رد ثناء للشيخ فهد الطواله + صوتيه
 

[poem=font="Simplified Arabic,6,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] والله يبو كردي لو الكل بالكيف=شفنا صغار القوم تاكل كباره
يوم انها بظهور خيلٍ معه سيف=جدانك اول من بناله حضاره
ويوم انها هالحين وبكرامة الضيف=اصغركم اللي بانيله عماره
عمارتن تنعد للطيب تعريف=ماهيب لاهل الفشخره والتجاره
اللي يحسبون الهلل والتكاليف=واليا ربحوا قرشين قالوا شطاره
انته عدو للي يحسب المصاريف=وانته صديق اللي يشب دوم ناره
انته دوا للي عيونه مكافيف=صيتك ملى دنيا ظلامه نعاره
انته دوا للي فعوله سواليف=اللي هياطه فوق فعله خساره
انته مطر للي حياته عواصيف=انته انته ضيا للي طفى ضي داره
انته نجاة اللي بليا مجاديف=انته فهد اسمك وفعلك وقاره
انته ليا قلنا عن الذيب ماشيف=ندري تعشي بيت جارك وجاره
انته ستر بيض الطنايا الغطاريف=اليا حصل بالوقت دوره وغاره
انته عديمن فوق روس المشاريف=صاد السمين وجاب لاهله بشاره
قد حاولت طرحه شبوك الملاقيف=اللي خطش منها بتالي نهاره
قد وصفوه وفاق حد التواصيف=وقامت يمين فلان تصفق يساره
حسره ملت كل العيون المشاغيف=اللي تشوفه حام ناوي دياره
مثله عديم ويستحق التحاسيف=مثله عذاب اهل الولع بالصقاره
مثلك يبو كردي وش اقول واضيف=دام الفعول فعول فوقه اماره
يفداك من شاخوا بوقت الدناديف=وحطوا قناة مصورين واناره
وقامت تهايط بالكرم والمغاريف=مغرافهم شيول..ومره غضاره
وسلة فواكه قيل جيبت من السيف=وحطوا دعاية لجلها بكل حاره
وجابو شرابٍ زود الجو تلطيف=وهزوا خصر وشوّي تقلب دعاره
فعولٍ بدايتها مظاهر وتزييف=لو تستمر يومين عاد انهياره
النايلي جتلك حروفه ملاهيف=باسمك تسوق ولا تشيل استماره
اسمك لحاله يربك القوم ويخيف=وشلون في وقت الزعل او قراره
كان القصيد جنود عسكر وتكليف=كلفت لك شعرٍ يحب الصداره
ظابط شعر ومجازي القاف توقيف=باسمك يحضر ثم يسلم خفاره
وكان القصيد اسباب طيب ومواقيف=اسمك كتبته رمز طيب ونعاره[/poem]

نص رآآئع وجزل اختزل معاني
الصدق والتقدير والوفآء
ويستاهل من قيلت به
والقآء آكثر من رآئع
صح لسآنك وسلمت يمينك
ولآهنت ,,

أحسنت الشاعر سالم.....وما أجمل الألقاء كلمات تتسابق الى ألأبداع

وبلا شك قلتها بشخص فعلا يستحق الثناء....رآآآآآآئعه حفظك الله

شاعرناااا سالم الشمري
إطلآلةُ حرفٍ يعزفُ لحن الجمـآل
ويرسمُ لوحةُ النقـآء
جميل هو طرحك..ورائع هو ذووقك..
واستمتعت بالمكوث هنآ..
لـ قلبك أنفـآس الورد
ودي وشذى الورد
http://www.hitarek.net/imgglitter/gif/flo11.gif

صح لسانك سالم الشمري
ابيات جميله جدااا

وصور شعريه رائعه جداا ومعاني

فكل بيت في هذه القصيده عباره عن قصيده لحاله من جمال هذا النص وابداااعك ايها الشاعر المميز

ابدي اعجابي بهذا النص تقبل مروري وتحياتي لك

صح الله لسانك يا الغالي ولا هنت
على هالابيات ويستاهل الممدوح

تحياتي وودي

قصيدة رائعة
القت على الممدوح الكثير من الاوصاف التي
جعلتنا متلهفين لسماع الثناء اكثر واكثر
كنت رائع والقاؤك رائع ..
صح لسانك ولاهنت ..
والنعم فيك وبممدوحك ...
شكرا لهذا الهطول الذي ينعش الصفحات ...