طيرٍ ماهو عريان كبـو لـه شعيـر
 

السلام عليكم

هالقصيده هذي جابت فيني العيد مع الصقاقير

نصهم زعل على شان البيت الاخير ههههههههههه

ان شالله تعجبكم .



[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] قولوا لبو وافي ترى الطير عريـان=أسبق من الشاهين لا صار به جيـر
ماهوب من عندي يقولـة كحيـلان=علمنٍ ثبات ولا خلـط فيـه تزويـر
يقول شفت طيار ماهـوب جنحـان=إلا صواريـخ علـى الجـو تدميـر
قلت إذكر الله وإقصر الهرج وان كان=نوبٍ على بطنه ونـبٍ علـى غيـر
سلم عليـه وقلـه الـراس طربـان=قلـه يخاوينـا لـهـاك الدعاثـيـر
قلـه نبيـه بمهمـهٍ دون فيـحـان=قفـرٍ تربـه شـاردات المعاشـيـر
نبي عقب طيريـن نلحـق بعريـان=نبي إليا صارت تقل حذف معصيـر
ثم أيقنت بن السماء صـار مزبـان=في وصط مرباع النجوم المشاهيـر
ياخذ عنه ويهـد والحـرب ميـدان=ولاظن غيره يودع الريـش تنثيـر
واللي على قافي من الناس شرهـان=لا يحضر الفتنة على غيـر تدبيـر
يركد ترى قلبي مـن الغيـر مليـان=وإن كان هرجي محدثٍ بالصقاقيـر
انـا وروحـي والمعاليـق عريـان=طيرٍ ماهو عريان كبـو لـه شعيـر[/poem]

والله ماعندي دراية بالطيور
وكل اللي اقدر اقوله
صح لسانك ولاهنت على هالابيات
التي قدمتها لنا ...

قصيده رائعه

حي هالحضور الجزل وراعيه
صح لسانك وتسلم يمينك

جملتنا الله يجمل حالك

صح بدنك يالاميره


واذا تبين اخليك صقاره من عيوني


ترا السالفه ماتبي شي بس خلي كلامك فيه تفخيم وخلي جلستك فيها رزه

وطلعي يدك مع الدريشه وانتي تمشين في السياره


وخلاص انتي صقاره ههههههههههههههه

صح بدنك اخوي وبيض الله وجهك تشرفت فيك وفي مرورك

صح لسآنك مدد بلا عدد
مطعون غدر
كتبت فأجدت نص جزل وراقي
وأبيات رائعه وأكثر
سلم بنانك وسلم فكرك ونبضك
ولاهنت ,

صح لسانك شاعرنا
لاهنت

فالك الطيب يالاميره

وصح بدنك

مشكوره على تشريفك متصفحي اشين

الله لايهينك اختي

وصح بدنك

[poem=font=",6,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] قد قلتلك يم العيون الوسيعه=انا وقافي والقصايد فدلك[/poem]

صح بدنك اختي مشكوره على مرورك

:

صح الله عروق قلبك
لاهنت

:
:

صح بدنك يالاميره

فزعه تكفون خلاص لايرد احد على هالقصيده

تسمعون بشي اسمه ختامها مسك


خلاص ماعتقد فيه اطيب من هالمسك مشكوره ضحكة الدنياء