم. والزاج الازرق في يميني
والقريحه بوحها مضرب مثالي

اعسف العوبا مثل عسف الهجيني
وارتحلها بالميادين ارتحالي

اهتوي نظم القصيد ويهتويني
ارتجل صعب العنيدات ارتجالي

يابغيت الشعر ناديت القريني
ثم قال ابشر بعزك وانتخالي

اعتزيبه باالزوم ويعتليني
لين ينزل بي على سفوح الجبالي

مشعل عسام الغافل التريباني الشمري في 4/4/1441هجري

شاعرنااا القدير .. مشعل التريباني ....
تسلم ويسلم .. سمو البوح
يعطيكم الله العااافيه ..
تقديري للجميع ..

يسلّم منطوقكم يّ مبدعين
إلهي يسعدكم وَ لا يحرمنا جديدكم
~

شكرالكم جميعا على المتابعه
الله لايهينكم جميعا

صح لسانك مشعل
يعطيك العافية
ننتظر باقي الشعراء الافاضل يدلو بدلوهم
ويمتعونا بمجاراتهم

اعسف العوبا مثل عسف الهجيني
وارتحلها بالميادين ارتحالي
الله لا يهينك ومنك نستفيد نبي توضيح للعوبا
مجرد استغراب من استخدام هذه المفردة
لاهنت شاعرنا

الاخ اللي يستفسر عن مفردة العوبا
هي العاصيه والصعبه يقال لها عوبا لانها تعصى وتصعب على بعض. الشعرى

شكرالجميع الاخوان
ولجميع الاخوات
الف شكر للجميع علي حسن المتابعه