|
شقاوة الطفولة مع ( حنين الشوق )
http://www.shy22.com/upfiles/6z083590.gif دعونا نسترجع ذكرياتنا الجميلة .. لشغب الطفولة بكل براءتها ، ونقاوتها ، وعفويتها .... إلخ " حنين الشوق " هنا مساحة حرة خاصة لشغب طفولتك .. هل كان لديكِ حب استطلاع وفضول ،تصل إلى تكسير ألعابك ..؟ صفاتك الخُلقية والخلقية ورثتها من والدك أم والدتك ..؟ وجبتك وشرابك المفضلين ..؟ هل كنتِ تقليدين وتتصرفين كأحد والديك أو أخوتك .. ؟ حدثينا عنها كما يحلو لك .. http://www.shy22.com/upfiles/DBJ83590.gif 1- مكان الميلاد ..؟ 2- ترتيبك بين أخوتك ..؟ 3- أكثر شي يزعج أخوانك منك وأنت طفل ..؟ 4- من الأقرب لك أبوك أم أمك في طفولتك ..؟ 5- موقف ما زال في ذهنك ..؟ ( سعيد أو حزين ) 6- أعز صديق لك ..؟ ومن أي دولة ..؟ 7- أصدقاء الطفولة هل مازلت متواصل معهم ..؟ 8- كنت تحب تلعب مع البنات أم الأولاد .. أكثر ؟ 9- أول صفعة في حياتك .. وش سببها ..؟ 10- أفضل لعبة ..؟ 11- أحب مكان تتنزه فيه ..؟ 12- أفضل فلم كرتوني ..؟ 13- هوايتك في طفولة ..؟ 14- حلمك الطفولي ..؟ 15- مطربك المفضل ، أغنيتك المفضلة كـ طفل ..؟ 16- إذا عادت عجلة الزمن للطفولة .. ما هو الشيء اللي بتغيره ..؟ 17- صف طفولتك باختصار ..؟ 18- إذا ما عندك مانع حط صورتك وأنت طفل ..؟ << ما أعتقد أحد بيشوف هالسؤال ..؟ ملاحظة / هنا مساحة خاصة لكل عضو .. الله يعطيكم العافية .. لا أحد يكتب رد إلا بعد العضو ما ينهي صفحاته .. بكلمة انتهى .. http://www.shy22.com/upfiles/ATh84907.gif |
قبل ان اجيب عن الاسئلة اود ان اشكرك غاليتي على اختيارك واتاحة الفرصه لي
فكلمة شكرا لاتوفيك حقك على جهودك المبذولة بالمنتدى تنشرين الخير والمحبة وترسمين البهجة والسرور على وجوه الاعضاء فألف شكر غاليتي على روعة تواجدك والف شكر على موضوعك الرائع فدمتي بكل حب ومودهـ.. |
هنا مساحة حرة خاصة لشغب طفولتك ..
بصراحة طفولتي كانت حلوه هادئه وبرئية لاتعرف الكره هل كان لديكِ حب استطلاع وفضول ،تصل إلى تكسير ألعابك ..؟ اكيد كان عندي فضول واكثر شي تأمل لكل شي غريب يدور حولي بس ماتوصل لتكسير الالعاب عشان محد يكسر العابي لأني كنت حريصه على العابي صفاتك الخُلقية والخلقية ورثتها من والدك أم والدتك ..؟ وجبتك وشرابك المفضلين ..؟ صفاتي واخلاقي اخذتها من الوالده الله يحفظها اما ملامحي وخلقي من الوالد رحمة الله عليه اما وجبتي المفضلة معكرونة ااسباغتي ومشروبي شاني هل كنتِ تقليدين وتتصرفين كأحد والديك أو أخوتك .. ؟ كنت احب اقلد اختي الكبيره باللبس والجلسه والتصرفات وكانت تعجبني شخصية الوالد الله يرحمه لكن اعجز ان اصل مثلها او اقلدها حرم الله وجهه عن النار حدثينا عنها كما يحلو لك .. طفولتي كانت حلوه بالرغم انها ماكانت سعيده تماما لكن كانت صافيه نقية برئيه ليس لي مغامرات كثيره لأن طبعي هادئ حييييل بس لاتهورت تهورت ومايصير هالتهور الامره بالشهر |
1- مكان الميلاد ..؟
