ابيات مدح وردثنا بالاخ جهز سايرالبريكي الشمري
((((مدح للاخ جهز البريكي))))
عندماتبرع بكليته لوحده من الجماعه بيض الله وجهه وكثرالله امثاله ورحم الله والديه [poem=font="simplified arabic,7,black,bold,normal" bkcolor="white" bkimage="" border="double,9,black" type=2 line=0 align=center use=ex num="0,black""] ياقريني يانخيتك لاتغيب=هات جزل الشعر وانق المفردات خابرك ياقلت لك عطني تجيب=حاضرن لهل العلوم الغانمات اكتب الجزله من الطرق العجيب=اذكر الطيّب زبون الطايلات ياجهز فعلك على غيرك صعيب=يا البريكي ترتكي للكايدات يابن ساير صاحب الصدر الرحيب=المراجل بذرتك وانت النوات انت لك بالطايله حظ ونصيب=وانت فيك المجد له وصف وسمات وانت مركا اللي بوقته مستصيب=واشهد انك ترتكي للمعظلات نلت عرش المجد بالفعل الرهيب=واعتليت اعلا المنازل والصفات تنقذ الملهوف والجسم العطيب=وترتكي للحمل وقت اللا زمات صرت سبّه في شفاء العل المريب=وفزت بالثنتين لوهن متعبات مر خصن كلوتك للجسم الكئيب=والمريضه صرت له سبّة نجات فزت بالمعروف والاجر الرهيب=والعلوم اللي تداولها الروات عشت والله يالعريب بن العريب=ياالحسام الفذ يانسل الدهات جعل شمسك يابن سايرماتغيب=يالاصيل بن الاصيل بن الدهات والله انه لوكتب فيك الاديب=مايكفي لوكتبنا معلّقات [/poem] (((مشعل عسام الغافل التريباني))) في 1444/3/6هـ |
صح لسانك ابيات جميله ويستاهل جهز المدح جزاه الله خير شكرا لك |
اخوي اميرالشمال
صح بدنك الله لايهينك يبعدي شراللمرور |
ترفع للاطلاع
|
بيض الله وجه جهز البريكي وصح لسانك يابوعبدالرحمن عـــدد نجوم السماء
وعز الله إن جهز يستاهل هذه الشامخة تقبل تحياتي لاعـــــــــدمنا وجووودك. تم التنســـــــيق |
صح لسانك ويستاااهل بيض الله وجهه على فعل الخير وانقاذ نفس
|
اخوي ابوطارق
اخوي ذيب اجاء صحت ابدانكم جميعا شكراللجميع على المرور |
الساعة الآن 06:05 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir