حلْم عابِرْ
 

[poem=font=",6,black,normal,normal" bkcolor="transparent" bkimage="" border="double,4," type=0 line=0 align=center use=ex num="0,black""]
مليت من دمح الزّلل والخطايا= والجِهْد ماعاده شديدٍ وصابر
ياقوّ قلبك كيف هذا جزايا= تقطع مع المعلوق جذْرٍ ودابر
هدّيت حيلي يوم سقت العطايا= وخيّبت ظنّي ياسليل الاكابر
انهيتني واصبحت مالي سمايا= خلاص عود العُود ماهو بجابر
عودي فتات وصار صلبي شظايا= حسيبك الله بالقساوه مثابر
كنت احسب انّك وافيٍ بالمزايا= وكنت احسبك ليّن ولاانته مكابر
والظّنّ بك عندي يفوق البرايا= وظنّيتك بطيبي تهزّ المنابر
واثري ظنوني خيّبتْها النوايا= من يوم بيّن لي كلام المحابر
عرفت فحوى كلّ سرّ وخبايا= يوم المعزّه سقتها للمقابر
هذي مشاعر من عديم الرّدايا= خطّه لظرْفٍ وانت الاعْلم وخابر
في واديٍ والوقت حزّة مسايا= خذْها وللمضمون دوّر معابر
ناخت عزوم الطيب ماتت سجايا= والحاضر افناه القهر .. صار غابر
خلّيتِنِي مِنْ ضِمْن ذِيك الضّحايا = ومْخِيلِتِي بكْ لِلأسفْ ..حِلْم عابِرْ
[/poem]

يالروعة ابياتك اخوي السلف

قسم بالله مططططر غيث سقيا رحمه .. رحمه لآذاننا وقلوبنا

لله درك يا شاعرنا


الله الله


ناخت عزوم الطيب ماتت سجايا= والحاضر افناه القهر .. صار غابر
خلّيتِنِي مِنْ ضِمْن ذِيك الضّحايا = ومْخِيلِتِي بكْ لِلأسفْ ..حِلْم عابِرْ


حلم عابر .. قصيده اروع من الروعه اطربتني بها يا مبدع



صح قلبك يا أمير الحرف وموسيقار الكلمه


تقديري

[ السلف ], صح لسانكـ على هذه الكلمات العذبة
سلمت ودمــت بهذا الإبداع وأكثر
وأهنّئكـ على هذه القصيده الاكثر من رائعه
تشرّفت ياأخي بمعانقت هذا الجمال .. تحيّاتي لكـ ـ

عـرفـت فـحـوى كـــلّ ســـرّوخـبـايـا :: يـــــوم الـمــعــزّه سـقـتـهــالـلـمـقـابـر
هــذي مشـاعـرمــن عـديـم الـرّدايـا :: خطّـه لظـرْفٍ وانــت الاعْـلـم وخـابـر










صح لسانك ملااايين السلف
ع الجزاله الرائعه...

صح لسانك وعلا شانك أبدعت في بوحك ووصف إحساسك ‏, كلمات راقت لي كثيرآ لافض فووك ‏..‏ دمت بهذا الإبداع والتميز ‏..

جزله ياجزل
صح فكرك وصح البوح العالي
سلمت وسلم حرفك شاعرنا

صح الله لسانك
على ابداعاتك ونزفك الرائع اللذي اعتذرت
كلماتي ولم اجد لها انطلاق امام ابداعك بنتظار جديدك فلا تحرمنا نزفك

روعه يالسلف

صح الله لسانك وسلم بنانك على هالروعه
ودمت مميز وراقي

يسلمووو
على القصيده الحلوه
ماقصرت اخوي