الرياض 2- ترتيبك بين أخوتك ..؟ السابعة 3- أكثر شي يزعج أخوانك منك وأنت طفل ..؟ حساسيتي الزايدة 4- من الأقرب لك أبوك أم أمك في طفولتك ..؟ الوالده الله يحفظها لأني كنت اهاب ابوي واستحي منه بشكل كبير بالرغم انه حنون الله يرحمه 5- موقف ما زال في ذهنك ..؟ ( سعيد أو حزين ) بصراحه في موقفين حزنين عالقه وراسخه بذهني الى الان مستحيل انساها اتكلم عن موقف واحد وهي يوم ابوي الله يرحمه بيروح للحج هو واخوي واختي وعمي كان مدخل السياره داخل البيت يحمل الاغراض عليها وكلنا طالعين بالحوش نتفرج عليهم ويوم خلص ابوي واخوي من التحميل الاغراض ركبوا السيارة ونزل ابوي يودعنا انا يوم شفته يودع خواتي واخواني واحد واحد كان يحضنهم انا انسحبت بهدوء من غير مايحسون فيني لاني كنت استحي من ابوي حيل وصرت اراقبهم من وراء الباب الداخلي ورفع راسه يسأل عني كلهم قالوا مدري سمعته يقول سلمولي عليها وبعدها سافروا وبعد ماانتهوا من الحج وهم راجعين صار لهم حادث وتوفوا ابوي واخوي الله يرحمهم ويتقبل منهم اول ماسمعت الخبر بكيت على اللحظه اللي ماودعته فيه اكثر من خبر وفاته كرهت نفسي حيل والى الان اتمنى لو يرجع الزمن لحظه بس عشان احظنه واودعه رحمة الله عليه وجعل مثواه الجنة... 6 -أعز صديق لك ..؟ ومن أي دولة ..؟ أختي الله يحفظها من الرياض7 7- أصدقاء الطفولة هل مازلت متواصل معهم ..؟ نعم ولله الحمد <<مو من كثرهن الله يسعدهن 8- كنت تحب تلعب مع البنات أم الأولاد .. أكثر ؟ لاطبعا احب العب مع البنات لكن مره تهورت ولعبت كورة من اخواني وعيال عمي واخترت اصير حارس مرمى يقالي اخترت السهل ياعله ماعادت وتجيني هذيك الضربة بعدها ماوعيت بروحي الاامي ترش علي ماء وتقرا علي هههههه بعدها بلعت العافيه ورجعت العب مع حبيباتي البنات 9- أول صفعة في حياتك .. وش سببها ..؟ كانت من ابوي الله يرحمه والسبب مره بحياتي تهورت من تهوراتي النادره وجمعت خواتي وبنات عمي واقترحت عليهن نروح للبقالة وامي تحاسب البقالة اللي بجنبنا وانا تخطيطي اكبر وحنا رايحين للبقالة اقترحت على البنات قلت في بقالة ثانيه احلى وتجيب حاجات كثيرة وقطعنا الشارع ورحنا وابوي تباطانا وراح يدور علينا ويوم شافنا راجعين ونركض داخل البيت ودخل واعطاني هذاك الكف لاني اكبرهن ويقالي العاقله هههههه 10- أفضل لعبة ..؟ عروسة كان لونها احمر جتني هدية من جارتنا يوم امي بالمستشفى تولد واتاري صخر الاسود 11- أحب مكان تتنزه فيه ..؟ البروالبحر وخصوصا اللعب بالرمل 12- أفضل فلم كرتوني ..؟ سالي وسوسن وفلونه13 13- هوايتك في طفولة ..؟ اجمع البنات واصير عليهم معلمة 14- حلمك الطفولي ..؟ اصير معلمة <<تخرجت وتوسدت الشهادة ولله الحمد 15-مطربك المفضل ، أغنيتك المفضلة كـ طفل ..؟ ماكان عندي مطرب مفضل ولااسمع اغاني كثير لكن في اغنية اسمعها وانا صغيره وانسجم معها مع اني ماكنت افهم كلماتها الا يوم كبرت وهي اغنية اجر الصوت لعبدالكريم عبد القادر 16- إذا عادت عجلة الزمن للطفولة .. ما هو الشيء اللي بتغيره ..؟ ماغير شي فيها ابد بالعكس اعيشها بكل مافيها بحلوها ومرها بس الشي اللي نفسي اغيره هو اني اودع ابوي الله يرحمه 17-صف طفولتك باختصار ..؟ طفولة هادئه برئية صادقه حلوه بكل مافيها من احداث ومغامرات وتهورات 18- إذا ما عندك مانع حط صورتك وأنت طفل ..؟ << ما أعتقد أحد بيشوف هالسؤال ..؟ حفاظا على مشاعركم واحساسيكم الراقية نعتذر لعرض الصورة وبعدين فيها قبايل لو بحط صورتي عاد تخيلي هايدي يقصون رقبتك اهلي طبعا بعد ماقصو رقبتي قبلك هههههههه مــــــــدخل:[ كنــ،ٌٍُـآإ صغـ،ٌٍُـآإر ]i فى يوم من الآيام كنآ صغآر لآ يهمنآ إلآ الألعاب لآإ نعرف إلا الآبتسآإمة و قربنـآإ من آلأهل والآإحبـآإب كبرنـآإ وعرفنـآإ آلعوآإطف وآلأحلآإم ومن هموم آلدنيـآإ أحيـآإ‘ناً لآإ ننـآإم وقتهـآ نفكر ونقول .. يـآإ ليتنــــآإ يآليت مآ كبرنـآ وظلننـآإ صغـآإر ., انتهى الف شكر لك يالغاليه على استضافتك واتمنى كنت ضيفة خفيفة على قلوبكم الطيبة صحيح مالي تواجد كثير بالمنتدى لكن يشهد الله علي مارتحت بمكان كثر مارتحت بهالمنتدى الراقي بجميع اعضاءه الله يسعدكم ويوفقكم لفعل الخير دائما ودمتم بحفظ الله |
