يابوطلال ان كان نـاوي لمكـه
 

السلام عليكم ورحمة الله وبركاته

ودي اقولكم سالفت هالقصيده بس اخاف يجي خالد ويعلق هههههههه بس ماعلي منه ابقولكم


هذا الله يسلمكم العام كنت طالع من دوامي العصر ولقيت رعي جيب صالون متعطل

شفت شكله شايب ومعه عايله قلت حرام ماينتخلى وقفت ابي افزع له وليتي ماوقفت هههههههه

شفتلي وحده ركبه ورا احيييييييييييييييييييييييييييه عليه عيون بذمتي اني بديت افحط في محلي

وهي شكله مليعينه من نزلت من سيارتي بدت ترزز وتوسع نقابه ونزلت بنت صغيره تقل ورده

يعني مثل قولت شف هذي نمونه<<<< والله من شين التفكير ههههههه

مادريت اني على جريف ههههههههههههه

ودريت من اشايب انهم من الطايف







[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يابوطلال ان كان نـاوي لمكـه=قبل تمر السيل ادخل الطايـف
رح للذي قلبي عن الغير صكـه=قله يفكه يابيض الوجـه خايـف
قله ترى حبله على القلـب تكـه=يابو طلال الموت بالعين شايـف
تكفى فديتـك ياعضيـدي يفكـه=قله ترى روحي عليهـا كلايـف
مثل الشعيب الي من السيل دكـه=خلى الشجر والقشع وسطه لفايف
قله شربت الكاس والموت حكـه=كاس الهوى بالقلب والراس طايف
عزالله ان الزيـن قلبـي يركـه=وانا علـى لقيـاه كلـي مهايـف
[/poem]

ايه قل من الأول هلون
إنت ما وقفت لرجال الا يوم شفت مكحولة العين هههههههه
وإنت والله بقصيدتك هذي ترك تبي تخرب اللي يقرون
بكرا تلقاهم اي واحدن متعطل يوقفون يساعدونه
عاد ان كان المسيكين لحاله محد يبي يساعده وا عزي لحاله هههههههههههههه


صح الله لسااانك مليون والله يطول بعمرك يا الغالي
وعسى الله لا يهينك على هالقصيده اللي على المسحوب
لكن شف الشطر الثاني من البيت الأول ^_^

ههههههههههههههه تصدق عاد انه مرة على ناس واجد وماحد كفش هاشطر يخرب عقلك ياطلال

صح بدنك يالامير

مرور محرج ههههههههههههههههه<<< وده يقول لا عمرك تمر ههههههههههه

ابيآت رآآئعه وآكثر
شاعرنا مطعون غدر
وتدل احساسك الجميل
والمقدره الشعريه لترجمة ذلك الاحساس
ببراعه ولغه شعريه رآقيه ورآئعه ..
سلمت وسلم بنآنك ..
وشكرا لك على هذا الحس المترف الراقي الجميل
اطيب تحيه..

على النيه قسم بالله انك مميزه في كل شي

مشكوره اختي

هههههههههههه تخيلي عاد تصر الشغاله وانا مسوي فيها هههههه لا لو تشوفين مشيتي وانا نازل لهم تقولين الزير سالم ههههههههههههههه

والنوع توزيع الابتسامات هههههههههه ياتسبديه قهر كانيهي الشغاله

الله يقطع شيطانك يامخاويه خربتي كل خيالي ههههههههههه


اشين شي مرورك هههههههههه

خلص بالله لاحد يكتب رد على القصيده <<<<< طلعت ام عيون شغاله الله يخلف

فزعه ياعلى النيه قفلي هالقصيده بسرعه هههههههههههه

صح لسانك
كلمات رائعه حضر بها سموك
حضور مميز وننتظر المزيد
من عذوبه حرفك وشجن بوحك
لا خلا ولا عدم يارب
..احترامي




http://www.2qut.com/egreetings/resou...89b4bcb64b.gif

:

صح لسانكـ مدد بلا عدد
أبيات رائعه ومميزه بصدق مشاعرها وروعة مضمونها
دمت بهذا الحضور المتألق
ويعطيك ألف ألف عافيه

:
:

ذوق الحنان

ضحكة الدنيا

يابعدي اني وهي الموضوع مقفل بس ولو تشرفت في مروركم الحلو


خلاص بالله لا حد يرد على هالموضوع تراه مقفل