اسمك على جسمك00وعقلك لكم قـال =انـك ملاك00وكـل خلقـه بتهـواك
لا والذى00ثبـت اراضيـه بجـبـال =وسبع ٍ بسطها00وسبع فوقك تعـلاك

استبيح العذر لحظه باغى من وقتـك دقـا =قبل ماتقفى وانا اقفى اسمع الهرج الثبـات
اقسم ان الحب يمك لـك بنيتـه مـن نقـا =ما قصدت الا تصيري لى شريكـه بالحيـاة

رسنت انا مهرتي واسرجتهـا لاجلـك =وجيوشها من بنـات الفكـر تبغاكـا
عهد ٍ علي ما اجى عندك واقرب لـك =ولاجيب انا اسمك واعيش اليوم ذكراكا

انا وان هزني شوقي علـى الماضـي أوقـتٍ راح =طرالي مـن طرالـي بالهـوا غـروٍ يـرد الـروح
اسير الحب متعذب غـدا عمـري حـزن وصيـاح =دفنت الهم في صدري وكشفني دمعـي المفضـوح
انا لـولا ظـلام الليـل يغطـي دمعـي الفضـاح =يبين الحب في وجهـي لنـاسٍ تفهمـه بوضـوح
رفعتيني من الوادي علـى سفـح الجبـل سـواح =وتركتيني مع احلامي علـى ذاك الجبـل مطـروح

حبر القلم دمعـى وانتـى لـه اوراق =وتعبير قلبى فيك من واهـج الشـوق
اكتب حروف الحب والقلـب مشتـاق =باحساس مرهف دوم واسلوبه الـذوق

ونيت ونة من قرص رجلـه الـداب =والسم الازرق فـى عروقـه تسـرب
يوم انكسر نابه على الساق وانسـاب =كنه يشوف المـوت بالعيـن قـرب

القوافي جيـش والشاعـر سمـوه =والمعاني ف//بطن شاعر واظهـرّه
قالها من هـو تعكـر منّـك جـوّه =من صميم الـراس بيوتـه حظـرّه

انتـى مانتى00مثـل مانتى00بالبدايـه يامـلاك =خنتى وانتى00عقب مانتى00بالوفا مالـك حـدود
كم ظلمتى00 مـا سألتـى00الله اكبـر ياجفـاك =مـا رحمتى00لاسألتى00الجفـا وش لـه ردود

قـال مـن هـو هـام ابـكـل واد =شاعر او صـرح القصايـد هدهـا
ولع أبجوفـه لهيـب الشـوق زاد =واشعـل القيفـان بشعـره قـدهـا

لملم اجروحـى بكفـك واجمعـه =والفه قصه وحطـه فـى كتـاب
واكتب العنوان فيها ما اروعـه =ابتدى المشوار فى رحلة عـذاب

كانها للصدق وجتنـا بالحميـا =ماقبلنا الذل ولانرضـى الاهانـه
مايهـز الـراس لا ذاك ولا ذيـا =نعتـرف بالله وحقـه والامانـه

ياعقاب يـامـزبـن حشى كل مـن ضاق=شف عـيـشـتـي يـاعقاب بـانـت فـتـوقه
مـثـل الـمـطـر يـمـنـاك دفـاق رفــاق=لاطـاح تـخـضـر به مـسـايـل فـلـوقه
شوفك لـمـضـيوم الحشى تـقـل مشراق=ومن جاك يـامـن مـن بوادر عـقـوقـه
يـالاشـقـر السـاطـي لـلاجـوال لحـاق=لاهــده الـصـيــاد واطــلــق ســبـوقـه
لــه مـخـلـبـن حــده لـلازوار شــلاق=مـع هــدتــن تـدمــي ثــنــادي فـروقـه
مـن مـاكرن لـمـعـانـد الـخـرب خــنـاق=كـم صـيـدتـن يـمـنـاه تــمـــزر عـروقه
حاف الفياض الخضر من كل الاشـنـاق=والـصــيــد مـن يـمـنـاه تـنــثــر شـلـوقه
طيرن عطى في سـدحـة الـصـيد ميـثـاق=لاطـارد الـصـيــده تـشــوقــك طـروقـه
في هـدتـه مـاهـو غـشـيـمـن ومـطـفـاق=والـصـيـد لـو حـاول سـريـعـن لـحــوقـه
دم الـنـحـر مـن صفـق يـمـنـاه دفـاق=تـشـبـه لابومـتــعـــب سـلايـل اعـمـوقـه
كـفـه مـثــل يـمـنـاه لـلـخـرب صـفـاق=وعـيــنـه الـيــا حـارب تـقـــادح حــدوقـه
وصدره على المعروف للطـيب مـنـساق=الـخـرب مـن يـمـنــاه صـعـبــن عــتـوقـه
طـيـرن يـخــم الصيـد مـن كل الأرنـاق=وفـي كــف شــيـخـه هـاديـاتـن خـلـوقـه
ريـشـه صـفـيـفـن كـنـهـا صـف ذواق=وعـيـنـه كـمـا الجـوهـر تـلاعـج بسـوقـه
مـا طـار قـدامـه مــن الـصـيـد يـنــعـاق=عـريــض مـــنـحــر وارمـاتــن شــدوقــه