آهلين .. بـ حنين الشوق الله يعطيكِ ألف عافية ع كلامك الجميل .. أسعدني كتير .. ربي يخليكِ .. والشكر لكِ و لكل الأعضاء لتفاعكم الرائع .. طفولتك رووووعة .. واضح عليكِ الهدوء .. موقفك كتير مؤثر .. بوفاة والدك وأخوكِ .. الله يرحمهم ويغفر لهم .. وإن شاء الله ربي يجمعكم في جنته . موقف البقالة صار لي نفس الموقف يا حبنا وأحنا صغار للبقالات البعيدة << أكيد فيها كل شي :000: هم كدا التماسيح دفشين بكل شي ههههه الله يعطيكِ العافية عل مشاركة الحلوووه والممتعة .. وربي يخلي لكم الوالدة .. ويشفيها يا رب .. وحلمك إن شاء الله يتحقق وتصيري معلمة ئــد الدنيا .. أكيد ضيفة خفيفة ع قلوبنا .. وأحنا سعداء لوجودك بينا .. |
طفولة حلوة رغم أنها هادئة جداً
حنين الشوق الله يسعدكِ وين ماكنتِ |
رحم الله أبوك وأخوك وأسكنهم فسيح جناته
بس بصراحة كله كوم .. وانك تلعبين كوره وحارسه كوم ثاني وعلى الطارئ هالأيام يقولون فيه فريق نسائي .. ويبون حارسة كان ودك .. لا يردك إلا المطار .. وعلى جدة هوا الله يوفقك ويسعدك دنيا وآخرة |
حنين الشوق
انا ودي افهم انتي ليش تسحين من ابوك ويمكن لو انك ودعتيه كان اختلف الكثير لاكن الله يرحمه |
فعلاً زي ما توقعتك ^^ هاااااديه حدك .. و الله يرحم موتاك و يسكنهم واسع جنانه .. لكن موقفك مع الوالد الله يرحمه .. أثر بي حيل << حطيت نفسي مكانك الله لا يقدر .. و لا موقفك يوم تصيرين حارس ؟؟!!! بزعمك بيخف الجهد و لا إيش ؟؟ أصلا معروف ان احسن مركز بالكوره الهجوم << اسألي مجرب ^^" الله يخلي لك امك و اخوانك .. و يسعدك وين ما كنتي .. و حياك اختي باي وقت المكان مكانك هنا ^^ و الشكر موصول للمبدعه هايدي .. دمتم .. |
حنين الشوق :3ab8a0c27b: طفولة جميلة رغم أنها هادئة جداً الله يسعدك وين ماكنتي هايدي :3ab8a0c27b: شـكــ وبارك الله فيك ـــرا لك ... لك مني أجمل تحية . :h64: |
حنين الشوق
الله يسعدك اختي ويرحم والدك وخوك ويسكنهم فسيح جناته ويحفظلك الوالده وخوانك طفولة جميله وهادئه امتعتينا بسردها |
هايدي
مناهي هلالي ودمي يغلي المسعدي أموله خروف العيد النووفي حياكم ربي والله يجزاكم خير على دعواتكم واسأل المولى القبول وأسعد الله قلوبكم كما اسعدتوني بطيبة تواجدكم وروعة كلامكم الصادق دمتم بحفظ الله جميعا.. |
Ϡ₡ईܔ ǁ|[ حنو ]|ǁ ܔईϠ₡ الله يرحم الوالد ويحفظ لك الوالده يارب ولايحرمك برّها طفوله هاديه وبريئه .. الله يحفظك يارب هايدي .. آلف شكر لك |
اقتباس:
اللهم ااااااامين حياك ربي يالغاليه اسعدني تواجدك الله يسعدك دمتي بحفظ الله.. |
حنيين الشوق مشكورة على الذكريات الحلوة والبريئة وبالنسبة لموقفك من والدك لاتندمي يالغالية انتي كان قلبك حاس ويمكن كنتي رافضة روحتهم بس ماقدرتي تعبرين عنها الا بالهروب فلا تلومي نفسك يالغالية والله يرحم ابوك واخوك رحمة واسعة آمين يارب العالمين وجميع موتى المسلمين هايدي مشكورة على الموضوع والأستضافة الذوق |
| الساعة الآن 08:09 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010